ESK sindikatuak lanuztera deitu du uztailaren 20an, 7:00etatik 9:00etara eta 18:00etatik 20:00etara. Euskotreneko Zuzendaritzak "prekarizazio-dinamikak zuzentzeko" antolaketa-neurriak hartu behar dituela salatu dute.
ESK sindikatutik Euskotreneko langileen “ezinegon orokorra” salatu dute, eta jasaten ari diren “dinamika prekarioa” zuzentzeko Euskotreneko Zuzendaritzak antolaketa neurriak hartu behar dituztela. Hainbat arrazoi eman dituzte, hala nola beharrezkoa den langile kopurua eta dagokion prestakuntzaren aurreikuspen eza, eskulanaren kudeaketa “negargarria”, edo Hitzarmen Kolektiboan jasotako adostasun batzuk ez direla betetzen.
Langileen egoera hobetzeko helburuarekin hainbat neurri aldarrikatzen dituzte: epe labur, ertain eta luzerako neurriak; eskulana kudeatzen duten arloetako arduradun trebatuen beharra; edo geltokietan langile gehiago behar dituztela.
Arazoak salatzeko eta beharrak aldarrikatzeko deitu dute uztailaren 20an grebara Euskotrenen. Lanuzteak 7:00etatik 9:00etara izango da, eta arratsaldeko 18:00etatik 20:00etara. Grebaz gain, 11:00etan Bilboko Zazpi-Kaleko geltokian kontzentrazioa egin dute.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.