Gasteizko udalaren autobus zerbitzuko gidari batek bi emakumeri irain arrazistak zuzendu zizkien larunbatean. Tuvisak informazio-espedientea ireki dio langileari, eta udalak ikerketa abiatu du.
Herritar batek zabaldu du gertatutakoaren bideoa Instagramen. Bi emakumeren eta gidariaren ahotsak entzuten dira. Emakumeek azalpenak eskatzen dizkiote esanez ez dela geralekuan gelditu beraiek hartzeko. Gizonezko gidariak hainbat irain zuzentzen dizkie, horietako batzuk arrazistak: “Lotsagabeak”, “etorri zareten tokian geratu behar zenuten”, “gizatxarrak”, “ea medizinetan gastatzen duzuen duzuen diru guztia”.
Hau da Instagramen salaketa egin duen herritarraren kontakizuna: “Gaur, autobus gidari rastadun espainiar batek bi emakume beltz diskriminatu ditu Salburuako 5. linean. Autobusa gelditzeko zain zeuden, baina gidariak ez zien jaramonik egin. Handik gutxira, semaforoa gorri zegoelako geratu zen autobusa. Beraz, bi emakumeak autobuserantz joan ziren korrika, bidaiatu ahal izateko. Autobusera sartzean, eskua igo zutenean gelditu ez zelako galdetu zioten. Gizonak erantzun zien ez zutela eskua jaso eta irainka hasi zitzaien, lotsarik gabe, 'lotsagabeak, putakumeak'... Gidaria emakumeetako batengana hurbildu zen eta oihu egin zion”.
Hainbat herritarri suzko arma batekin tiro egin ostean bi pertsona zauritu zituzten udaltzainek, horietako bat larri, pasa den martxoaren 21ean, Barakaldon. Tirokatuak kalean bizi ziren magrebtar jatorrikoak izatea ez dela kasualitatea dio 77 elkartek sinaturiko adierazpenak:... [+]
Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]
Arrazakeria, diskriminazioa eta islamofobia salatu ditu langileak, eta Iruñeko Lan Ikuskaritzaren aurrean elkarretaratzea egin dute, SOS Arrazakeriak eta LAB sindikatuak deituta. Ikuskaritzak salaketa itxi du, eta onartu egin du Misericordia enpresaren argudiaketa, dioena... [+]
Donostiako Egia auzoan, azken hilabeteetan, bizilagunen artean segurtasunaren inguruko kezka handitu da, eta “beldur eta urduritasunak duen garrantzia aitortu eta sentimendu horiei lekua” egin behar zaiela aldarrikatu dute.