Euskal Elkargoko hautetsiei ardura gehiago ematea eskatu dute hainbat auzapezak

  • 2020 urtea aitzin, 233 ordezkariz osatutako Euskal Elkargoa proposatu dute hamabost auzapezak. Dokumentuaren sinatzaileek adierazi dutenez, 100 hautetsik irakurri dute proposamena: Euskal Hirigune Elkargoaren (CAPB) lurralde politika eta proiektu komunitarioa taxutzea.

Mikel Asurmendi @masurmendi
2019ko apirilaren 12a
Argazkia: Isabelle Miquelestorena

Hamabost hautetsi horiek dioten arabera, Euskal Elkargoan ordezkaritza duten 158 auzapezek begi onez ikusi dute dokumentua. Sinatzaileek “Kontseilu Iraunkorraren (65 kide) eta Kontseilu Eragilearen (25 kide) arteko informazio trukatze eskasa”, salatu dute agirian. Hau da, bi kontseiluren arteko harreman eta erabakien artean dagoen aldea jarri dute auzitan eta, diotenez, are handiago  da Elkargoaren Kontseilu Orokorrarekikoan (233 kide).

Euskal Elkargoaren inguruko desmartxa hau Mediabask-ek eman du aditzera modu zabal batez: “Nola biziarazi ditzake Euskal Elkargoak bere baitako lurraldeak?”. Horixe galdera eta kezka. Hautetsi horiek lurralde gune handiei garrantzia edo leku gehiago ematea eskatzen dute. Hots, herrietako funtsak kudeatzen dituzten hirigune handiei eman behar zaien ardura handiagoa, hirigunearen populazioaren kopuru arau egin beharko litzatekela antolamentua.

Hona dokumentuaren sinatzaileak:

* Claude Barets, Dominique Bosq, Gilbert Dublanc, Michel Etchebest, Pierre Eyherabide, Arnaud Gastambide, Pierre Guillemotonia, Michel Ibarra, Alfontxo Idiart, Alain Iriart, Jean-Pierre Iriart, André Larralde, Jean-Jacques Loustaudaudine, Eric Narbaïts-Jauréguy, Arnaud Villeneuve, Jean-Claude Ybargaray.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Euskal Elkargoa  |  Ipar Euskal Herria

Euskal Elkargoa kanaletik interesatuko zaizu...
Azkenak
EGILEA
Eguneraketa berriak daude