Lau ekintzaile espetxeratu dituzte Ingalaterran, frackingaren makinaria zeramaten kamioietara igo zirelako
Frackingaren aurkako lau ekintzaile espetxeratu dituzte irailaren 25ean, frackingerako lurra zulatzeko makinaria garraiatzen ari ziren kamioietara igo eta beren lana oztopatzeagatik, The Guardian egunkariak jaso duenez.
Frack Free 4 izenez ezagun egin den laukotea espetxeratua izan da 2017ko uztailean era baketsuan egin zuten protesta batengatik Lancashire inguruetan, Ingalaterran. Herritar ugarik errepidea moztu zioten frackinga egiteko makinaria zeraman kamioi konboiari, eta lau kide hauek, bakoitza kamioi baten gainera igo zen. Reclaim the Power izeneko kanpainaren barnean izan zen protesta hau. Lauek launa egun egin zituzten kamioien gainean, janaria, lotarako zakuak eta behar zutena elkartasunez ematen zieten herritarrei esker.
Epaitegietan salatu zutenez, beren krimen bakarra ekintza zuzen baketsua egitea izan zen, "bide demokratikoak jorratu gabe inposatu nahi duten aktibitate bati aurre eginez".
Lancashire inguruko herrietako ordezkari instituzionalek hainbat aldiz agertu izan dute frackingaren aurkako jarrera. Cuadrilla izeneko enpresa da Erresuma Batuan frackingaren bultzatzaile nagusia.
Espetxera bidali zituzten egunean, goiz ala berandu, frackingaren aurkako borrokak irabaziko duela adieraziz eta beraien protestaren zergatiak azalduz bideo bat zabaldu zuten.
Honela amaitzen du kronika The Guardian egunkarian Sandra Ladille kazetariak: Gobernuak atzera bota zuen Lancashire barrutiko kontseiluak hartutako erabakia eta Cuadrilla energia enpresari baiezkoa eman zion gasa ateratzeko 2016ko urrian. Cuadrilla frackinga egiteko eremua eraikitzen hasi denetik, 2017ko urtarriletik, 300 protestari baino gehiago atxilotu dituzte.
Energia krisiarekin Herbehereetan bidegurutze bat sortu zaie: munduko gas natural hobi handienetako bat itxi, aurreikusita zegoen bezala, edo irekita mantendu Europaren presioei men eginez? Eskueran ditugun energia iturri oparoak aprobetxatzeak nolabaiteko kalteak onartzea... [+]
Armentia-2 putzuan gasa esploratzeari uko egingo ziola ofizialki iragarri eta bost hilabetera, Eusko Jaurlaritzak ez du atzera bota Gasteizko Udalaren erabakiaren aurkako helegitea. EH Bilduk eta Eguzkik bertan behera uzteko eskatu diote.
Udal teknikariek ebatzi dute Hiri Antolamendurako Plan Orokorrak (HAPO) ez duela baimentzen gasa dagoen ikertzeko zundaketarik egitea. EAEko Ekonomiaren Garapeneko, Jasangarritasuneko eta Ingurumeneko sailburu Arantxa Tapiak zabalik utzi du helegitea aurkezteko aukera.
COVID-19ak eragindako anabasaren zalapartak eta klimaren aldaketak hedabideetan uzten dituen irudi beldurgarri bezain espektakularrek estalita, gutxi hitz egiten da petrolioaren krisiaz, tartean fracking-aren gainbeheraz. Bestela esanda, herritarrak ari daitezkeela eztabaidan... [+]
Uztailaren 12an New York Times-ek argitaratu zuen: “AEBetan fracking enpresak kiebra jotzen ari dira, iturrien inguruetan bizi direnei utziz pozoi arriskutsuzko kutsadurak eta herritar guztien bizkar hauek garbitzeko kosteak”. Kronikaren hasieran honako kasu bat... [+]