Euskal eskola nazionala eta euskal estatu sozialistaren aldeko apostua berretsi dituzte

  • Ikasle Abertzaleek (IA) VII. Kongresua itxi dute Berriozarren, ikasturte hasieratik martxan zen barne-prozesuari amaiera emanez.


2019ko apirilaren 15an - 15:10

"Kongresua bere osotasunean” aurrekari gisa identifikatu du IAk. Zentzu horretan, adierazi dute “Errainu” ponentzia izango dela Euskal Eskola Nazionalaren norabidean "argituko duen errainua". Langile belaunaldi berrientzat "burgesiak prestaturiko etorkizun beltz eta ilunean itxaropenaren argi errainu" izan nahi du ponentzia horrek, ildo politiko sozialista iraultzailearen berme, Gedar agerkarian irakurri daitekeenez: "Prozesu sozialista orokorra elikatzeko bidean, langileriak jasaten duen zapalkuntza bakoitzaren aurka 'aurrerapausoak ematea' beharrezkoa izango dela aurreikusi dute. Halaber, Errainu ponentziako marko teoriko eta ideologikoaren baitan ezarri dituzte euskal langileriaren baitan jasaten diren genero eta nazio zapalkuntzaren auziak".

Antolakuntza eredua birplanteatzeko beharra ere mahaigaineratu da, batez ere "aurreko ziklo politikoaren amaiera nabarmena" kontutan harturik. Ordura arteko ikuspegi politikoek “muga operatibo nabariekin” topo egin zutenez, “ziklo berri baten unea” heldu dela adostu dute.

Bestetik, azken borroken emaitzen balorazio positiboa egin dute Kongresu amaierako ekitaldian: autodefentsa sareak, Herri Unibertsitatea, espazio propioen eskurapena eta Unibertsitateko Indar Batasuna aipatu dituzte, besteren artean.

- IAren kongresuaren amaiera ekitaldiaz informazio gehiago eta argazki galeria, Gedar langile kazetaren webgunean.


Kanal honetatik interesatuko zaizu: Ikasle Abertzaleak
Hezkuntza sistema sozialista aldarrikatu dute ikasleek, martxoaren 20ko ikasle greban

Grebara jo dute bigarren hezkuntzako, lanbide heziketako eta unibertsitateko ikasleek. Ikastetxeen ohiko jarduna gelditu eta kaleak hartu dituzte “negozioen eta inposizioen” hezkuntzaren kontra Bilbon, Donostian, Gasteizen eta Iruñean. Goizeko aurreneko... [+]


Hezkuntza "pribatizaziotik" ateratzeko, borroka

Ikasle Abertzaleak taldeak grebarako deia egin du martxoaren 20rako. Negozioen eta inposizioen hezkuntza borrokatu goiburuarekin manifestazioa ere eginen dute 12:00etan Iruñeko Foruen Plazatik aterata. Unibertsitatera sartu aurretik eta goi mailako ikasketak egiterako... [+]


Greba antolatu du martxoaren 13rako Ikasle Abertzaleak-ek

Eusko Legebiltzarraren aurrean elkartu dira Ikasle Abertzaleak-eko kideak martxoaren 13rako ikasle grebara deitzeko. “Azken hilabeteetan borroka prozesuak martxan jarri ditugu Euskal Herriko ikastetxe eta campusetan eta, orain, pausu bat gehiago emateko unea dela uste... [+]


2023-09-19 | Gedar
'Leioako 5en' askatasuna exijitu dute Altsasun

Irailaren 27an epaituko dituzte 'Leioako 5ak', 2016an Leioako campusean izan zen ikasle mobilizazio baten harira. 45.000 euroko eta 40 urteko zigorrak eskatzen dituzte haientzat. Aste honetan ere mobilizazioak egingo dituzte, auzipetutako bost lagunen eskualdeetan nahiz... [+]


2023-09-18 | Mikel Eizagirre
"Militantzia politikoaren zilegitasuna defendatu behar da, inolako baldintzarik gabe"

2016ko apirilean atxilotu zituzten Leioako 5ak, errepresioaren aurkako ikasle protesta batean. Zazpi urteren ostean izango da epaiketa, irailaren 27an, eta 39,5 urteko espetxe-zigorrak eta 45.000 euroko kalteordainak eskatuko dizkiete. Epaiketaren atarian, haietako birekin... [+]


Eguneraketa berriak daude