Euskal Herriko torturatu guztiak saretzeko ekimena aurkeztu dute Torturaren Aurkako Egunean
Euskal Herriko Torturatuak Saretzeko Talde Sustatzaileak aurkezpen agerraldia egin du Bilbon. Torturatu guztiak batuko dituen sare bat osatzeko lan egingo dute, eta topaketa bat iragarri dute urtebete barrurako. Torturaren aitortzan torturatuak agente aktibo izate aldarrikatu dute.
.jpg)
Jose Arregi torturapena hil zutela 43 urte bete diren egunean aurkeztu dute Euskal Herriko Torturatuak Saretzeko Talde Sustatzailea hainbat torturatuk. Ainara Gorostiagak eta Ixone Fernándezek hartu dute hitza denen izenean. Torturatuak asko eta askotarikoak izanik, gauza batek batzen dituela denak azaldu dute: “Bada hari ikusezin bat batzen gaituena: sufrimenduaren haria, urte eta hamarkadetan zehar barruan eta isilean daramagun sufrimenduarena, gu bezalako beste pertsona askori gertatzen zaien bezala”.
“Uste dugu gertatu denaren kontakizun osoa argitara emateko unea dela, bizi izan duguna aitortu eta konpontzeko unea”, azaldu dute Gorostiagak eta Fernándezek. Aitortzaren bidean urratsak egin dira iragan urtetan, baina gehiago behar direla aldarrikatu dute: “Beharrezkoa da torturaren errealitatea bere osotasunean jasotzea. Ondorio politikoak, sozialak, kulturalak eta giza ondorioak aztertu behar dira, eta, gizarte gisa, errekonozimendurako eta erreparaziorako bideak ireki. Zentzu horretan, tortura jasan dugun euskal herritarrok badugu zer esan”.
"Garrantzitsuena ez da egin zigutena, egin zigutenarekin egiten duguna baizik"
Torturatu guztiei deia
Euskal Herriko herri eta eskualdeetako pertsona torturatuekin batu eta hitz egiteko konpromisoa hartu dute Talde Sustatzaileko kideek agerraldian. Zuzenenean mintzatu zaizkie torturatuei: “Beharbada askotan kontatu duzu zer egin zizuten, edo agian ez zara inoiz inori kontatzeko gai izan”. Guztiak gonbidatu dituzte sarera batzera, eta bertan, “babesa, indarra eta baita merezi duten aintzatespena ere” aurkituko dutela adierazi diete. Urtebete barru topaketa bat egingo dutela iragarri dute.
Torturaren aitortzan torturatuak subjektu aktibo izatea aldarrikatu dute, “izan ere, garrantzitsuena ez da egin zigutena, egin zigutenarekin egiten duguna baizik”.
.jpg)
Espainiako Auzitegi Nazionaleko fiskalak kasazio helegitea aurkeztuko du Auzitegi Gorenean, Guardia Zibilak eragindako torturak onartu eta Sorzabal errugabetu zuen epaiaren aurka. Sorzabalek bere burua autoinkulpatu zuen gutuna torturen ondorioz idatzi zuela ebatzi zuen Auzitegi... [+]
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
"Erantzukizun publikoa hartzeko ordua" dela esan du Euskal Herriko Torturatuen Sareak, Auzitegi Nazionalak Iratxe Sorzabal Guardia Zibilak torturatu zuela onartu eta horregatik errugabetu ostean. Eusko Jaurlaritzari eskatu dio EAEko aitortza eta erreparaziorako... [+]
Iratxe Sorzabalek sufritutako torturen gaineko testigantzak jasotzen ditu dokumentalak. Maiatzaren 20an emango dute dokumentala, 23:40an. Iaztik dago Primeran plataforman ikusgai, baina lehen aldiz emango dute telebistan.
Giza eskubideen urraketa horietan duten erantzukizuna aitortu gabe jarraitzen dutela seinalatu du koalizio subiranistak.
Larunbatean prentsaurreko bateratua eman dute Egiari Zor Fundazioak, Euskal Herriko Giza Eskubideen Behatokiak eta Iratxe Sorzabalen abokatu Aiert Larrartek. Ostegunean ezagutu zen sententzia mugarria dela adierazi dute hirurek. Larrartek adierazi du Estrasburgoko epaitegira... [+]
Epaiak dio 2001ean Sorzabalek egindako autoinkulpazioa "tratu txarren ondorioa" izan zela, eta beraz, "baliogabea" dela. 1995ean Irunen lehergailu bat jarri izanagatik atxilotu zuten 2001ean, eta bost egunez inkomunikatuta atxiki zuten, gogorki torturatuz.
Oraingoz Nafarroan, 53 izango dira estatuaren biktima aitortuak eta horietatik 27 torturaren biktimak. Floren Beraza, Txaro Buñuel, Cecilio Ruiz, Patricia Perales eta Izaskun Juarez dira aitortutako torturatu berriak.
Felipe Gonzálezen garaian Espainiako Barne ministroa zen José Barrionuevoren aurkako kereila aurkeztuko dute, Ipar Euskal Herriko errefuxiatuen aurka abiatu zuen estrategiagatik. ZEN Zona Especial Norte Planaren barruan egindako ekintzen erantzule nagusietako bat... [+]
MARTA PIKAZA GARAIGORTA (Laudio, 1968) Euskal Herriko Torturatuen Sareko kideak eta eskualdeko beste torturatu batzuek ekin diote Aiaraldean ekimena antolatzeari. Egingo dituzten urratsak eta helburuak azaldu dituzte.
Euskal Herriko Bilgune Feministak deituta elkarretaratzea egin dute Hernanin Iratxe Sorzabali elkartasuna adierazi eta "babes osoa" emateko. Inkomunikatuta egon zen uneak berriz ere epailearen aurrean kontatu behar izatea, "bizi izandakoak utzitako ondorioen... [+]
Ia mende batez, Euskal Herrian ez da belaunaldirik tortura ezagutu ez duenik. 1960tik 5.379 lagun dira ofizialki, baina askoz gehiago dira, publikoki torturatu gisa agertzeak min egiten duelako oraindik ere. Eta seguruenik, oinarri-oinarrian ez delako ezer aldatu. Polizia... [+]
Torturak jasan dituzten 900 lagun bildu dira Donostian Euskal Herriko Torturatuen Sarea aurkezteko, otsailaren 15ean. Ekimenak torturatuen bozgorailu izan nahi du, eta oraindik torturen berri eman ez duten herritarrak sarera batzera animatu dituzte. Eusko Jaurlaritzari eta... [+]