Hekimen: "Jaurlaritza eta hiru Aldundien proposamena diru-laguntza eredu berri baterako abiapuntutzat dugu"


ARGIA @argia
2018ko azaroaren 09a

Hona hemen Hekimenek azaroaren 8an idatzitako balorazioa, osorik:

"Herri ekimeneko euskal hedabideok urte asko daramagu euskararen normalizazioari, euskal komunikazio sistemari eta, oro har, Euskal Herriari ekarpena egiten. Bete izan dugun eta egun betetzen dugun funtzio soziala garrantzitsua da. Urte hauetan guztietan, egindako lanaren aitortza zein eskertza nagusiki herritarrengandik etorri zaizkigu eta, hein handi batean, herritarrei esker egin ahal izan dugu aurrera. Mota guztietako krisiei, ekonomikoei zein bestelakoei, herritarren laguntza eta ekarpenari esker aurre egin ahal izan diegu.

Administrazio desberdinen ekarpenak ere jaso izan ditugu, noski, baina ekarpen horiek ez dira sektorearen beharren araberakoak izan eta ez dute sektorearen egonkortasuna bermatzea helburu izan. Oro har, unean uneko aurrekontuen edota lehentasunen araberakoak izan dira eta ondorioz oso gorabeheratsuak.

Egoera horri irtenbidea bilatu asmoz, azken aldian, administrazio desberdinekin sektorearen beharretan oinarritutako diru-laguntza eredu berria eraikitzeko lanean ari gara eta prozesua, bere gorabeherekin, emankorra izaten hasteko puntuan da. Administrazio desberdinek sektorearen zenbait eskari historiko aintzat hartu (egindako lanaren eta sektorearen beraren izaera estrategikoa aitortzea, euskal hedabideen sistema babesteko eta duintzeko beharra, kostuen azterketan oinarritutako diru-laguntza sistema, egonkortasuna bermatzeko baliabide gehiagoren beharra...) eta eskari horietako batzuei erantzungo dien eredu berria osatzeko lehen pausoak eman dituzte jada. Orokorrean eta sektoreko zenbait alorretan hobetu beharreko zenbait puntu izan arren (telebista, irratia…), Hekimenen ustez Eusko Jaurlaritzak eta Aldundiek landutako lehen proposamena abiapuntu egokia izan daiteke diru-laguntza eredu berri hori abian jartzen hasteko. Dena dela, dirulaguntza deialdien xehetasunak eta kopuruak landu eta adostu beharko dira, prozesu honen guztiaren azken helburua lortzeko, alegia, euskarazko hedabideon egonkortasuna bermatzeko, balekoak diren ala ez ikusteko.

Eusko Jaurlaritza eta hiru Foru Aldundiak irizpide berdinetan oinarritutako diru-laguntza deialdiak lantzen ari dira jada eta laster ikusiko dugu orain arte egindako ahaleginaren emaitza egokia den ala ez. Bestalde, eta prozesua asko atzeratzen ari dela ikusita, administrazioek diru-laguntza deialdien atzerapenak eragingo dituen kalteak ekiditeko neurriak ere aurreikusi beharko lituzkete.

Edonola ere, diru-laguntzen gaineko lanketa partekatu hau sektorearen erronketako bat baino ez da. Pauso garrantzitsua eta sektoreak bestelako erronkei ekin ahal izateko ezinbestekoa, baina beste erronka horiei ekiteko ere (hartzaile kopurua handitzea, hutsuneak gainditzeko baliabide berriak, publizitate publikoaren banaketa, eremu berrietara zabaltzea, sustapena, berrikuntza, inbertsioak…) elkarlana funtsezkoa izango da.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Hizkuntza politika  |  Hekimen  |  Inbertsio publikoak

Hizkuntza politika kanaletik interesatuko zaizu...
Nafarroan ikasketak euskaraz egiten dituztenek ez dute hizkuntza gaitasuna egiaztatu beharko, EAEn bezala

Euskaraz aritzeko gaitasuna neurtzen duten titulazioak baliokidetuko dira ikasketa mailaren arabera. Eusko Jaurlaritzak 2012an indarrean jarritako dekretuaren ildotik doa Nafarroako Gobernuaren ideia.


