Etxegabetzeetara ohitu zaitezke, baina egon, badaude
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro -Nafarroako Foru Erkidegoko etxebizitza kontseilaria- ere ez da atzean geratu, adierazi baitu Nafarroako Gobernua etxegabetuak izateko arriskuan dauden pertsonak laguntzeko eta “haiekin batera borrokatzeko” (!) dagoela. Horrelakoak entzunda, batek baino gehiagok pentsa lezake etxegabetzeen oasi batean bizi garela, eta erakunde publikoek horiek konpontzeko bidean dihardutela.
Azken hilabeteotan Artikaberrin eta Burlatan etxegabetzearen egunean bertan lortutako garaipenak eraginkortasunaren adierazle dira, baina baita etxebizitza sindikatuen eguneroko lan isila ere
Errealitatea, ordea, oso bestelakoa da. Euskal Herriko Etxebizitza Sindikatu Sozialistak publiko egin duenez, uneotan 141 etxegabetzeri aurre egiten ari gara, hainbat modutan: bide judizialetik, alternatibak emateko presioa eginez edota legez kanpoko etxegabetze saiakerak eragotziz, besteak beste. Azken urteotan etxebizitza sindikatuek egindako lanarengatik ez balitz, arazo hau ia ikusezina izango litzateke gizartearen zati handi batentzat. Ekar dezagun gogora pandemia hasi zenetik zenbatetan esan duten “alderdi aurrerakoietako” ordezkariek etxegabetzeak debekatuta zeudela. Sindikatuon borrokak, baina, adierazpen horien atzeko errealitatea agerian utzi du, eta orain gutxi ausartzen dira horrelakoak lotsagabeki botatzera. “Gure esku dagoen guztia egiten ari gara”; hori da haien mantra -edo errealitatea estaltzeko manta- berria. Instituzioekiko independentea den borrokaren merituetako bat honetan datza, hain zuzen: normalizatu nahi duten hori desnormalizatzea. Hego Euskal Herrian, azken bost urteotan, bi egunetik behin bost etxegabetze exekutatu dira bide judizialetik, eta jakin badakigu datu ofizialek erakusten dizkigutenak baino gehiago direla egiatan etxegabetzeak.
Edonola ere, haien gezurrei estalkia erauztea ez da nahikoa. Antolakuntzak eta borrokak merezi dutela erakutsi behar dugu. Euskal Herriko Etxebizitza Sindikatu Sozialista osatzen duten tokian tokiko sindikatuen ibilbideak bide honen eraginkortasuna frogatu du hainbatetan. Azken hilabeteotan Artikaberrin eta Burlatan etxegabetzearen egunean bertan lortutako garaipenak horren adierazle dira, baina baita etxebizitza sindikatuen eguneroko lan isila ere, etxegabetze data iritsi baino lehenago hura gertatzea lortzen duena, edota etxejabeen legez kanpoko saiakerak zapuzten dituena. Politikari profesionalen erretorika faltsua gorabehera, antolakuntza independentea tartean egon ez balitz exekutatzen amaituko zuten hamarnaka etxegabetzez ari gara.
Azken batean, ondotxo dakigu konponbidea ez dela etorriko etxebizitzaren negozioa sustatzen duten enpresari eta politikarien eskutik. Etxegabetze guztien baldintzarik gabeko eta berehalako etetea da guk aldarrikatzen duguna, eta horretarako etxejabe handien poltsikoak atzamarkatu behar dira: tarteko neurriak ere negozioaren kontura hartu behar dira. Kontrakoa egitea sorgin-gurpilari etengabe bazka ematea da, sintomak nolabait arindu nahian gaixotasuna gizentzea, alegia. Apirilaren 5ean, bete ditzagun Donostiako kaleak etxebizitzaren negozioaren aurkako aldarriekin. Etxegabetzeak behin betiko deuseztatu nahi baditugu, negozioaren kontrako zentzuan ekin behar diogu ibilbideari. Ez dago lasterbiderik.
