Nazioarteko Egiaztatze Batzordeak adierazpen baten bidez jakinarazi du ETAren txostenak jaso dituela. Erakundeak bere armak zigilatzen jarraitzen duela baieztatu dute eta ez duela beste “hilketa, atentatu, mehatxu eta estortsiorik egin”.
Naizek jaso duenez, Egiaztatze Batzordeak bere hiru urteko ibilbidea berrikusi du adierazpenean, 2011ko irailean sortu zenetik gaur arte.
ETAren su-eten iraunkorra eta armagabetzea egiaztatzeko sortu zen batzordea, eta orain arte “ETAk hartutako konpromisoak bete” egin dituela baieztatu dute.
2014ko urtarrilean ziurtatu zuten ETAk zenbait arma, munizio eta leherkari zigilatu dituela dagoeneko.
Batzordeko egiaztatzaileak dira Ronnie Kasrils Hego Afrikako Defentsa ministro ordea, Chris Maccabe Ipar Irlandako Espetxe Erregimen burua, Fleur Ravensbergen Dialogue Advisory Group-eko zuzendari ordea, eta Ram Manikkalingam, Amsterdamgo Unibertsitateko irakaslea, besteak beste.
Ahaleginak indartzea
Adierazpenean diotenez, “indarkeriaren amaiera lortzeko ahaleginak indartzea da Nazioarteko Egiaztatze Batzordearen nahia”. Horretarako lanean jarraituko dutela jakinarazi dute, Euskal Herriko eragile politiko eta sozialekin elkarlanean, “prozesua lehenbailehen amaitu dadin”.
Txetx Etxeberrik eta Beatrice Mollek ETAren armagabetzearen auzian egindako lana epaituko dute Parisen, apirilaren 2an eta 3an. Mobilizazioak deitu dituzte Euskal Herriko zapi hiriburuetan apirilaren 3rako.
Apirilaren 2an eta 3an iraganen da Beatrice Molle-Haran eta Txetx Jean-Noël Etcheverryren aurkako auzia Parisen, 2016ko abenduaren 16an Luhuson buruturiko ETAren armagabetze zibilaren harira. Errugabetzea eskatzeko kanpainaren baitan izenpedura bilketa abiatu dute. Lehen... [+]
Dei Auzitegiak bat egin du ekainean Parisko Zigor auzitegiak hartutako erabakiarekin eta kartzelara itzuli beharko du iruindarrak, baina oraingoz prokuradoreak ez du data jakin bat finkatu.
Josu Urrutikoetxearen aurka bi auzi iragan behar dira aste huntan Pariseko auzitegi korrekzionalean. Biak ere ETA talde armatuko kide izateagatik dira, baina mementu desberdinetan.
Bost urteko espetxe zigorra jarri dio astearte honetan Parisko Auzitegi Korrekzionalak Mikel Barrios Iruñeko preso ohiari. Datorren astelehenean sartu beharko da berriro kartzelan.