Euskal kultura eta bertsolaritzaren artikulazioak aztertuko dituzte Udako Unibertsitatean
Abuztuaren 22 eta 23an, Euskal kulturari so. Bertsolaritzaren artikulazioak ikastaroa egingo da EHUk Donostiako Miramar Jauregian antolatutako ikastaroen baitan. Hauek izango dira hizlari: Josu Amezaga, Iratxe Retolaza, Harkaitz Zubiri, Alberto Irazu, Jon Maia, Oihana Iguaran eta Miren Artetxe. Izena emateko aukera dago oraindik.
Mintzola Ahozko Lantegiak antolatu ditu hitzaldi hauek, eta bideo honetan aurkeztu du hizlari bakoitzak emango duen mamiaren berri:
Euskal kultura eta bertsozaleak izenburuak elkartzen ditu abuztuaren 22ko hitzaldiak. Hona hemen egitaraua, xehe:
9:00-10:00etara Euskal kulturaren kontsumoa aztertuko du Josu Amezagak.
10:00-11:00etara Kultur sorkuntzaren transmisioa: ajeak eta erronkak azalduko ditu Iratxe Retolazak.
11:30-12:30etara Egungo bertsozaletasunaren argazkiak erakutsiko ditu Harkaitz Zubirik, bertsolaritzari buruzko azken ikerketa soziologikoa egin duenak (artikulu honetan ederki azaldua du Irati Majuelok).
12:30-13:30etara hitzaldiak eman dituzten hiru kide hauek Euskal kulturaren erronkak aztertuko dituzte mahai-inguruan.
Abuztuaren 23an Bertsolaritzaren artikulazioak izango dira aztergai. Hauek izango dira hizlariak eta hitzaldien gaiak:
9:00-9:45etara Bertsolaritza eta rocka-ren arteko artikulazioa aztertuko du Alberto Irazuk.
9:45-10:30etara Bertsolaritza eta 90eko bertsolari gazteak artikulazioaz arituko da Jon Maia bertsolaria.
10:30-11:15etara Emakumeen presentzia egungo bertsolaritzan gaia aztertuko du Oihana Iguaranek.
11:45-12:30etara Bertsolaritza eta hiztun berriak artikulazioa azalduko du Miren Artetxek.
12:30-13:30etara Bertsolaritza artikulatzen. Haizea alde eta kontra gaia aztertuko dute mahai-inguruan, Jon Maia, Oihana Iguaran eta Miren Artetxek.
Arratsalde horretan, 17:00etan hasita, Komentatutako bertso saio feminista egingo dute Miren Amuriza eta Nerea Ibarzabalek, Maite Berriozabal gidari dutela.
Bertsozalea zen, eta hamarkada luzeetan aritu da bertsoaren plazako zereginetan: epaile eta gai-jartzaile lanetan, saio antolaketetan eta Bertsularien Lagunak elkartearen betebeharretan ere bai. Euskaltzain urgazle izendatua izan zen 1967an, eta ohorezko 2014an.
Señora Sariketaren V. edizioa izan da 2025ekoa, benetan berezia: aurtengo bertsolari parte-hartzaileak plazak utziak zituzten andre eta genero disidenteak izan dira. Binaka egin dute plazara itzulera, saioetarako giro goxo eta xamurra lagun.
Hamahiru urtean lehen aldiz, finalaren kokagunea aldatu du txapelketak, arrazoi koiunturalak medio: Bilbao Arenatik Casillara. Azken bi txapelketetako txapeldunak, Nerea Ibarzabalek, ez du parte hartuko aurtengo edizioan.
Iruñean eginen da lehen saioa, maiatzaren 23an, eta Jauntsaratsen bigarrena, maiatzaren 30ean. 12 bertsolarik hartuko dute parte, aurreko txapelketan aritu ez zirenak. Horietatik, sei sailkatuko dira urrian hasiko den txapelketara.
Hamabi bertsoko sorta dotorea jarri du pilotariak, galtzeari eta irabazteari buruz. Inspirazioa 2024an Larrun aldizkarirako egindako mahai-inguruak piztu zion, Jokin Altunarekin gai horri buruz aritu baitzen gogoetan. Bertso sorta musikatuta entzun daiteke Bertso Ikasgela... [+]
Martxoak 14an Itsasuko (Lapurdi) Goxoki Gaztetxean hasitako sei saioko ibilbideak maiatzaren 3an izan du finala Gernikako gaztetxe okupatu berrrian. Egurre Gazte asanbladaren laguntzaz egun osoko egitaraua izan zen larunbatean. Finaleko bigarren fasera, Maddi Aiestaran eta... [+]
Irurtzunen jokatu da Nafarroako Eskolarteko Txapelketaren 39. edizioa. Sei bertsolari gaztek hartu dute parte txapelketan, eta horietatik, Arantzako Kattin Madariagak jantzi du txapela. Txapeldunorde, berriz, Kattalin Lizarraga izan da. Biak izanen dira Nafarroako ordezkari... [+]
Gipuzkoako Euskal Pilota Federazioak 100 urte betetzen ditu aurten. Ospatzeko antolatu dituen ekitaldien artean dago apirilaren 12an Zumarragan egingo den bertso saio berezia. Pilotari bat arituko da gai-jartzen, eta pilotarekin harremana duten Gipuzkoako lau bertsolari kantuan... [+]
Maiatzaren 8an hasiko da Bizkaiko Bertsolari Txapelketako sailkapen fasea. Zortzi saio bikoitz jokatuko dira maiatzeko eguenetan. Sarrerak eskuragai daude bertsosarrerak.eus atarian.
Asteburu honetan hasiko da Gaztetxeak Bertsotan egitasmo berria, Itsasun, eta zazpi kanporaketa izango ditu Euskal Herriko ondorengo hauetan: Hernanin, Mutrikun, Altsasun, Bilboko 7katun eta Gasteizen. Iragartzeko dago oraindik finala. Sariketa berezia izango da: 24 gaztez... [+]