Frankismoaren krimenen kontrako kereila aurkeztuko du Arabak

  • Erantzule "zuzen eta zeharkakoak" auziperatzeko eskatu dute Arabako Batzar Nagusiek.

Artikulu hau CC BY-SA 3.0 lizentziari esker ekarri dugu.

2016ko apirilaren 28an - 09:09

Arabako instituzio nagusiek –Arabako Batzar Nagusietako mahaiak eta Foru Aldundiak– diktadura frankistak eragindako gizateriaren aurkako krimenak Gasteizko epaitegietara eramango ditu. Hala erabaki dute gaur Batzar Nagusiek, Frankismoaren Aurkako Kereilaren Euskal Plataformaren ekimenez, EH Bilduk eskaera egin eta gero. Ekinaldiak EAJ, EH Bildu, PSE eta Irabazi taldeen batzarkideen babesa izan du. Amnistiaren legeak nazioarteko zuzenbide printzipio orokorrak urratzen dituela azpimarratu eta Argentinan hasitako lanari bide emateko eskaera egin dute.

Salaketaz gainera, krimen horiek guztiak zein baldintzatan egin ziren zehaztu, nortzuk izan ziren erantzule zuzenak eta zeharkakoak jakin eta, hala badagokio, "horren inputazioa, auziperatzea, epaiketa eta zigorra" bideratu ditzan eskatu dute ekinaldi honen bitartez. "Ezinbestekoa da inpunitatearekin amaitzea, diktaduraren krimenak epaitu behar dira", defendatu du Kike Fernandez de Pinedok, Arabako EH Bilduko bozeramaileak.

Albiste hau Arabako Aleak argitaratu du eta CC-by-sa lizentziari esker ekarri dugu ARGIAra


Kanal honetatik interesatuko zaizu: Oroimen historikoa
Frankistek fusilatutako Modesto Manuel Azkona Garaicoechea Arabako Diputatu eta Saratxoko bizilagunaren gorpua identifikatu dute

Alesbesekoa jaiotzez, Saratxon bizi zen Unión Republicana alderdiko kidea, bere emaztea hango maistra baitzen. 1936ko irailean erail zuten frankistek eta ostiralean lortu zuten bere gorpuzkinak identifikatzea.


Jesús Carrera, frankistek torturatu eta fusilaturiko buruzagi komunistaren bizitza pantailara

Hari buruzko aipamenik apenas iritsi zaigu historia liburuetan, baina Jesús Carrera Olascoaga (Hondarribia 1911 – Alcala de Henares 1945) Espainiako Alderdi Komunistaren idazkari nagusi izatera iritsi zen. Frankistek atxilotu, torturatu eta fusilatua, bere... [+]


“Ezin da kontsulta baten emaitzetatik erabaki Iruñeko Erorien Monumentuaren etorkizuna”

Erorien Monumentua eraisteko eskatzen duten memoria elkarteen ustez ezin da eraikin frankista horren etorkizuna utzi herritarren esku: “Faxismoa omentzen duen eraikinarekin zer egin frankismoaren oinordekoek ere parte hartzen ahal duten galdeketa batek ezin du... [+]


Eguneraketa berriak daude