Euskal Herriko Etxebizitza Sindikatu Sozialista
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Beharbada ez duzu jakingo nor den Donald Berwick, edo zergaitik aipatzen dudan artikuluaren izenburuan. Gauza bera gertatzen zaie, agerikoa da, abian den Osasun Itunean parte hartzen ari diren gehienei. Ez dakite zer den Berwicken Helburu Hirukoitza, are gutxiago eredu hau... [+]
Aurreko egunetan Larraitz Ugarte abokatuak idatzitako La motosierra puede ser tentadora artikuluak zeresan handia eman du sektore zabal batean. Administrazio publikoaren barruan ohikoak diren egoera batzuk mahai gainean jartzen ditu, tartean efizientzia falta, ardura eta kontrol... [+]
Garrantzitsua al da hizkuntza bat zuzen erabiltzea? Zer puntutaraino da hain beharrezkoa gramatika menderatzea edo hiztegi zabal bat edukitzea? Betidanik entzun izan ohi dut hizkuntzaren garrantzia, baina pentsatzen jarri ostean, ondorio batera iritsi naiz. Pentsatzeak askotan... [+]
Aspaldian bisitatzen ez nuen eta hainbertze gustatzen zitzaidan leku batera joan nintzen aurrekoan. Bertan nengoela, gustura sentitu nintzen eta zera pentsatu nuen: hau da nire leku kuttuna. Kuttuna, kuttuna, kuttuna; hitza jira eta biraka etxerako bidean. Kuriositateak jota... [+]
Nerabeek eta gazteek, ibilbide akademikoan zehar, behin baino gehiagotan jasoko dute lagungarria izango zaien ikasketetarako edo-eta lanbiderako orientabidea. Gidaritza eskaini behar zaie, zalantzez beterik egon ohi baitira erabaki garrantzitsuak hartu behar dituzten bakoitzean,... [+]
Gure hizkuntzaren aurkako beste eraso bat jasan behar izan dugu Nafarroako Gobernuko Hezkuntza Departamentuaren eskutik; PAI programan euskararen aurkako aldaketa bat egitera behartu gaituzte. Azken urteotan, legeak hala aginduta, D ereduko ikastetxe berriek PAI programa sartu... [+]
Hezkuntza publikoko irakasleok hamabost urtetan berriztu gabeko lan-hitzarmena eguneratzeko eta hobetzeko beharra eta eskubidea dugu. Horretarako, benetako negoziazio batean murgilduta egon beharko genuke, baina errealitatea negargarria da. Negoziazio batean, alde oro ados... [+]
Badira bi aste beste behin makroproiektuei kaleetan oposizio argi bat erakutsi geniela. Milaka eta milaka pertsona atera ginen kalera dinamika suntsitzaile honek amaitu behar duela aldarrikatzera. Bada, dirudienez horrek ez du lurraren suntsiketaren aldeko politikarietan inolako... [+]
Duela aste batzuk, Diputazio kalean, Gasteizko erdigunean, bi gizonek etxerik gabeko pertsona bat bota zuten lo egiten zuen lokalaren kanpoaldeko eskailera-buru txikitik. Bota ez ezik, berehala metalezko baranda bat ere jarri zuten lonjaren aurrean. Lokala luzaroan hutsik egon... [+]
Hizkuntzakeriatik edo glotofobiatik eta, zer esanik ez, euskararen aurkako gorrototik, askotan ikusi izan dugu gure euskara makila guztien zahagi bihurturik. Azkena, Anton Arriola Kutxabankeko presidentea ibili zaigu makilakari lanetan gure hizkuntzari astindu eta makilakada... [+]
Ez dezazuela lotura hau Ezkiotik bilatu, ez eta Altsasutik ere, are gutxiago Ebro ibaia Castejonetik zeharkatuz. Euskal Yaren eta Nafarroako AHTaren arteko lotura, edo hobeto esanda, loturak, dagoeneko errealitate bat dira. Pluralean dauden lotura horiexek dira kezkatu beharko... [+]
Ez atera zalapartarik, ez konfrontatu, ez biktimizatu... eta obeditu. Subjektu zapaldu gisa, kasu honetan euskaldun gisa, mintzo gara, zenbatetan entzun behar izan ditugu halakoak? Ironiaz, honelaxe esan zuen, duela bi urte, Euskaltzale Independentiston Topaketan, Amets... [+]
Aurten "Israel Premier Tech" txirrindularitza talde israeldarra ez da Lizarraldeko Miguel Indurain Sari Nagusia lasterketara etorriko. Berri ona da hori Palestinaren askapenaren alde gaudenontzat eta munstro sionistarekin harreman oro etetea nahi dugunontzat, izan... [+]
Intsumituek denbora luzez egindako borroka gogorra eta mingarria izan zen, baina irabazi zuten, eta garaipen hura behin betikoa izango zela uste genuen, atzera bueltarik gabea. Baina badirudi, politikari batzuen ahotik aterata, eskalada militaristari gorazarre egin eta berriz... [+]
Punto Bobo liburuaren irakurketan murgilduta, Itxaso Martin Zapirain egilearen Eromena, Azpimemoria eta Isiltasunak Idazten ikerketa lanean sentitu nuen egiazkotasun eta maila etikoarekin egin dut berriz ere topo. Eta hortaz, hara bueltatu. “Oihu izateko jaio zen isiltasun... [+]