Eulalia Abaitua, emakumeei begiratu zien argazkilaria
Euskal Herrian argazkigintzan emakume aitzindaria izan zen Eulalia Abaitua Allende-Salazar (Bilbo, 1853 – Bilbo, 1943). XX. mendeko euskal gizartea erakusten digute berak eginiko argazkiek: eguneroko jardunak, lanbideak, jaiak... jaso zituen. Emakume baten begiradak emakumeak hartu zituen erdigunean. Hala, landa zein hiri eremuetako hainbat eta hainbat emakume erretratatu zituen, bereziki protagonismoa emanez haiei.
Hainbat belaunalditako emakumeei egin zizkien argazkiak.
Lehen ikasketak Bartzelonan egin omen zituen eta 1873. urtean Liverpoolera joan ziren Bigarren Karlistalditik ihesi, urtebete lehenago ezkondu zen Juan Narciso Olano Pikabea Lesakakoa ontzigilearekin. Ingalaterran egin zuela argazkilaritzarekin lehen kontaktua eta handik Bilbora itzultzean Begoñako Basilikaren alboan kokatuta zegoen etxeko sotoan ipini zuen bere argazki-laborategia.
Emakumeak eguneroko lanetan ari zirela islatu zituen. Hiriko, landa eremuetako eta kostako emakumeak lanean.
Ia lan guztia 44x107 mm.dun plaka esteroskopikoz egina dago, zuri-beltzean. Egun, berak egindako 1000tik gora argazki gordetzen dira. Ez zituen publiko egin eta etxeko sotoan geratu ziren gordeta. Gerora familiak Bilboko Euskal Museoari eman zizkion. Orain, bilduma eder horretako zenbait argazki eskuragarri ipini du Euskarianak. Tartean dira baserritar jantziaren eraldaketa lagundu zuten argazki nagusiak.
Aisialdi denborak ere islatzen dira argazkietan. Dantza, festa eta jaian ere hor ziren emakumeak.
- Argazki gehiago: Eulalia Abaitua
- Iturria: Eulaia Abaituaren argazkiak (Euskariana)
2023ko Wiki Loves Monuments argazki lehiaketako hamabost irabazleak iragarri dituzte. Wikipediaren atzean dagoen Wikimedia Fundazioak urtero antolatzen du eta munduko argazki lehiaketa handiena da. Iaz 46 herrialdetako 4.700 argazkilarik parte hartu zuten, lizentzia libreak... [+]
Donostiako Maria Cristina Hoteleko sarrerako eskaileretan dozenaka argazkilari elkar kolpatzen dira, argazki eta bideo kamerak eta objektibo eta lenteak daramatzaten zorroekin kargatuta. Jende multzoaren erdian emakume bakarra ageri da taldean. Ilea solte darama eta kamerarik ez... [+]
Cristina Chiquín Rodríguez argazkien bidez komunikatzen da: zer da emakume guatemaldarra izatea? Horren bilaketan datza Bilboko Bira kulturgunean aurkeztu duen erakusketak, La búsqueda (Bilaketa), izen bereko liburuaren lagin bat. Lagun Artean GKEaren bidez... [+]
Gabrielle Duplantier argazkilariarekin elkartu gara Baionan, Aturri bazterreko terraza batean. Esku artean erakusketarik ala liburu berririk ez duela, elkarrizketa zertaz izango den galdetu dio kazetariari, zehaztuz gainera argazki guti egiten duen bizi fase batean dela. Espazio... [+]