Jaurlaritzaren publizitate instituzionala: ia dena erdal hedabideentzat
Eusko Jaurlaritzak publizitate instituzionalaren zatirik handiena erdaraz argitaratzen diren hedabideei ematen diela jakin da aste honetan eta publizitate gastu hori handiagoa dela euskarazkoek diru-laguntzetan jasotzen duten kopuru osoa baino.
Iaz 5.649.112 euro gastatu zituen Jaurlaritzak hedabideetan jarritako publizitatean eta diru horretatik %2 baino gutxiago iritsi zen euskarazko hedabideetara.
Urte berean, Jaurlaritzaren Hizkuntza Politikako Sailburuordetzak euskarazko hedabideentzat 4.875.000 euro bideratu zituen diru-laguntzetan.
Sustatu.eus-en irakur daitezke Hekimenek bildutako datuak, "2013 publizitate eta komunikazio instituzionalaren memoria" izeneko txostenean oinarritua.
Sektoreak bestelako laguntza politika eskatu du
Joan den astean euskarazko hedabideak biltzen dituen Hekimen elkarteak ezohiko batzar orokorra egin zuen eta horren ondoren adierazi zuen diru-laguntza politika aldatzeko premia dagoela.
Egungo ereduaren aldean, ikuspegi estrategikoa izango duen politika eskatu dio Hekimenek EAEko Gobernuari eta horretaz hitz egiteko prest agertu da.
Euskarazko hedabideen finantzazioa eztabaidagai Donostian
Euskarazko hedabideen finantzazioa izan zuten hizpide ARGIAko Gorka Bereziartuak eta Berriako Mikel Arrietak asteazken arratsaldean Donostiako Ikasbide Kultur Elkartean.
19:30ean hasi zen hitzaldia Amara Berri auzoan. Bi komunikabideetako ordezkariek hizpide izan zuten, beste hainbat gairen artean, Eusko Jaurlaritzak aurten euskal hedabideei emandako diru-laguntza, baita banatzeko irizpide berriek sektorean eragin duten egonezina ere.
Ikasbide Kultur Elkartearen Azaro Kulturala programaren barruan egingo dute hitzaldia. Datozen egunetako egitaraua ere ikus daiteke beheko irudian.
Espainiako Gobernuaren Enresa enpresa publikoaren esku geratu da instalazioaren titulartasuna, eta eraisketa lanetarako guztira 475 milioi euroko gastua aurreikusi dute. 40 urtetako etekinak pribatuak izan eta gastuak publikoak izan direla salatu du Araba Garoña Gabe... [+]
Eusko Jaurlaritzak Gazteen Emantzipazioa Laguntzeko 2030 Euskal Estrategia aurkeztu du asteazkenean, emantzipazio adina 28ra jaisteko eta soldatak 2010ko kopuruetara iristeko helburuz. Diru laguntzak ematea aurreikusten du, eta gazteei zuzendutako 13.500 lanpostu berri... [+]
Elkarrekin-Podemosek eta EH Bilduk aurkeztuta, enpresa estrategikoei lagunduko dien banku publiko baten sorrerari buruzko mozioa eztabaidatu dute Eusko Legebiltzarrean. Euren esanetan garrantzitsua da enpresa horiek EAEn errotuta eta funts putreen eraginpetik kanpo egotea... [+]
Ohiko teoria ekonomikoaren arabera, inbertsio pribatuak publikoak baino eraginkorragoak dira. Inbertitzaile pribatuek beraien enpresatan inbertitzen dute ekoizpena bizkortzeko eta ondorioz mozkin itxurosoak eskuratu ahal izateko. Alabaina, gauza bat da teoria interesatuak dioena... [+]
