2018ko Aste Nagusian udaltzain batek isuna jarri zion Zarragari, euskaraz artatua izan zedin eskatu ostean. Isunari helegitea jarri zion kaltetuak, eta epaiketa egingo dute abenduaren 12an.
2018ko Bilboko Aste Nagusian hizkuntz eskubide urraketa pairatu zuen Arkaitz Zarraga Azumendik udaltzain baten partetik. Jaien amaieran, desmuntaketa lanen lehen egunean, Hau Pittu Hau konpartsako kide den Zarraga gelditu egin zuen udaltzain batek, txosnagunetik ateratzear zela. Udaltzaina gazteleraz zuzendu zitzaion, eta Zarragak euskaraz artatua izan zedin eskatu zion. Eskaeraren aurrean, bi isun jartzearekin egin zion mehatxu udaltzainak: bata trafiko zirkulazioarekin loturan, eta bestea errespetu faltagatik. Esan eta egin, udaltzainak bi isunak jarri zizkion, Mozal Legea aplikatuta.
900 euroko isuna jaso zuen Zarragak, eta helegitea jarri zuen. Abenduaren 12an epaiketara deitu dute.
“Euskarari mozalik ez!” lelopean, Hau Pittu Hau konpartsak eta Euskal Herrian Euskaraz elkarteak elkarretaratzea deitu dute epaiketa egunean, epaitegien aurrean. 09:30etan jarri dute ordua.
Epaiketarekin loturan burutuko da, baita, “Herri zatitua eta euskara” hitzaldia azaroaren 28an. Eneko Bidegain arituko da hizlari Xake espazioan, 19:00etatik aurrera.
ARGIAren 2.632. zenbakian Arkaitz Zarraga Azumendi eta Eneka Alvaren elkarrizketatu zituen Lander Arbelaitz Mitxelenak. Hemen irakurgai.
Euskal Herrian Euskarazek apirilaren 22tik 28ra egingo du lehen aldiz Harrotze Astea. EHEk bost ekintza nazional prestatu ditu, eta hortik aurrera, herriz herri hainbat dinamika antolatuko dituzte euskaltzaleek. Sugoi Etxarri EHEko kidea elkarrizketatu dugu. Haren ustez,... [+]
Hizkuntza eskubideen urraketekin lotutako 909 kexa jaso zituen Behatokiak 2023. urtean. Horien %75 baino gehiago administrazioari loturiko zerbitzuei buruzkoak dira: “Herritarrek salatzen dute urtero horma berdinaren aurka borrokatzen jarraitzen dutela”.
Korrikak lehen asteburua Nafarroan egin du, eta argi ikusi dugu ez dagoela Nafarroa bat, ez eta hiru ere, baizik eta hainbat. Herriz herri egoera soziolinguistikoa eta euskaltzaletasuna erabat aldatzen dira, eta Korrika ere izan da horren lekuko.
Euskal Herriko 16 ikasle Parisen dira astearte honetan, euskaraz ikasteko eskubidea aldarrikatu eta horretarako neurriak har ditzatela eskatu diete diputatuei, Frantziako Legebiltzarrean. “Urduri gaude, baina badakigu zer erran nahi dugun”, adierazi diote goizean... [+]
Taldea ezagutarazteko eta proiektua finantzatzeko antolatu dute egun osorako egitaraua.