Foam balen ondorioz begia galdu zuen emakumeak kereila jarri dio mosso bati
Bartzelonan, otsailaren 16an. Pablo Hasél abeslariaren aldeko manifestazioetan begi bat galdu zuen emakume gazteak kereila jarri dio foamezko bala jaurti zion mossoari.
Pablo Hasél abeslaria kartzelan sartzeagatik Bartzelonan izandako mobilizazioetan, Mossoek jaurtitako foam bala batek begia hondatu zion emakume bati. Orain, berak tiro egin zion agentearen aurkako kereila jarri du. Epaileari eskatu dio bala jaurti zuen mossoa eta haren nagusia identifika ditzala, eta lesio-delitua egotzi die.
Emakumearen defentsak azpimarratu du lesioa gertatu zenean "manifestazio handienetik urrun" zegoela, gertaerak grabatu zituzten pertsona eta kazetari batzuekin batera. Gainera, nabarmendu du "polizientzat arriskutsuak izan zitezkeen jaurtiketak gertatzen ari ziren eremutik urrun" zegoela.
ElDiario.es komunikabideak jaso duenez, biktimaren kereilan, polizia autonomikoari leporatzen dio "arauz kontra eta zentzurik oinarrizkoenaren aurka" jokatzea. Kataluniako Gobernuak dagoeneko onartu du tiroa Poliziak egin izana, nahiz eta oraindik ez duen iragarri ea agentea dagoeneko identifikatu duten eta haren aurka diziplina-ekintzak abiatu ote diren.
Pablo Hasélen askatasuna eskatzeko Bartzelonan egindako protesten lehen gauean gertatu zen guztia, otsailaren 16an. Mossoek foamezko balak erabili zituzten manifestarien aurka. Barne Gaietarako Kontseilari Miquel Sàmperrek behin baino gehiagotan eman du hitza Mossoen protokoloa argitaratuko dutela, foam balak jaurtitzeko irizpideak. Oraindik ez da horrelakorik gertatu, nahiz eta Kataluniako Parlamentuak 2019an hala eskatu zuen.
Bilboko hooligan inbasioari buruz idatz nezakeen, baina herri txiki batean bizi naiz ni eta ez dut sufritu. Euskaraldiari buruz idatz nezakeen, eskerrak emateko euskarari bizkarra ez ematen lagundu gaituzuenoi, baina ez da hori gorputzak eskatzen didana.
Egunak daramatzat gai... [+]
2023ko abuztuan, Bilboko Kale Nagusian, saltzaile ibiltari baten defentsan Poliziari aurre egin zion emakumeari hiru urteko espetxe zigorra eskatzen dio udaltzain batek. Bideo batek Poliziaren kontakizuna ezbaian jartzen du.
Ertzain talde bat bi gazte jipoitzen ileapaindegi batean. Lokal barrura sartu dituzte, San Frantzisko kaleko segurtasun kamerek polizia gehiegikeriak filmatu ez ditzaten, baina seguruenik ez zuten espero negozio horrek ere segurtasun kamera zuenik. Bilboko Kontseilu... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Mariaren Bihotza plazan egingo dute elkarretaratzea, 18:30ean, ertzainek erasotako pertsonei elkartasuna adierazteko eta inpunitate polizialari ezetz esateko.
Poliziaren indarkeria erregistratzen ditu Donostiako Txago kolektiboak. Berriki 2024 urteko Karrikaratu txostena aurkeztu du, zeinean jasotzen diren Poliziaren indarkeria formak, estrategiak, ezaugarri nagusiak, edo jo puntuan dituzten herritarren tipologia. 156 esku hartze... [+]
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Iazko abuztuan, Irundik gertu, ertzainek atxilotzean izan zuen bihotzekoa gizon batek. Eneko Valdésen heriotzaren ikerketan, Polizia errugabetu zuten.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".
"Amorru handiko eguna" dela adierazi du Zabarteren senar Noboak, emazteak epailearen aurrean deklaratu berritan. 2024ko martxoan jokatu zen Realaren partidu baten atarian zauritu zen foam jaurtigai batekin, eta Donostiako ospitaleko Zaintza Intentsiboko Unitatean... [+]
Azken astean ezagutarazi moduan, Eusko Jaurlaritzaren Balorazio Batzordeak txosten banatan aitortu ditu estatuaren biktima gisa. Justizia sailburuak ekitaldi pribatu banatan entregatu dizkie dokumentuak.
Rosa Zarra Ertzaintzaren pilotakada baten ondorioz hil zela da Eusko Jaurlaritzako Poliziaren Biktimen Balorazio Batzordeak atera duen ondorioa, Berria-k jakinarazi duenez. Orain arte, Ertzaintzak beti egin dio uko bertsio horri, eta Rosa Zarra berak zuen gaixotasunaren ondorioz... [+]
Lau agenteak lesio-delituengatik ikertzen ari dira eta horrek galarazten du 2024ko amnistia aplikatzea. Polizia horietako batek, ustez, gomazko bala batekin begi bat zartatu zion Roger Español kataluniarrari.
Ertzaintzak martxoaren 13an Bilbon zauritutako bi pertsonaren testigantza jaso ditugu. Athleticen partidaren ostean larriki zauritu zituzten aita-semeak, borra-kolpeka, eta atxilo eraman zuten haietako bat. Furgonetatik ikusi zuen ertzainek nola egin zuten tiro jendearen kontra,... [+]
2023an Zaballako espetxean euskal presoen alde egindako martxarengatik ezarri zizkieten isunak. Helegiteen ezeztapenaren aurrean epaitegietara joko dutela adierazi du antolakundeak, eta Poliziaren inpunitatea salatu du.