Euskaltzaindiaren Hiztegia orain Andoni Sagarnaren esku
Andoni Sagarna Euskaltzaindiaren Hiztegia. Adierak eta Adibideak egitasmoaren zuzendari izendatu dute Ibon Sarasolak kargua utzi ondoren.
Sarasolaren ukoa berretsi ondoren, Euskaltzaindiaren Zuzendaritzak Sagarna proposatu eta urtarrilaren 31n Bilbon egin zen batzarrean egitasmo berriaren osaera aurkeztu zuten.
Miriam Urkia Hiztegi Batuko lantaldeko buruak eta Jose Antonio Aduriz urgazleak zeregin honetan lagunduko diote Sagarnari. Lantaldeko arduraduna eta aholkularia izango dira hurrenez hurren. Haiekin batera, orain arteko lantaldearen teknikariek ere lanean jarraituko dute: Elizabeth Kruzeta, Ainhoa Otamendi, Ane Loidi eta Gabriel Frailek osatuko dute egitasmoa.
Andoni Sagarna euskaltzain oso izendatu zuten 2006ko abenduaren 22an. Euskaltzaindiko Iker sailburua izan da iaz arte. Hiztegia egitasmoaren zuzendaria izateaz gain, Euskaltzaindiaren Lexikoaren Behatokiaren zuzendaria eta Euskara Akademiaren Gipuzkoako ordezkaria da. Beste arlo batzuetan ere ibilia izan da donostiarra: Nafarroako Unibertsitateko irakasle lanetan ibili da eta Elkar enpresa-taldeko I+G+B arloko zuzendaria ere izan da.
Informazio gehiago
Argiak elkarrizketa egin zion Sagarnari 2007an.
Euskaltzaindiak Hiztegia sarean eguneratu du: 646 forma berri jaso ditu azken sei hilabeteotan, eta 1.130 forma moldatu edo findu. Lehendik dagoena txukuntzeari ere garrantzia eman diote. “Adibideak ere berrikusi ditugu, batez ere berdintasunari dagozkionak: emakumeen... [+]
Bizialdia darama Gasteizko toponimia ikertzen. Bateko eta besteko toki izenak jasotzen, forma zuzena eskaintzen... Eta toponimiaz galdezka hasi, eta bizi-historia kontatu digu, Gasteiz eta Nuarbe (Azpeitia) loturik, Alizia ahizparen eta Anjel Otaegiren ama Maríaren... [+]
Nabarralde Fundazioak Federico Krutwig Sagredoren bizitza, pentsaera eta lanak jasotzen dituen liburua argitaratu du. Krutwigen Lagunak elkarte edo kolektiboko 13 lagunek idatzi dute bertan, tartean Manu Ertzillak eta Oskar Arantzabal eibartarrak. Hain zuzen ere, bi hauek egongo... [+]
Martxoaren 24an izango da, eta 8.000 pertsonak emango diote eskua elkarri. Ikastolen Elkarteak eta Euskaltzaindiak antolatu dute ekimena. "Euskara batuak gure herriaren garapenean izan duen balioa" azpimarratu nahi dute, eta euskara batuaren sorrera bultzatu... [+]