Europako hainbat intelektualek bakearen eta armagabetzearen aldeko manifestua idatzi dute
Europa mailako ekimen kolektibo batek bakearen, irtenbide diplomatikoen eta armagabetzearen aldeko manifestua idatzi eta sinadura bilketa hasi du. Manifestuak dioenez, intelektualak, herritarrak bezala, “anestesiatuta daude”. Europako agintarien jokamoldea, NATOren bilakaera eta AEBen jarrera kritikatu dituzte. Errusiari militarki aurre egiteak Hirugarren Mundu Gerra ekar dezakeela azpimarratu dute.
Manifestua (Bakearen eta armagabetzearen aldeko deia) hainbat herrialdetako profesionalek sinatzen dutela dio agiriak. Bultzatzaileen artean daude Rafael Poch, Andy Robinson eta Joaquín Rábago. Ia 3.000 pertsonak sinatu dute agiria. Europako agintarien adierazpenek aztoratuta daudela diote, ari baitira aurkezten Errusia Europa osoarentzat mehatxu gisa, Ukrainan geldiarazten ez bada, behintzat. Errusiak Ukraina inbaditu izana kondenatzen dute eta gehitu dute Europako agintariek Errusiaren mehatxua darabiltela herritarren artean “berrarmatzeko adostasuna eraikitzeko”.
Abiadura handiko berrarmatzearen ondorioak
Berrarmatzeak zerbitzu publikoetan eragin negatibo handia izateaz gain, ongizate estatua higatu eta zor publikoak gora egingo duela azpimarratu dute. Eta batez ere, armagintza kontrolatzeko akordiorik ez badago, potentzia atomikoa den Errusia moduko herrialde batekin gerra egiteko aukera gehiago egongo direla gehitu dute.
Sinatzaileek diote trena agintariek gidatzen dutela “Errusia odoletan jarri” behar dela aitzakiatzat hartuta. Europako herritarrak “nahi gabeko bidaiari” bihurtu direla uste dute. Ondorioak oso txarrak izango direla eta “denok aterako garela galtzaile” gehitu dute.
Lokartuta dauden herritarrak eta intelektualak
Lehen Mundu Gerraren adibidea jarri dute. Gatazka hura lehertu baino lehen, elkarren aurka arituko ziren herrialdeetako intelektualek bakearen aldeko deia egin zuten, nahiz eta haien eskariak ez zituzten kontuan hartu.
Herrialde guztietako intelektualen isiltasuna azpimarratu dute, baita herritar europarrena ere: “Kezkagarriki anestesiatuak dirudite”. Bestalde, diplomaziaren alde ahotsa altxatzen duena berehala "Putinen txotxongilotzat” hartua dela deitoratu dute.
NATO, AEB eta Europaren jarrerak
NATO kritikatu dute sinatzaileek eta deitoratu dute bloke komunista desagertuta ere, ezerezean geratu beharrean, hedatzen jarraitu duela, Errusiaren mugetaraino iritsi arte.
AEBko presidente Donald Trumpek Ukraina espoliatzeko asmoa duela diote, eta “bide batez Europa zorpetzekoa, ongizate estatua gehiago ahuldu eta AEBko armagintza industriari onurak emateko”.
Europako agintariei aurpegiratu diete Ukrainari agintzen diotela diru eta arma gehiago, jakinda, gerra galduta daukala. Errusiari aurre egin beharko zaion mehatxupean, Europako herrialdeak abiadura handian armatzea proposatzen dutela kritikatu dute. Agintariei galdera hau egin diete: “Pentsatu al dute Errusia moduko potentzia nuklear bati militarki aurre egiteak Hirugarren Mundu Gerra eragin dezakeela?”. Oraingoan, azken mundu gerra litzatekeela diote sinatzaileek.
