ARGIA.eus

2021eko urtarrilaren 16a

Eneko Bidegain, MUko irakaslea: “Diru gehiago behar dute euskarazko hedabideek”

  • Eneko Bidegain Mondragon Unibertsitateko irakasleak uste du diru gehiago behar dutela euskal hedabideek eta diru hori hizkuntza politikakoa ez den beste aurrekontu poltsetatik etorri beharko litzatekeela.

Malen Aldalur Azpillaga @malenaldalur
2014ko abenduaren 10a
Mondragon Unibertsitateak antolatutako jardunaldietan Andaluzia eta Kataluniako tokiko hedabideen errealitateaz ere jardungo. (Argazkia: Goiena)

Komunikabideen balio sozialaz jardungo dute asteazkenean MUko Ikus-entzunezkoen campusean eta horren harira elkarrizketa egin diote Bidegaini Goienan.

Tokikom elkarteko eta Berriako kideak egongo dira bertan MUko irakasleekin batera.

Horiez gain, Andaluziako eta Kataluniako tokiko hedabideen errealitateaz eta funtzioaz ere jardungo dute handik etorritako adituek.

Azken aldian Jaurlaritzak hedabideei diru laguntzak emateko jarritako irizpideen gainean polemika sortu da eta horren harira Bidegainek zera esan du: "Oinarrizko arazoa, eta hedabideen artean urduritasuna sortzen duena da banatzeko dagoen diru poltsa ez dela nahikoa. Dagoen hedabide kopuruarendako txikia da, behinik behin."

MUko irakasleak uste du hedabide batzuei besteei baino balio handiagoa ematea “arriskutsua" dela  eta ez dela batere mesedegarria euskarazko hedabideentzat.

Balio soziala

Bidegainen iritziz euskarazko hedabideek ekarpen sozial ugari egiten dizkiote gizarteari, "ez hizkuntza ekarpena soilik".

Besteak beste, zenbat lagunengana heltzen diren, euskarari ze ekarpen egiten dioten, informazioaren zabalkundea zenbatekoa den eta hiritartasunari zer ekarpen egiten dioten aztertu nahi dute.

Euskal hedabideek inguruari egiten dioten ekarpen ekonomikoa ere aztertuko dute: zenbat zerga ordaintzen duten, gizarte segurantzan zenbat kotizatzen duten, zeharkako zenbat enplegu sortzen dituzten....

Funtsean erakutsi nahi dute, euskarazko hedabideak diruz laguntzea ez dela izan behar soilik hizkuntza politikaren kontua. “Hezkuntzan, gizartearen ehuntzean eta ekonomian ere eragina duela frogatzen badugu, argi geratuko da, gizarteari ekarpen handia egiten dion sektore ekonomikoa dela euskarazko hedabideena”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Inbertsio publikoak kanaletik interesatuko zaizu...


Azkenak
EGILEA
Argia buletina
Egunaren laburpena
zure e-postan
Eguneraketa berriak daude