Euskarazko hezkuntza ereduak eskola porrota sustatzen du, EHUko katedradun Lopez Basagurenen iritziz
Katedradunak salatu du euskalduntzeak “eskola porrota” gazteen %30 ingurura ekarri duela, eta gaineratu du “gezur edo engainu batean oinarritutako” hezkuntza eredua eraiki dela Araba, Bizkaia eta Gipuzkoan.
EHUko katedradun Alberto López Basagurenek Hizkuntzak eta eskubideak izeneko foroan iritzi kritikoak plazaratu ditu euskalduntzearen eta horren ondorioen inguruan. Iker Riojak Eldiario.es-en jaso duenez, katedradunaren arabera gazteen %30aren “eskola porrotarekin” lotura zuzena du hainbat arlotan euskara hizkuntza nagusi gisa sustatu izanagatik. Halaber, gaineratu du euskalduntzeak mugak sortzen dituela gaztelania baizik ez dakitenentzat lanpostuak lortzeko.
López Basagurenek adierazi du premisa faltsu batean oinarritutako irakaskuntza eraiki dela, familiakoa ez den hizkuntza batean ikasteak errendimendu akademikoa kaltetzen ez duela argudiatuta: “Familiako hizkuntza edo gizarte-ingurunekoak garrantzirik ez zuela saldu zuten, eta edozein haurrek hasieratik berea ez den hizkuntza batean ikas dezakeela, ikaskuntza-prozesuari inolako kalterik egin gabe eta bi hizkuntza menderatuko dituen onurarekin”.
EHUko katedraduna izateaz gain, López Basaguren ezagun egin zen 2016/2020 legegintzaldian Estatutua erreformatzeko prozesuan aditu gisa parte hartu zuelako, PSE-EEk proposatuta.
Juan Luis Ibarra berriz mintzo
Ekitaldia Gasteizko Kultur Etxean egin dute eta Euskara denontzat/Por un euskera sin barrera plataformak eta Euskal Federalistak taldeak antolatu dute. Bertan izan dira Eusko Jaurlaritzako Hizkuntza Politikako sailburuorde ohi Lourdes Auzmendi, Patxi López eta EAEko Auzitegi Nagusiaren presidente ohi Juan Luis Ibarra.
Ibarrak adierazi du euskarari buruzko neurrien jarraipenean justiziari zilegitasuna kendu zaiola, eta administrazioek ezin dutela legez kanpo jardun. Hala ere, ez du ezer esan orain dela gutxi eginiko adierazpenez. Ibarrak iragan urrian adierazi zuen epai euskarafoboei eginiko kritikek ETArekin lotura zutela, eta argudiatu zuen “sufrimendua sozializatzeko estrategia” eta “epaileei zilegitasuna kentzeko kanpainen oihartzuna” antzematen zirela.
Donostiako herri mugimenduak artikulatuta hainbat auzotan antolatzen den Zinemaldi Alternatiboaren 16. edizioa aurkeztu dute (11 + 5, beraiek dioten bezala, eraitsitako Kortxoenea gaztetxeko bost urteei erreferentzia eginez). Aurten sei proiekzio egingo dituzte ondorengo... [+]
Herritarrak eskatzen du seinaleak euskaraz jartzeko. Gobernuak erantzuten dio legeak ez duela horretara behartzen. Behatokiak erantzuten dio, legeak ez badu derrigortzen ere, euskaraz jartzeko debekurik ez duela. Gobernuak bereari eusten dio. Alabaina, herritarrak tematzen dira... [+]
Baionako zitadelan proiektu berriak ditu armadak. Eraikin berriak egin nahi ditu eta horretarako oihanaren zati bat deseginen dute eta ura atxikitzeko bi gune ere sortu nahi dituzte.
Turkiar-estatubatuar aktibista irailaren 6an hil zuten Beiti herrian, Nablus hiriaren ondoan, Zisjordanian, Palestinako Lurralde Okupatuetan. Orain forentseen azterketek iradokitzen dutenez, Israelgo soldatuek zuzenean egin zioten tiro aktibistari.
Foru Gobernuak aitortu du motibazio politikoko biktimak direla hirurak. Hiru aitortza berri horiekin dagoeneko 36 pertsonari estuaren biktima izatea ofizialki aitortu die gobernuak.
Ostiral honetan betetzen dira 50 urte ETAk, 1974ko irailaren 13an, Madrilgo Rolando Kafetegian bonba bat lehertarazi eta hamahiru pertsona hil zituela. Ofizialki 2018an onartu zuen erakundeak ETAren egiletza, bere burua desagertze bidean jarri zuenean.
Faxisten aurka protesta egiteagatik auzipetu zituzten Lizarrako bi kideak. Asteazkenean, epaiketaren egunean, Lizarraldeko Kontseilu Sozialistak elkarretaratzea egin zuen epaitegi aurrean. Voxeko faxistak jarrera probokatzailearekin agertu ziren bertara, eta Guardia Zibilak... [+]
“Españolismoaren eta faxismoaren normalizazioan” Hispanitatearen egunak jokatzen duen papera salatzeko urriaren 12an Tafallan mobilizatuko da Ernai. “Gu, Nafarroako etorkizuna gara, haiek, aldiz, iragana. Faxismoak herri honetan lekurik ez duela argi... [+]
Gasteiztarrarekin bederatzi dira ihesaldian parte hartu zuten identifikatutako pertsonak. Guztira, Nafarroako DNA Bankua sortu zenetik 43 pertsonaren datuak lortu dituzte.
Zaurgarritasun ekonomikoaren baldintzak betetzen dituzten arren, Santander bankuak ordainketak epe batez etetea ukatu die bi familiei.
Badakigu gerra bat noiz hasten den, baina ez noiz amaituko den. Hainbatetan entzun dugu esaldi hori, eta topikoa dirudi, baina arrazoirik ez zaio falta, gaur egun munduan barrena bizirik segitzen duten gatazka ugariei erreparatuz gero. Gauza bera esan liteke 1936ko uztailaren... [+]