Etorkinei begira diren "indarkeriekin" bukatzeko eskaera luzatu dio Nazioarteko Migrazio Erakundeak EBri

  • Europako mugetan, etorkinek jasandako "egoera justifika ezinarekin" bukatzeko neurriak hartzea eskatu die nazioarteko egiturak Europar Batasuneko estatuei.


2021eko otsailaren 11n - 11:02
Bosnia eta Kroaziaren arteko muga, negu honetan (Argazkia: Medecin du Monde)

Europar Batasuneko itsasoko zein lurreko mugetan migratzaileen kontrako indarkeria erabiltzen da. Hala dio IOM Nazioarteko Migrazio Erakundeak eta horrekin bukatzeko deia luzatu die Europar Batasuneko estatuei. Egoera "justifikaezin" honen kontrako neurriak hartzea eskatu die nazioarteko egiturak.

Plazaraturiko agirian ohartarazten duenez "giza eskubideen urraketak" gertatzen dira muga hauetan, hauen "basakeria" heina begi-bistakoa delarik: "Zibilen aurkako indarkeria eta indarraren gehiegizko erabilera justifika ezina da" Eugenio Ambrosi IOMren ordezkariaren hitzetan.

Kanporaketa kolektiboak ez dira legalak

Mugetan bideraturiko kanporaketa kolektiboak "legez debekatuta" direla oroitarazten die IOMk, eta egoera ikusirik, migrazio eta asilo politikak "hobetzeko" beharra azpimarratzen die Ambrosik. Zentzu horretara, Europako  Batzordeak Migrazioari eta Asiloari buruzko Itun berrian aurkeztu proposamena "begi onez" ikusten duela ere ohartarazten die. Honen arabera, Europar Batasuneko estatu kideek mugak zaintzeko "mekanismo independente" bat ezarri behar lukete, Europar Batasuneko Oinarrizko Eskubideen Agentziarekin lankidetza estuan, eta hori "Europako eta nazioarteko betebeharrak eta legeak errespetatzeko gisan".

Ipar eta Hego Euskal Herriaren arteko hainbat errepide hetsirik ditu Frantziako Poliziak urtarrilaren erditsuaz geroztik. Irun eta Baiona arteko etapa honi begira jarri gara "Bidean geroz eta traba gehiago dituztela, kosta ahala kosta, aitzina doaz etorkinak" erreportajean.


Kanal honetatik interesatuko zaizu: Migrazioa
Migratzaileei sarrera gogortzeko ituna onartu du Europako Parlamentuak

Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]


Pertsona migratuentzako ekintzailetza kooperatiboa, bizi-proiektuak hobetzeko tresna bat

Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]


2024-04-10 | ARGIA
Migratzaileei laguntzeagatik gutxienez 117 pertsona auzitara eraman dituzte Europan 2023an

Pertsona migratzaileak laguntzea kriminalizatzen duten politikak nagusi dira Europar Batasunean, eta hori egiteagatik auzitara eraman dituzten pertsonen kopuruak errekor berria ezarri du 2023an: gutxienez 117.


Polizia operazio "arrazista" Donostian: 29 lagun eraman ditu Poliziak identifikatzeko

Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]


Eguneraketa berriak daude