Europar Batasuneko mugen zaintzarako agentzia nahaspilaturik dago migratzaileen legez kanpoko itzulerekin, kazetaritza ikerketa baten arabera

  • Hainbat hedabidek dokumentatu dutenez, Frontex agentzia hein batean inplikatua dago migratzaileen legez kanpoko kanporaketekin.


2020ko urriaren 26an - 13:19
(Argazkia: Frontex)

Migratzaileak legez kanpo beren jatorrira itzularazi diren hainbat kasutan, Muga eta Kostaldeetako Guardiaren Europako Agentziak (Frontex) “konplize” izan da, nazioarteko zenbait hedabidek argitara eman dutenez. Mediterraneoko Egeo itsasoan, Grezia eta Turkia artean jazotako zenbait gertakizunetan oinarrituz, hala dela dokumentatu dute Alemaniako Der Spiegel aldizkariak, Herbehereetako Lighthouse Reports eta Erresuma Batuko Bellingcat atari digitalak, eta Alemaniako ARD eta Japoniako Asahi telebista kateak.

Hedabide horiek apiriletik gaurdaino jasotakoaren arabera, Europako Batasuneko (EB) mugen zaintzaz arduratzen direnak Greziako mugazainen “legez kanpoko ekintzen” jakitun dira. Hala, Frontex migratzaileak itzularazteko lanetan hein batean “inplikatuta” dagoela eman dute ulertzera, horrek “konplize” bilakatuz agentzia.

Hedabide horietako batek jasoa dauka ekainaren 8an Frontexen ontzi batek errefuxiatuen barku bat blokeatu zuenekoa. Bidea mozteaz gain, errefuxiatuak Turkiara bueltan bidali asmoz, abiadura hartuta olatuak sortzeari ekin zion ontziak, migratzaileen biziak arriskuan jartzeraino. Bideoan jasoa dago gertakizuna, eta horrekin batera bildu dituzte irudiak, testigantzak eta barne dokumentuak ere. Dokumentazio horretan oinarriturik ateratako ondorioak dira larunbatean ezagutzera emandakoak.

 


Irakurrienak
Matomo erabiliz
Azoka
Kanal honetatik interesatuko zaizu: Migrazioa
Uztailean hasi nahi du Erresuma Batuak migratzaileak Ruandara deportatzen

Rishi Sunak lehen ministroak jakinarazi du deportaziorako "baliabideak" prest dituela "legez kanpoko migratzaileak" kanporatzeko. Auzia etenda dago Auzitegi Gorenaren erabaki baten eraginez, baina parlamentuak Sunaken lege bat onartu berri du horren gainetik... [+]


Migratzaileei sarrera gogortzeko ituna onartu du Europako Parlamentuak

Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]


Pertsona migratuentzako ekintzailetza kooperatiboa, bizi-proiektuak hobetzeko tresna bat

Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]


2024-04-10 | ARGIA
Migratzaileei laguntzeagatik gutxienez 117 pertsona auzitara eraman dituzte Europan 2023an

Pertsona migratzaileak laguntzea kriminalizatzen duten politikak nagusi dira Europar Batasunean, eta hori egiteagatik auzitara eraman dituzten pertsonen kopuruak errekor berria ezarri du 2023an: gutxienez 117.


Eguneraketa berriak daude