ARGIA.eus

2021eko irailaren 23a

Foam balak erabili ditu Ertzaintzak Tubacexeko grebalarien aurka

  • Amurrioko Tubacexen lantegiaren aurrean elkartu dira ostegun honetan langileak; enpresako sarrera itxi dute hainbat orduz suzko barrikadekin. Ertzaintza foam balekin oldartu da haien kontra, Aiaraldea.eus-ek jakinarazi duenez, eta hainbat pertsona zauritu dituzte poliziek eraso horren ondorioz.

ARGIA @argia
2021eko martxoaren 25a
Poliziaren borrakadak langileen bizkarretan.

43 egunez greban ari diren Tubacex enpresako langileak Laudioko lantegiko ataritik Amurriokora joan dira ostegun honetan eta horko sarrera ere ixtea lortu dute hainbat orduz, horretarako suzko barrikadak eraikiz. Saratxoko errepidea ere ordubetez gutxienez moztuta egon da, eta kamioiak ezin igaro geratu dira.

Suhiltzaileak agertu direnean, langileek txalo zaparrada batez hartu dituzte. Aldiz, Ertzaintzarekin tentsio une nabarmenak izan dira. Ondoren, greban ari ez diren langileen eta zuzendaritzaren autobusa enpresan sartu eta gero kargatu egin du poliziak eta hainbat langile zauritu ditu.

Airaldea.eus hedabideak jakinarazi duenez, foam balak ere erabili ditu poliziak grebalarien kontra.

Tubacexeko zuzendaritzak 95 lagun kaleratzeko prozesua abian jarri du, beste 22k diru ordainekin utziko dute enpresa euren kabuz eta 13 aurre-erretiro ere egongo dira. denera 600 lagunek egiten dute lan talde osoan, baina Arabako plantak izango dira kaleratzeekin kaltetuenak.

Hodiak egiten dituen Tubacex-ek, salmenten gutxitzeari egotzi dio taldea %20 murrizteko beharra. Sindikatuak baina, kaleratze horien kontra agertu dira argi eta garbi, eta langileek tinko eutsi die mobilizazioei.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Langile borroka  |  Ertzaintza  |  Amurrio

Langile borroka kanaletik interesatuko zaizu...


Azkenak EGILEA
Argia buletina
Egunaren laburpena
zure e-postan
Eguneraketa berriak daude