Salaketa jarriko du Ertzaintzaren tiro baten ondorioz barrabila galdu zuen gizonak
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Ez zaie amaiera hurbilik aurreikusten Etxarri II gaztetxearen desalojoak Errekalde (Bilbo) auzoan harrotutako hautsei: iragan asteko ostiralean hustu zuen espazioa Ertzaintzak, ertzainek han bildutakoen kontra egin ondoren. Bada, astebete geroago, protesta horietan barrabil bat galdu zuen Iker Aranak prentsaurrekoa eman du gaztetxearen aurrean, ertzainek egun horretan erabili zuten "neurrigabeko indarkeria" salatzeko.
"Foam bala batekin nahita zauritu ninduen ertzaina eta operatiboko arduradunak salatuko ditut", iragarri du Irala auzoko (Bilbo) bizilagunak, ehun lagun inguru atzean zituela. 33 urteko gizona jakitun da, ordea, auzibidea "luzea eta gogorra" izango dela, "estatuko instituzioek Polizia babesten" baitute: "Antzeko kasuetan ikusi bezala, gertaerak argitzea eta erantzuleak aurkitzea zailtzen dute".
Ertzaintzaren horrelako "erasoak ez normalizatzeko" helburuarekin, Aranak adierazi du ez duela isiltzeko asmorik. El Correo hedabidearen ere kontatu zuen gertatutakoa: "Aurrez aurre egin zidan tiro, barrabiletan apuntatuta, 30 metro baino gutxiagora. Bizilagun gehiagoren ondoan nengoen, besteak beste, adineko pertsonen ondoan, babes-seinale gisa, modu baketsuan eta istiluetan parte hartu gabe".
Lekukoaren adierazpenak
Aranarekin batera, Susana Ruiz de Tapia Errekaldeko bizilagunak ere hitza hartu du prentsaurrekoan. Ertzainak gizona zauritu zuen unearen lekuko gisa hitz egin du, eta bat agertu da zaurituak kontatutakoarekin: Ruiz de Tapiaren arabera, ez zuen inork espero ertzainek euren aurka joko zutenik, beren inguruan giroa "oso lasai" zegoelako eta ez zelako ezer gertatzen ari. Aranari barrabilera jaurtitakoaz gain, lekukoak azaldu du lekuan zegoen beste gizon bati izterrean eman ziola foam balak.
Bosgarren atxilotuaren berririk ez
Gedar hedabidearen arabera, gaztetxearen desalojoaren aurkako protestetan bost lagun atxilotu zituen Ertzainak: lau hurrengo egunean utzi zituzten aske, baina oraindik ez dago bosgarrenaren berririk. Gainera, hedabide berak jakinarazi zuen atxilotu bat ertzainen furgoiaren barnean "jipoitu" egin zutela, eskuburdinak jarrita zeuzkala eta "erabat babesgabe" zegoela.
Bilboko hooligan inbasioari buruz idatz nezakeen, baina herri txiki batean bizi naiz ni eta ez dut sufritu. Euskaraldiari buruz idatz nezakeen, eskerrak emateko euskarari bizkarra ez ematen lagundu gaituzuenoi, baina ez da hori gorputzak eskatzen didana.
Egunak daramatzat gai... [+]
2023ko abuztuan, Bilboko Kale Nagusian, saltzaile ibiltari baten defentsan Poliziari aurre egin zion emakumeari hiru urteko espetxe zigorra eskatzen dio udaltzain batek. Bideo batek Poliziaren kontakizuna ezbaian jartzen du.
Ertzain talde bat bi gazte jipoitzen ileapaindegi batean. Lokal barrura sartu dituzte, San Frantzisko kaleko segurtasun kamerek polizia gehiegikeriak filmatu ez ditzaten, baina seguruenik ez zuten espero negozio horrek ere segurtasun kamera zuenik. Bilboko Kontseilu... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Mariaren Bihotza plazan egingo dute elkarretaratzea, 18:30ean, ertzainek erasotako pertsonei elkartasuna adierazteko eta inpunitate polizialari ezetz esateko.
Poliziaren indarkeria erregistratzen ditu Donostiako Txago kolektiboak. Berriki 2024 urteko Karrikaratu txostena aurkeztu du, zeinean jasotzen diren Poliziaren indarkeria formak, estrategiak, ezaugarri nagusiak, edo jo puntuan dituzten herritarren tipologia. 156 esku hartze... [+]
Iazko abuztuan, Irundik gertu, ertzainek atxilotzean izan zuen bihotzekoa gizon batek. Eneko Valdésen heriotzaren ikerketan, Polizia errugabetu zuten.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".
"Amorru handiko eguna" dela adierazi du Zabarteren senar Noboak, emazteak epailearen aurrean deklaratu berritan. 2024ko martxoan jokatu zen Realaren partidu baten atarian zauritu zen foam jaurtigai batekin, eta Donostiako ospitaleko Zaintza Intentsiboko Unitatean... [+]
Azken astean ezagutarazi moduan, Eusko Jaurlaritzaren Balorazio Batzordeak txosten banatan aitortu ditu estatuaren biktima gisa. Justizia sailburuak ekitaldi pribatu banatan entregatu dizkie dokumentuak.
Rosa Zarra Ertzaintzaren pilotakada baten ondorioz hil zela da Eusko Jaurlaritzako Poliziaren Biktimen Balorazio Batzordeak atera duen ondorioa, Berria-k jakinarazi duenez. Orain arte, Ertzaintzak beti egin dio uko bertsio horri, eta Rosa Zarra berak zuen gaixotasunaren ondorioz... [+]
Lau agenteak lesio-delituengatik ikertzen ari dira eta horrek galarazten du 2024ko amnistia aplikatzea. Polizia horietako batek, ustez, gomazko bala batekin begi bat zartatu zion Roger Español kataluniarrari.
Ertzaintzak martxoaren 13an Bilbon zauritutako bi pertsonaren testigantza jaso ditugu. Athleticen partidaren ostean larriki zauritu zituzten aita-semeak, borra-kolpeka, eta atxilo eraman zuten haietako bat. Furgonetatik ikusi zuen ertzainek nola egin zuten tiro jendearen kontra,... [+]
2023an Zaballako espetxean euskal presoen alde egindako martxarengatik ezarri zizkieten isunak. Helegiteen ezeztapenaren aurrean epaitegietara joko dutela adierazi du antolakundeak, eta Poliziaren inpunitatea salatu du.
GALeko biktima talde batek eman du kereilaren nondik norakoen berri Bilbon egindako prentsaurrekoan, Egiari Zor fundazioak eta Giza Eskubideen Euskal Herriko Behatokiak lagunduta. GALen aurkako eta, zehazki, José Barrionuevoren aurkako kereila aurkeztuko dute.