Askabidek jaso du Emakunde saria, prostituzioan aritzen diren emakumeekin egindako lanagatik

  • Askabide elkarteak prostituzioan aritzen diren eta gizarte bazterketa egoeran dauden emakumeak artatzen ditu. Haien egoera ikusgarri egitea, haiek gizarteratzea eta ahalduntzea da diru asmorik gabeko elkartearen asmoa.

Urte luzetako ibilbidea du Askabidek. Argazkia 2000ko hamarkadakoa da. Argazkia: Askabide.org.

2021eko apirilaren 19an - 09:45

Izaskun Landaida Emakundeko zuzendariak prostituzioari elkarteak zein erpinetatik heldu dion azpimarratu du: “Emakume bakoitzaren nortasunaren eta bizi-esperientzien dimentsio indibidualetik eta dimentsio soziokomunitario batetik heldu dio prostituzioari; bide horretan, konplexutasun horri guztiari erantzuten saiatzen diren estrategia malguak diseinatu ditu Askabidek”.

EAEko elkartea 1985ean abiatu zen. Zuzeneko arta eskaintzeaz gain, emakumeen kolektibo horren diskriminazio eta zaurgarritasun egoerak gizartean ikusaraztea da helburuetako bat.

Eskaintzen dituzten zuzeneko zerbitzuetan, besteak beste, emakume prostitutek etengabe pairatzen duten indarkeriaren prebentzioa lantzen dute, baita emakumeek aukera eta adierazpen-askatasun gehiago izan dezaten ahalduntzea eta gaitzea ere.

Berdintasunaren aldeko 2020ko Emakunde saria 11:00etan emango zaio Askabideri Lehendakaritzan. Eitb.eus-en zuzenean jarraitu ahal izango da ekitaldia.


Kanal honetatik interesatuko zaizu: Prostituzioa
Carolina Clemente, sexu langilea
“Puta estigma emakume guztiok kontrolatzeko dispositibo bat da”

Ogibidea eta izatea bereizi ezin bizi da Carolina Clemente (Bartzelona, 1985). Sexu langilea da, eta duela hiru urte Donostiara etorri zen lanera eta bizitzera: «Euskaldunok duzuen indarra gustatzen zait, antolatzeko eta protestarako. Nire estigma borrokatzeko inspirazio... [+]


Bi pertsona atxilotu dituzte Gasteizen emakumeak prostituitzera behartzea leporatuta

Haien ia biktima guztiak egoera irregularrean dauden atzerritarrak dira, bizirauteko euren borondatearen kontra prostituitu behar izan direnak.


2023-09-07 | Irutxuloko Hitza
Venezuelako zazpi emakume Donostiako pisuetan prostituitzeaz akusatutako talde bat epaituko dute

Irailaren 14tik aurrera, bost gizon eta bi emakume epaituko dituzte, talde espainiar-venezuelar bateko ustezko kideak, ustez egunean 24 orduz, astean zazpi egunetan, Donostiako pisuetan “edozein motatako sexu zerbitzuak” ematera behartzen zituzten Venezuelako zazpi... [+]


Sexu langileen hitzak erdigunean

Puta zikinak liburua sexu langileen baldintza materialez, burutazioez, antolakuntzaz eta problemez mintzo da. Nerea Fillatek eta Hedoi Etxartek, Katakrak argitaletxeko editoreek, Iruñean aurkeztu dute liburua.


2023-03-14 | Euskal Irratiak
Sexu langileen lekukotasunak biltzen dituen liburu baten kontra oldartu da CAPP kolektibo feminista Baionan

Katakrak argitaletxearen Puta zikinak liburuaren kontra oldartu da CAPP Collectif Abolition Porno Prostitution kolektibo feminista Baionan, Elkar liburudendan. Juno Mac eta Molly Smith idatzi liburuaren azalak urratu eta "Prostituzioa: bezeroak, bortxatzaile... [+]


Eguneraketa berriak daude