Frankotiratzaileek bost polizia hil dituzte Dallasen
Bost polizia hil dituzte AEBetako Dallas hirian, frankotiratzaileek egindako tiroen ondorioz. Beste zazpi polizia eta bi herritar ere zauritu dituzte.
Gertaerak ostegun gauez izan dira, poliziaren bortxakeriaren aurka protesta egiten ari zen manifestazio batean. Antza, eraikinetatik egin dute tiro eta polizia erasotzaileen bila ari da orain. Eskola batean babestu den beste herritar bat ere hil da; honek mehatxu egin die poliziei eta ez dago argi poliziak hil duen edo bere buruaz beste egin duen. Beste hiru lagun ere atxilotu ditu poliziak.
Azken bi egunetan armarik eramaten ez zituzten bi herritar beltz hil ditu poliziak, behin hauek menderatuak zituztenean, Alton Sterling Luisianan eta Phillando Cartille Minnesotan. Gertakizun horiengatik ari ziren egiten manifestazioa Dallasen, frankotiratzaileek poliziei eraso egin dietenean. AEBetan oso ohikoak dira poliziaren halako hilketa arrazistak eta gertaerok istilu handiak eragiten dituzte beltzen komunitatea eta polizien artean, bereziki AEBetako hegoaldean.
Hainbat herritarri suzko arma batekin tiro egin ostean bi pertsona zauritu zituzten udaltzainek, horietako bat larri, pasa den martxoaren 21ean, Barakaldon. Tirokatuak kalean bizi ziren magrebtar jatorrikoak izatea ez dela kasualitatea dio 77 elkartek sinaturiko adierazpenak:... [+]
Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]
Arrazakeria, diskriminazioa eta islamofobia salatu ditu langileak, eta Iruñeko Lan Ikuskaritzaren aurrean elkarretaratzea egin dute, SOS Arrazakeriak eta LAB sindikatuak deituta. Ikuskaritzak salaketa itxi du, eta onartu egin du Misericordia enpresaren argudiaketa, dioena... [+]
Donostiako Egia auzoan, azken hilabeteetan, bizilagunen artean segurtasunaren inguruko kezka handitu da, eta “beldur eta urduritasunak duen garrantzia aitortu eta sentimendu horiei lekua” egin behar zaiela aldarrikatu dute.