Etxarri Aranazko Udalak sufrimenduaren mapa aurkeztu du
Sufrimentuaren mapa Etxarri Aranatzen dokumentua aurkeztu du udalak gaur. Eneka Maiz Ulaiarrek azaldu duenez, "herri txikian, sufrimendu handia" izan da. Horretaz, "asko hitz egin da, baina ez da ikertu". Aurkeztu duten dokumentua "lan tresna bat izan nahi du".
aurre egingo dieten hedabide independenteak
Alkateak zehaztu duenez, "Hasierako hurbilketa bat da, Osatu, garatu eta zuzendu beharko dena". Horretan laguntzeko deia egin die etxarriarrei. Herritarrei eta eragileei "iragana aztertuta" elkarbizitzarako espazioak sortzeko deia egin die udalak.
Bestetik, jakinarazi dute gaur jendaurrean aurkeztutako dokumentua herritarrendako antolatutako batzarrean aurkeztuko duela Euskal Memoriako Iñaki Egaña ikerlariak. Batzar hori hilaren 30ean, heldu den asteartean, 18:30ean izanen da.
Datuak
Gerra Zibilekoak
17 etxarriar hilak. Tartean Felix Lopez Sanchez alkate izandakoa.
4 Errepublikaren aldeko borrokan hilak.
4 Etxarrin, Lizarrustin, fusilatutako ordiziarrak.
4 Etxarrin, Haritzalkon, fusilatutako sakandarrak.
17 Preso egondako etxarriarrak.
12 Depuratuak.
1 Errepublikazaleek hildakoak. Umea, Iruñeko bonbardaketa batean hila.
225 Ejercito Nacionalean borrokatu zutenak.
24 Ejercito Nacionalean borrokatu eta hil ziren etxarriarrak.
Gerrostea
7 Erbesteratuak edo errefuxiatu eremuetan izandakoak.
5 Kartzeleratuak.
1966-2015
1 Torturatu ondoren bere buruaz bestew egin zuena.
6 Tribunal de Orden Publico auzitegian epaitutako etxarriarrak. 5 kartzelara zigortu zituzten.
5 Hildako, ejerzitoak Andian utzitako lehergailuak txatarrerako jaso eta lehertzean.
1 ETAk hildakoa: Jesus Ulaiar alkate ohia.
3 ETAko kide hilak.
8 Segurtasun indarrek zaurituak.
9 Gerra zikin ekintza.
64 Atxilotu eta epaitu. (Salatutako torturak ez dira ikertu)
11 Erbesteratu.
19 Kale borroka ekintza.
Proiektuari buruzko Informazio guztia "Azken 80 urteetako sufrimendua jasotzera" artikuluan jaso zuten.
Artikulu hau Guaixek argitaratu du eta Creative Commons lizentziari esker ekarri dugu.
Durangoko Ernaik salatu du Txiki eta Otaegiren muralaren kontrako erasoa. Ostegun arratsaldean murala berregiteko dei egin dute.
Iñigo Urkullu lehendakari ohiak adierazi du Txiki eta Otaegi Eusko Jaurlaritzak aitortutako biktimak direla, eta hala "errespetua" merezi dutela. Haien biktima izaera ezin dela zalantzan jarri azpimarratu du.
Aurten Txiki eta Otaegi fusilatu zituztela 50 urteko beteko direnean, Alonsok adierazi du ETAko bi kideek ez zutela nahi Franco osteko gizarte demokratiko bat: "Diktaduraren aurka borrokatzen ziren, baina diktadurak erabilitako tresna berberekin".
Erresuma Batuko gobernuak proposatu du delituak dituzten migratzaileak berehalakotasunez deportatzea, ekainean onartutako legearen bide beretik. Lege horrek baimentzen du sententzien %30 beteta dutenak deportatzea; igandeko proposamenarekin ez dute zigorrik bete beharko... [+]
Txiki eta Otaegiren fusilamenduen 50. urteurrenaren harira jarritako olana kendu du Zarauzko Udalak. Sortuk salatu du udalak, EAJ eta PSE-EEk osatuta, "zaborra izango balitz bezala" tratatu zuela olana. Zenbait herritarrek berreskuratu eta Azken Portuko plazan ireki dute.
Marijo Louis paristarra da sortzez, 1977an heldu zen Miarritzera Euskal Herriko borrokek erakarrita. Josetxo Otegi zizurkildarrak 1983an pasa zuen muga Gipuzkoatik Lapurdira, Poliziatik ihesi. AEK-ko irakasle eta ikasle zirela ezagutu zuten elkar. 1986an, GALen atentatuen,... [+]
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Ibilbideen serie honetako ezberdinena dirudike Baiona Ttipiak, bere antzinako eraikinei beha jarriz gero: ez blokerik, ez adreilurik, ez maldarik.... herrixkatxo lasai bat da. Aitzitik, Errobi ondoko auzo honen historian barrena eginez gero, konturatuko gara borroka politiko... [+]
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
"Euskal Herriaren jazarpena elikatzen du Euskal Herriaren bakearen bidean egindako akordiotzat saldu duten honek", adierazi dute larunbatean Arrasaten eginiko prentsa agerraldian.
Astelehenean, 40 urte beteko dira Joseba Sarrionandia eta Iñaki Pikabea presoek Martuteneko kartzelatik ihes egitea lortu zutenetik. Egiako pisu batean izan ziren ezkutaturik bi iheslariak, eta oraindik milaka eztarrik abesten dute «kristoren martxa dabil!».
GALek Baionako Monbar hotelean egindako atentatuaren urteurrenaren datatik gertu antolatu dute ekimena dozenaka herritarrek. Helburua "egia aldarrikatu, memoria landu eta GALen gerra zikinaren biktimak aitortzea" da, eta irailerako egitaraua aurkeztu dute.