12 puntu bakegintzarako: Foro Sozialaren gomendioak

  • Euskal Herriko bake prozesua indartzeko asmoz Lokarrik martxoan antolatutako Foro Sozialaren ondoren, gogoeta prozesua abiatu zen jardunaldietan parte hartu zuten alderdiekin. Aurkeztu dute bi hilabete baino gehiagoko lan horren emaitza Donostian, Aieteko jauregian.

Lokarrik martxoan antolatu zuen Foro Soziala.

2013ko maiatzaren 27an - 00:00
Azken eguneraketa: 2015-02-26 13:37:33

Gatazken konponbidean lan egin duten nazioarteko hainbat aditu biltzen ditu Foro Sozialak eta ondokoak dira Euskal Herrirako egin dituen hamabi gomendioak.

1) Ezinbestekoa da akordio zabalak lortzea maila politikoan, instituzionalean eta gizartean bake-prozesua sendotzeko

2) ETAren desegitea modu kontrolatuan, ordenatuan eta adostuan burutu behar da.

3) ETAren desegite prozesuan erakunde independenteek hartu behar dute parte, laguntza moduan.

4) Adostasuna ezinbestekoa da presoen eta iheslarien auziari konponbide integrala emateko.

5) Gizarteratzea legea errespetatuta burutu behar da eta presoek eragindako kaltea onartu behar dute.

6) Presoek modu aktiboan parte hartu behar dute bake eta normalizazio prozesuan.

7) Ihes eginda dauden pertsonen egoera aztertu behar da, haien integrazioa ahalbidetzeko.

8) Legediaren erroforma egin behar da, giza eskubideak eta askatasun demokratikoak bermatuta egoteko.

9) Inpunitatea ahalbidetu gabe, justizia bake-prozesuaren testuingurua aintzat hartuta aplikatu behar da.

10) Estatuko segurtasun indarren funtzioa eta kopurua testuinguru berria kontuan hartuta egokitu egin behar dira.

11) Egia, justizia eta adiskidetze prozesu zabal bat bultzatu behar dute erakundeek, jendarte osoa barne hartzen duena.

12) Kontatzeko eta gogoratzeko era ezberdinak erraztu behar dira, gertatutakoa ukatu gabe, sektore guztietan autokritika bultzatuz.

Foro Sozialaren gomendioak xehetasun gehiagorekin, ekimenaren webgunean.


Kanal honetatik interesatuko zaizu: Euskal bake prozesua
2024-05-29 | ARGIA
Luhusoko epaiaren kontrako helegiterik ez du jarri fiskaltzak: bakegileek ez dute zigorrik jasoko

Frantziako Ministerio Publikoak hamar egun zituen Parisko auzitegiak harturiko erabakiari helegitea jartzeko, baina ez du halakorik egin. Hortaz, ETAren armagabetzean lagundu zuten Beatrice Molle eta Jean Nöel Etcheverry Txetx bakegileek ez dute zigorrik jasoko, epaimahaiak... [+]


2024-05-16 | ARGIA
ETAren desarmea lagundu zuten bakegileak errudun jo ditu Parisko auzitegiak, baina zigorrik gabe

Hobengabetzea eskatzen zuten bakegileek, baina Parisko Zigor Auzitegiak errudun jo ditu Jean Nöel Etcheverryi Txetx eta Beatrice Molle Luhusoko armagabetzean parte hartu zuten bakegileak. Hala ere, ez dute zigorrik izango.


Ezinbesteko egoera

Apirilaren 2 eta 3an Parisen iragan zen epaiketa, dudarik gabe, judizialki memento historikoa izan zen. Lehen aldikotz euskal afera judizialetan, defentsa eta estatuaren ordezkariak aho batez mintzatu ziren.


Zapaterok dio Ostiral Santukoaren gisako akordio bat egon zela ETAren amaieran

Madrilgo Ateneoan ETAren amaierari buruzko zikloa egiten ari da azken asteetan, eta bertan astearte honetan egindako adierazpenetan, Irlandako bake prozesuan izandako jendea euskal bake prozesuan izatea oso garrantzitsua izan zela aipatu zuen José Luis Rodríguez... [+]


Epaiketa
Parisek armagabetze prozesuan “kooperatu” zuela argitu du Fekl Barne ministro ohiak

ETAren armagabetzea bideratzeko, bakegileekin lankidetzan aritu ziren Frantziako autoritateak. Hala adierazi du Matthias Fekl Barne ministro ohiak asteartean, Parisko Zigor Auzitegiko 16. ganberan, Beatrice Molle-Haran eta Jean-Noël Txetx Etcheverry-ren aurka egiten ari... [+]


Eguneraketa berriak daude