Etxeko langileen baldintzak hobetu ditu Espainiako legeak… baina ez denentzat
Urtetako injustiziaren ostean, gainerako langileen pareko eskubideak aitortzen zaizkie etxeko langileei Espainiako estatuan, joan den astean Kongresuak hala onartuta. Arazoa da etxeko langile asko atzerritik iritsiak direla, ez dutela paperik eta beraz ezin dituztela legez aitortutako eskubide horiek baliatu. Migrazio Legea aldatu ezean, lortutako eskubideak ez dira denentzat.
Etxeko langileen egoera arautu du Espainiako legeak: gizarte segurantzan sartu ditu, langabeziarako aukera dute eta kaleratzea arautu zaie, besteak beste. Esanguratsua ere bada, gainerako langileek dituzten eskubideak orain arte ez aitortu izana.
Kontua da, El Salton jaso dutenez, sektore honetan lan egiten duen emakume asko migratzaileak direla eta egoera irregularrean daudela –etxean interna ari direnen hamarretik bederatzi atzerritarrak dira Espainiako estatuan–. Migrazio Legearen arabera, gutxienez hiru urte erroldatuta egin behar ditu atzerritik datorren herritarrak, lan kontratu bat eskuratu ahal izateko. Alegia, legean lortutako eskubideak ezin dituztela baliatu, eta Migrazio Legeak berak esklabotza eta lan egoera zaurgarria bultzatzen dituela. Migrazio Legea aldatzea eskatu dute, etxeko langileen lan baldintzen duintzea benetan langile guztientzat izan dadin.
Sektoreko langileek gogoratu dute Migrazio Legeak ez duela bakarrik eskatzen hiru urtez erroldatuta egotea –eta beraz, kontratatu nahi izanda ere, ezin dituzte kontratatu–, horrez gain baldintza asko eskatzen zaizkie –gutxienez urtebeteko eta astean 40 orduko lan kontratua izatea, lurraldean sustraitze positiboa frogatzea, aurrekari penalik ez duela ziurtatzea…–.
Eskubideak, izan badituzte
Halere, paperik gabe dauden emakumeak kontratatu ezin badaitezke ere, emakume horiek pasaportea izateagatik eskubideak izan badituztela gogoratu dute El Salton, nahiz eta askotan emakumeek eurek ez dakiten hori hala dela. Adibidez, egoera irregularrean dauden eta etxeko lanetatik kaleratuak izan diren hainbat emakumek epaitegietan kaleratzeagatiko kalte-ordaina lortu dutela azpimarratzen du artikuluak.
Zerbitzu minimoek eragin handia izan dute Iruñerrian jaietan. Negoziazioan aritu dira, baina ez dute akordiorik erdietsi. Normaltasunez jardungo dute udan, eta irailean berrartuko dituzte lanuzteak.
Hainbat irregulartasun egitea egotzi dio Eusko Jaurlaritzaren Lan Ikuskaritzak: batetik, istripuei buruzko dokumentuak ezin direla bateratu, eta bestetik, istripuaren izaera lanekoa den ala ez erabakitzea ez dagokiola Amazoni.
Bilboko Bilboko Kontseilu Sozialistaren Laneko Autodefentsa Sareak BBK Live jaialdiko lan-baldintza prekarioak argitara atera nahi ditu, baira horien erantzuleak seinalatu. Horretarako, solasaldia antolatu du uztailaren 2an.
Sindikatuak adierazi du bi ospitale horietan behin-behinekotasunean daudela langile gehienak, eta ordezkapenak ez direla bermatzen; ondorioz, langileen lan-karga areagotzen dela. Gehitu du larrialdi zerbitzuetan “gainkarga” dagoela.
Ziburuko Euskal Liburu eta Diskoen Azokak 6. edizioa izango du aurtengoa. Ekainaren 7an egingo da, ohi bezala larunbatez, Baltsan elkarteak eta ARGIA komunikabideak antolatuta. Atarian, sorkuntzaren gibelean dagoenaz mintzatzeko, maiz bistaratua ez den baina zorionez geroz eta... [+]
Ikerketa urtarrilean abiatu zuen Ertzaintzak, biktimetako batek Gizarte Segurantzan laguntza eskatu ostean. Nahiz eta egunero hamar ordu baino gehiagoz lan egin "ez zuen nahikoa baliabiderik, ezta jateko ere". Ondorioz, zuntz optikoa instalatzen zuen enpresa bateko burua... [+]
ELA, LAB eta CGT sindikatuek ibilgailu elektrikoak egiteko elektrifikazio prozesuan instalatutako olagarro edo garraiatzaile berria kentzeko eskatu diote Nafarroako Volkswageni. Elkarretaratzea egin zuten ostegunean eta atzorako greba eguna deitu zuten lantokian: 13:15etatik... [+]
Institutuko giza baliabideak hobetzeko eskatu dute irakasleek, ikasleei kalitatezko arreta eman ahal izateko. Kartelekin eta pankartekin itxaron diete irakasleek lehendakariari. Jaurlaritzako ordezkariek ikastetxeko zuzendaritzari esan diote ez zutela "horrelakorik... [+]
Ostiral gauerdian atzeman zituen Ertzaintzak ustez langileak ilegalki zeramatzan bi furgoneta, Ertzaintzak uste du Europako beste herrialde batera bidean zirela, han lan egiteko. Atxilotutako gidarietako batek hamar pertsona zeramatzan furgonetan eta besteak 22.
Krisi egoeran idatzitako gogoetak eta lagungarri egin zaizkion tresnak jasotzen ditu Iratxe Etxebarria kazetariaren 7.300 miligramo eszitalopram liburuak.
CCOOk egindako azterketa batek agerian utzi du hezkuntzan, industrian, ostalaritzan eta merkataritzan ordu estren kopurua nabarmen altua dela, eta enpresek urteko 3.254 milioi euro bereganatzen dituztela ordaindu gabeko ordu gehigarriengatik.
Sumarrek PSOEri ezarritako marra gorrietako bat horixe zen, lanaldia jaistea. Hala ere, laguntzak ematea ez zen hasierako asmoetan sartzen.
LAB sindikatuaren kontaketaren arabera, dagoeneko 36 dira aurten Euskal Herrian lan-istripuz hildako langileak.
2019ean, Gorlizko emakume udaltzaingo batek tratu iraingarria eta sexu izaerako jokabide desegoki larriak sufritu zituela salatu zuen bere kidea zen gizonezko batengatik, eta, horren ondorioz, 2021an baja eskatu zuen. Orain, Bilboko Lan Arloko 2 zenbakiko epaitegiak ebatzi du... [+]
Irakaslea zara eta lanordutan nahiz lanorduz kanpo, berehala erantzun beharreko mezuz josten zaituzte ikasleek, haien gurasoek, ikastetxeko zuzendaritzak, lankideek? Deskonexio digitalaren beharraz gogoetatu dugu, Aitor Idigoras irakaslearekin: "Ateak ixten eta mugak... [+]