ARGIA.eus

2020ko urriaren 25a

Etxarri Aranazko Udalak sufrimenduaren mapa aurkeztu du

  • Sufrimentuaren mapa Etxarri Aranatzen dokumentua aurkeztu du udalak gaur. Eneka Maiz Ulaiarrek azaldu duenez, "herri txikian, sufrimendu handia" izan da. Horretaz, "asko hitz egin da, baina ez da ikertu". Aurkeztu duten dokumentua "lan tresna bat izan nahi du".

Guaixe .eus @guaixe
2018ko urtarrilaren 23a
Bego˝a Goikoetxea, Aritz Ikobaltzeta, Eneka Maiz (alkatea), Alazne Juaniz eta MAria Saez de Albeniz zinegoztiak. Argazkia: Guaixe

Alkateak zehaztu duenez, "Hasierako hurbilketa bat da, Osatu, garatu eta zuzendu beharko dena". Horretan laguntzeko deia egin die etxarriarrei. Herritarrei eta eragileei "iragana aztertuta" elkarbizitzarako espazioak sortzeko deia egin die udalak.

Bestetik, jakinarazi dute gaur jendaurrean aurkeztutako dokumentua herritarrendako antolatutako batzarrean aurkeztuko duela Euskal Memoriako Iñaki Egaña ikerlariak. Batzar hori hilaren 30ean, heldu den asteartean, 18:30ean izanen da.

Datuak

Gerra Zibilekoak

17 etxarriar hilak. Tartean Felix Lopez Sanchez alkate izandakoa.

4 Errepublikaren aldeko borrokan hilak.

4 Etxarrin, Lizarrustin, fusilatutako ordiziarrak.

4 Etxarrin, Haritzalkon, fusilatutako sakandarrak.

17 Preso egondako etxarriarrak.

12 Depuratuak.

1 Errepublikazaleek hildakoak. Umea, Iruñeko bonbardaketa batean hila.

225 Ejercito Nacionalean borrokatu zutenak.

24 Ejercito Nacionalean borrokatu eta hil ziren etxarriarrak.

Gerrostea

7 Erbesteratuak edo errefuxiatu eremuetan izandakoak.

5 Kartzeleratuak.

1966-2015

1 Torturatu ondoren bere buruaz bestew egin zuena.

6 Tribunal de Orden Publico auzitegian epaitutako etxarriarrak. 5 kartzelara zigortu zituzten.

5 Hildako, ejerzitoak Andian utzitako lehergailuak txatarrerako jaso eta lehertzean.

1 ETAk hildakoa: Jesus Ulaiar alkate ohia.

3 ETAko kide hilak.

8 Segurtasun indarrek zaurituak.

9 Gerra zikin ekintza.

64 Atxilotu eta epaitu. (Salatutako torturak ez dira ikertu)

11 Erbesteratu.

19 Kale borroka ekintza.

Proiektuari buruzko Informazio guztia "Azken 80 urteetako sufrimendua jasotzera" artikuluan jaso zuten.

Artikulu hau Guaixek argitaratu du eta Creative Commons lizentziari esker ekarri dugu.


Euskal gatazka kanaletik interesatuko zaizu...


Azkenak
EGILEA
Argia buletina
Egunaren laburpena
zure e-postan
Eguneraketa berriak daude