2018-12-17 | ARGIA
Erronkaz betetako urte berrirako egitasmoak onartu ditu UEMAk, Legorretan egindako batzar nagusian

Urte amaierako batzar nagusia egin du UEMAk gaur Legorretan. Bertako herri antzokian elkartu dira UEMA osatzen duten 86 udalerri euskaldunetako alkateak eta zinegotziak eta, besteak beste, 2018an egindakoaren balantzea aztertu eta 2019rako egitasmo nagusiak onartu dituzte. Oro har, udalerri euskaldunen garapena, hizkuntza politiken zeharlerrotasuna, elkarlana, lege babesa eta herritarren sentsibilizazioa nabarmendu dituzte 2019ko ildoen artean.


2018-12-13 | Kontseilua
Paul Bilbao: 'Zer ari da gertatzen Nafarroako Euskararen Lege aldaketarekin?'

Nafarroako Euskararen Legearen 32. urteurrenaren testuinguruan agerraldia egin du Kontseiluak. Ildo horretan egindako lanaren balantzea egin du eta galdera zehatza egin dio Parlamentuari, Euskararen Legearen inguruan zer gertatzen ari den. Kontseiluaren baitan biltzen den Nafarroako batzordeak lagunduta egin du agerraldia Paul Bilbao idazkari nagusiak.


2018-11-25 | Mikel Basabe
Hezkuntzaren oinarri erdaldunak

Jaurlaritzak Hezkuntzaren aldeko akordioa, akordioaren oinarriak agiria aurkeztu berri du Legebiltzarrean. Oinarri horietatik abiatuta gura du, legealdi honetan, Hezkuntza Lege berria onartu.

Agiria irakurrita, lehenengo kolpea berehalakoa da: Jaurlaritzak gaztelaniaz pentsatu ditu etorkizuneko hezkuntzaren oinarriak. 2018an, Hezkuntza Sailean, gaztelaniaz lan egin eta, ondoren –halamoduzko– itzulpena argitaratu dute euskaraz ere bai.

Bigarren kolpea hizkuntzei eskainitako... [+]


Andoaingo Udalak 36 lanposturi jaitsi die euskara eskakizuna

Azaroaren 13ko Gipuzkoako Aldizkari Ofizialean argitaratu da Andoaingo Udalak onartu  duen lanpostuen zerrenda berria. Euskararen normalizazioa axola zaion herritarrarentzako albiste inportantea dakar zerrendak: Andoaingo Udalak 36 lanposturi jaitsi die euskara eskakizuna.


2018-11-08 | Iņigo Igartua
Elgetako Udalak eta Gipuzkoako Foru Aldundiak euskaraz sinatu dute hitzarmena

Azaroaren 5ean elkartu ziren bi instituzioetako ordezkariak eta hitzarmena euskara hutsean sinatuz amaitu zuten ekainean hasi zen aferarekin.


2018-10-30 | Iņigo Igartua
Kiroldegiko aldagelak berriztatzeko hitzarmena gaztelaniaz sinatzea eskatu dio Gipuzkoako Aldundiak Elgetako Udalari

Ekainean udalak Aldundiko Kultura Sailera euskara hutsean bidali zuen hitzarmenaren dokumentuak, pasa den astera arte erantzunik ez duela izan adierazi du, Iraitz Lazkano Elgetako alkateak.


Matrikula zabalik!

Miguel Bilbon bizi da, eta lan-kontratu txiki bat du. Astia duenez, orain ikusi du unea euskarari ekiteko, A ereduan “ni Miguel naiz” baino gehiago ikasi ez zuelako. Baina informazio bila joan denean, dirutza ordaindu behar duela jakin du. Gainera, ez dago diru-laguntzarik. Tira, esan diote matrikula pagatu, kurtsoa egin, asistentzia ona izan, eta azterketa gainditzen badu, dirua itzuliko diotela, edo hurrengo ikasturtean matrikulatzeko bono bat emango diotela. Berak aurrez jarri... [+]


Plazeretik euskarari errazago eusten zaio

Zazpi egun. Hamazazpi gazte. Bost begirale. Hamaika bizipen. Elkarren arteko lotura euskara. Horrela topatu ditugu Zestoako Sastarrain baserri-eskolan UEMAk udalerri euskaldunetako gazteentzat antolatutako Salto! udalekuetan parte hartutako lagunak.


2018-07-18 | Txintxarri
Lasarte-Oriako udaltzainen hizkuntza eskakizunak, "legez kanpokoak"

Udaltzaingoko kaporal agenteei eskatutako euskara maila apaldu du udalbatzarrak, adituen irizpideen aurka.


Azkenak
EGILEA
Eguneraketa berriak daude