Giza eskubideen aldeko Sudango abokatu talde baten arabera, Sudan mendebaldeko hainbat herrixkari eraso egin zieten larunbatean eta igandean, eta zibilak tiroz hil edota bizirik erre zituzten, etxeetan giltzapetuta. UNICEFek salatu du Ipar Darfurgo 40.000 haur artatu zituztela... [+]
Eskarmentu ikaragarria –hitzaren adiera etimologikoan, besteak beste– dugu europarrok arma-lehiaketetan. Eta, paradigmatzat hartu ohi denetik, XIX. mendearen amaiera eta XX.aren hastapeneko hartatik, mende eta laurden igaro denean arma-lehiaketa kartsuenera itzuli... [+]
Danimarkako Gobernuak argudiatu du, azken urteotako aldaketa geopolitikoen aurrean defentsarako baliabide gehiago behar dituela. Errusiak Ukraina inbaditu izana aipatu dute preseski, baita AEBetako Trump presidenteak Groenlandia uhartea kontrolatzeko asmoa iragarri izana ere... [+]
Bilobaren gurasoak atxilotu zituzten eta tortura fisiko eta psikologiko artean bere amak erditu zuen. Gurasoak desagertuta daude oraindik; arrebak haritik tiraka aurkitu du neba, 2009an zabaldu zuen blog baten ondotik.
Hagan ekainaren 25ean NATOk egindako goi-bileran, gastu militarra herrialde bakoitzaren BPGaren %5 izateko konpromisoa hartu dute Aliantza Atlantikoko Itunaren Erakundeko kide diren estatuek. Horretarako hamar urteko epea izango dute, 2035 arte. Erabaki horrekin, 2014an... [+]
Asteazkenean, NATOren goi-bilera hastearekin, aliantzak herrialdeei inposaturiko gastu militarraren aurkako mobilizazioak izan dira Hego Euskal Herriko hiriburuetan. Ostegunean eta ostiralean Iranen eta Palestinaren aurkako gerrak salatuko dituzte.
Hamar urteko epea dute NATOko estatu-kideek helburu hori lortzeko. Espainiak ere sinatu du akordioa, baina, aldi berean, Mark Rutte aliantza atlantikoko idazkari nagusiaren gutun bat eskuratu du Pedro Sánchezek, ustez "malgutasuna" emango liokeena. Donald Trumpek... [+]
Asteazkenean bozkatuko dute NATOra bideratutako diru kopurua, eta Pedro Sánchez Espainiako presidenteak kuoten igoeran lortutako salbuespenak haserrea piztu du AEBetako eta Europako zenbait herrialdetako gobernuetan.
Wesley Clark AEBetako jeneralak azaldu zuen moduan, 2001eko plana zen bost urtetan zazpi herrialde hartzea: Afganistan, Irak, Somalia, Sudan, Libano, Siria eta Iran. Ez dira bost urte izan, baina denak, azkena Siria, erori dira, Iran izan ezik.
Iranek erasoak Sirian, Iraken... [+]
Gaza izan zen iragarpena, Ukraina tanteoa, Iran eskalada, baina Errusia eta Txina dira traka eta azken helburua. Europar Batasunak "Israelek bere burua defendatzeko duen eskubidea" baieztatzen jarraitzen du, eta bere lehen potentziaren buruak aitortzen du "Israel lan... [+]
Mark Rutte NATOko Idazkari Orokorrak ukatu egin du “baztertze klausula” onartu zaionik Espainiako Estatuari. Kalkuluen arabera, BPGren %3,5a gastu militarretara bideratu beharko du gobernuak, NATOk eskatzen dituen kompromisoak betetzeko.
Igandean iragarri du akordioa Pedro Sánchez Espainiako presidenteak. Espainiak gastu militarrera BPGaren %2,1 bideratuko duela ziurtatu du.
Badira aste batzuk Europar Batasuneko presidente den Ursula von der Leyenek zortziehun mila milioi euroko gastu militarraren beharraren berri eman zuela. Gastu hori Europak jasaten duen mehatxu militar bati aurre egiteko omen da, eta mehatxu horri batasunez erantzun beharra... [+]
Posible da, nonbait, zoriontasuna neurtzea. Are, bada horretan tematzen denik. NBEk ez du arrakasta handirik munduko bakeari eusten, baina halako tasuna planetan zehar nola dagoen banatua erakusten du urtero, txosten batean. Funtsean zerrenda bat da, herrialdez herrialde, zein... [+]