Evo Morales Boliviako lehendakariak bere kargua utzi du igande arratsaldean, herritarrei adieraziz gizartea bakeratzeko asmoz egiten duela eta salatuz indar boteretsuak aritu direla estatu kolpea antolatzen.
Boliviako lehendakaria telebistan azaldu da igande arratsaldean herritarrei adierazteko kargua uzten zuela. Ez du argitu aurreko orduetan deitu dituen hauteskunde berrietan hautagai aurkeztuko den ala ez.
AHORA | Con el objetivo de que pare la violencia en el país Evo Morales dimite a la Presidencia de Bolivia. pic.twitter.com/GCnQmfUdH4
— PIENSA.PRENSA (@PiensaPrensa) November 10, 2019
Horrela egin du jauzi berria azken hauteskundeetatik gogortzen joan den Boliviako liskar politikoak. Aurreko hiru asteetan, gero eta manifestazio gogor eta bortitzagoen ostean, lehendakaritzarako hauteskundeen bigarren itzulia burutzea eskatzetik Evo Moralesen diminisoa eskatzera jauzi egin dute matxinoek. Hauei elkartu zaie ia herrialde osoko polizia eta igandean armada boliviarreko buru nagusiek –buru zutela Williams Kaliman jenerala– publikoki eskatu diote kargua uztea lehendakariari.
#URGENTE | GOLPE DE ESTADO
— @RalitoDigital (@RalitoDigital) November 10, 2019
Alto mando militar de Bolivia le pide renunciar a Evo Morales
Con esto militares le quitan el apoyo y se estaría consumando el GOLPE DE ESTADO#EvoElMundoContigo VAMOS A HACERLO VIRAL@rhm1947#LaDamaYElVigilante #AmorYHumor pic.twitter.com/Y1Iffs0yge pic.twitter.com/K1FfSBbZGr
Egunean zehar dimititu dute Boliviako parlamentuko lehendakari Victor Bordak (aurretik manifestatzaileek Potosin duen etxea erre diote), Cesar Navarro Meatzeetako ministroak (honi ere etxea erre diote), Luis Alberto Sanchez Erregaien ministroak eta azkenik Alvaro Garcia Linera lehendakari ordeak ere bai. Aurretik beste goi kargu askok emana zuten dimisioa, kaleak asteotan sutu dituzten liskarren eta jasandako presio eta erasoen ondorioz.
Lehendakaritarako hauteskundeen ostean, Santa Cruz probintziatik abiatu zen oposizioaren mobilizazioa, Moralesen aldekoen kontra gero eta bortitzago jokatu duena. Larunbatean bertan, Mexikoko La Jornada-k zabaldu duenez, Moralesen aldeko bi gobernadoreren etxeak erre zituzten eta baita lehendakariaren arreba Estherren etxea ere, Oruro herrian.
Queman la casa de la hermana del Presidente, Esther Morales, en Oruro https://t.co/989TuD62zK via @correodelsurcom
— victor angel garcia (@victorangelgar8) November 10, 2019
Igandean, lehenik OEA Amerikako Estatuen Erakundearen idazkari nagusiak eskatu du hauteskundeak berriz egiteko, sistema informatikoan iruzur larriak gertatu zirelako eta ondoren militarrek eskatu dute publikoki lehendakariaren dimisioa. Moralesek lehenbizi hauteskunde berriak deitu dituen arren, azkenerako ezin izan dio eutsi estatu kolpe baten itxura handia daukan presio itzelari.
Adriana Guzmán Arroyo herri-hezitzaile aymara eta Boliviako feminismo komunitario antipatriarkaleko erreferentearekin batu eta kolonialismoa, arrazismoa, estraktibismoa, nahitaezko heterosexualitatea, familia, komunitatea, Estatua eta pribilegioak izan ditugu mintzagai,... [+]
Berreskuratzeko gaitasuna galtzen ari da Amazonia, deforestazioak eta degradazioak larriki kaltetuta. Egungo egoeran, planetaren birika berdea deitu izan denaren zati handi batean karbono gehiago isurtzen da airera, xurgatzeko gai dena baino. Berehalako neurriak eskatu ditu... [+]
Asteburuan aurrekaria ezarri dute Bolivian estatu kolpea ematen saiatzen direnentzat, hamar urteko espetxe zigorra ezarriz Jeanine Añez senatari ohiaren, Williams Kaliman Indar Armatuetako komandante ohiaren eta Yuri Calderon Poliziako komandante ohiaren aurka.
Bolivian izan dira Garabide elkarteko hiru kide, plan estrategikoa prestatzeko lehen saioetan, eta euskararen biziberritzearen gakoak azaldu dizkiete ketxua komunitateko kideei.