Euskaraz behar zuen ikastaroa, erdara hutsean: "Lekuz kanpo sentiarazi naute"
Eusko Jaurlaritzak antolaturiko irakasleentzako ikastaro elebidunean izena eman eta ikastaroa gaztelania hutsean delako haserre idatzi die antolatzaileei irakasleak: “Erantzun didate itunpeko eskoletako irakasle bazuek ez dutenez hizkuntza menperatzen dena erdaraz emango dutela, eta garaiz nabilela ikastaroari uko egiteko!”. Oso haserre dago irakaslea: “Lekuz kanpo sentiarazi naute, non geratzen da ikastaroa euskaraz egiteko nire eskubidea?”.
Hezkuntza Sailaren baitako Prest Gara programaren ikastaro bat da polemikaren iturri, eta irakasleak dio ez dela gertatzen zaion lehenengo aldia: "Ikastaroa elebiduna da, baina bai materiala, bai edukiak, bai emailak erdara hutsean daude. Beti euskara ateratzen da galtzaile". Eta irakaskuntza publikoan halakoak gertatzea "lotsagarria" dela nabarmendu digu.
LAB eta STEILAS sindikatuetara jo du irakasleak, salaketa jarri, publiko egin eta horrelakoak ez errepikatzeko esperantzaz. Azken finean, ikastaroez arduratzen diren enpresa eta antolatzaileei jarraipen hurbilagoa egin behar zaiela adierazi digu, horrelakoak gerta ez daitezen.
Hezkuntzan (ere) ematen diren hizkuntza urraketen isla, berriki egindako beste salaketa hau, irakasleek formazioa gaztelaniaz jaso zutela-eta.
Euskal Herrian Euskarazek apirilaren 22tik 28ra egingo du lehen aldiz Harrotze Astea. EHEk bost ekintza nazional prestatu ditu, eta hortik aurrera, herriz herri hainbat dinamika antolatuko dituzte euskaltzaleek. Sugoi Etxarri EHEko kidea elkarrizketatu dugu. Haren ustez,... [+]
Hizkuntza eskubideen urraketekin lotutako 909 kexa jaso zituen Behatokiak 2023. urtean. Horien %75 baino gehiago administrazioari loturiko zerbitzuei buruzkoak dira: “Herritarrek salatzen dute urtero horma berdinaren aurka borrokatzen jarraitzen dutela”.
Korrikak lehen asteburua Nafarroan egin du, eta argi ikusi dugu ez dagoela Nafarroa bat, ez eta hiru ere, baizik eta hainbat. Herriz herri egoera soziolinguistikoa eta euskaltzaletasuna erabat aldatzen dira, eta Korrika ere izan da horren lekuko.
Euskal Herriko 16 ikasle Parisen dira astearte honetan, euskaraz ikasteko eskubidea aldarrikatu eta horretarako neurriak har ditzatela eskatu diete diputatuei, Frantziako Legebiltzarrean. “Urduri gaude, baina badakigu zer erran nahi dugun”, adierazi diote goizean... [+]
Taldea ezagutarazteko eta proiektua finantzatzeko antolatu dute egun osorako egitaraua.