“Eusko Jaurlaritzak begiak itxi ditzagun eskatzen du”
Emakunde sailez aldatzearekin izandako kexa eta protesta oldeari, Eusko Jaurlaritzak emandako erantzuna arbuiatu du Bizitzak Erdigunean Koordinadora Feministak ohar bidez. Honen arabera, berdintasunaren arloan izandako “suspentsoa faltsutu” nahi du Urkulluren gobernuak, horretarako “konfiantza-botoa” eskatuz.
Emakunde Lehendakaritzaren ardura izatetik Berdintasun sailera igaro da Eusko Jaurlaritzaren agintaldi berrian. Hala, “Berdintasun-politika publiko duinen alde” manifestua kaleratu dute, eragile, langile, arduradun politiko-ohi eta teknikari ugarik, eskatuz erabaki hori berriz aztertzeko. Bizitzak Erdigunean koordinadoraren ustez, Emakunderen “degradazioaren” aurkako salaketa aho batekoa izan da mugimendu feministan.
Salaketa horri “konfidantza-boto” bat eskatuz erantzun dio Jaurlaritzak, baina koordinakundearen ustez “ez du konfiantzazko botorik eskatzen, begiak itxi ditzagun eskatzen du”. Ohar bidez azaldu duenez erakundeari zentraltasun hori kentzeak “bereizkeriaren kausetan eragiteko eta horiek eraldatzeko gaitasuna kentzen dio”.
Sailez aldatuta ere edukiak “sakonean” ez direla aldatuko adierazi du Idoia Mendia EAEko lehendakariordeak, baina koordinadorak nabarmendu du bistakoa dela egiturak edukiari eragiten diola, “are gehiago administrazio publikoen egitura hierarkikoen kasuan”. Salaketari erantzuteko, bestalde, berriz ere “emakumeak erabiltzea” egotzi diote Jaurlaritzari, euren esanetan bi emakume sailburu izan baitira erreklamazio publikoari erantzuten aritu direnak.
“Laburbilduz –dio koordinadorak oharrean–, badakigu gai hauek ez direla xamurrak: administrazio publikoen organigramak, zeharkako politikak; eta, konplexutasun hori aprobetxatuz, gobernuak herritarrak engainatu nahi ditu soinu oneko hitzak erabiliz (konfiantzazko botoa, guztion onurarako lana, forma alde batera utzita edukia dela garrantzitsua…), hori komunikazio-estrategia hutsa da: benetako argudiorik gabeko irudikapen hutsa”.
Bizitzak Erdigunean-ek “lanean eta borrokan” jarraitzeko asmoa agertu du, “baina ez zuekin gobernuko jaun andreak, adarra jotzen ari baitzarete”.
2024ko azarora bitarte 683 sexu eraso salatu dituzte, iaz baino %16,7 gehiago, Emakunderen arabera. Familia barruko indarkeria salatu duten emakumeen kopurua ere handitu da (975 izan dira), baita bikotekide edo bikotekide ohiek egindakoa ere (3.554).
Interneten gero eta joera matxista handiagoa dela eta, mutil gazteak sentsibilizatzen saiatuko da emakunderen Gizonduz programa, eta kirol-arloko irakasleak eta profesionalak trebatuko ditu.
Emakundek Azaroaren 25erako zabaldutako kanpainaren arabera, pornografia bihurtu da haur eta gazteen sexu indarkeria eskola. Egitasmoa kontrastatu dugu aditu zein arituekin, eta EAEko instituzioen koherentzia falta kritikatu dute: sexu-heziketaren premia aldarrikatzen duten... [+]
Emakundek Pornoa emakumeen aurkako indarkeriaren eskola bat da leloa aukeratu du azaroaren 25erako, Emakumeen Aurkako Indarkeriaren Kontrako Eguneko kanpainarako. Nerea Melgosa Eusko Jaurlaritzako Berdintasun sailburuak adierazi du nagusiki kontsumitzen den pornoa emakumeen... [+]
Emakundek diruz lagunduta eta EDE Fundazioaren parte-hartzearekin, Suspergintza erakundeak gida bat osatu du adineko emakumeek bikotearengandik edo bikote ohiarengandik pairatzen duten indarkeria matxista detektatzeko eta egoera horietan esku-hartzea bultzatzeko.
Euskadiko prostituzioari buruz Emakundek argitaratu duen azken txostenak emakumeengan jarri du arreta berriro, eta negozioa mugitzen duten enpresaburuen papera gutxietsi du. La trata de mujeres y niñas con fines de explotación sexual en Euskadi: necesidades y... [+]
Emakundek Jaietan emakumeen aurkako indarkeria matxista prebenitzeko tokiko prozesuak sustatzeko Gida osatu du EAEko hiru lurraldeetako aldundiekin eta EUDELekin elkarlanean. Gida hau EAEko udaletara igorriko dute, bi urtez pandemia dela-eta jaiak ohiko eran egin gabe egon... [+]
Pikara aldizkariak, Berria egunkariak eta Lucía Martinez Odriozola EHUko kazetaritza irakasleak (hil ondoren) jaso dute aurtengo Emakunde Saria, “genero-ikuspegia duen eta berdintasunarekin konprometituta dagoen komunikazio eta kazetaritzaren alde egindako... [+]
Emakumeek pairatzen duten edertasun-kanon zorrotza, hipersexualizazioa, gorputzen nahitaezko 'perfekzioa' edota gorputzen merkantilismoa bistaratu eta salatu nahi ditu kanpainak, besteak beste. Salaketa egitera mugatu ordez, itxaropen mezua ere hedatu nahi du Emakundek.
Nazio Batuak Emakumeak erakundeak nazioartean abian jarri duen Generation Equality ekimenak berdintasunaren aldeko eta indarkeria matxistaren aurkako itun sozial eta herritarra lortzea du helburu. EAEn Emakundek hartu du erronka horren gidaritza, eta ehun bat euskal erakunde ari... [+]
Berrizko dantzari-dantza, Antzuolako Mairuen alardea eta Tolosako bordon-dantzan berdintasuna bultzatzeko emandako urratsak jaso ditu Emakundek aurkeztu berri duen ikerketak. “Emakumeek Euskal Autonomia Erkidegoko tokiko jaietan parte hartzeko estrategiak" txostena... [+]
Askabide elkarteak prostituzioan aritzen diren eta gizarte bazterketa egoeran dauden emakumeak artatzen ditu. Haien egoera ikusgarri egitea, haiek gizarteratzea eta ahalduntzea da diru asmorik gabeko elkartearen asmoa.
Ehunka herritar elkartu dira Sestaoko Kasko plazan, larunbatez, ostiraleko hilketa matxista salatzeko. Euskal Herriko beste hainbat herritan salatu dute hilketa mugimendu feministaren eta erakundeen eskutik.
Bortxa matxistaren aurkako gida teknikoa aurkeztu dute asteazkenean Izaskun Landaida Emakundeko zuzendariak eta Gorka Urtaran Eudeleko presidenteak Gasteizen. Indarkeria matxista jasan duten emakumeei, erreparaziora bidean laguntza eskaintzeko hainbat irizpide... [+]
Prostituzioan ari diren edota bazterketa egoeran dauden emakumeekin lanean 35 urte daramatza Askabide elkarteak, haien beharrei erantzuteko eta haien egoera hobetzeko laguntzen. Berdintasunaren aldeko aurtengo Emakunde Saria jaso du elkarteak.