Estaturik gabeko herriak, Podemosen gorakadaren hauspoa

  • Podemosek eta bere inguruan sortutako hautagaitza zabalek oso emaitza onak izan dituzte Espainiako Estatu osoan. Oso adierazgarria da Pablo Iglesias buru duen alderdiak lortutako eserlekuen erdia baino gehiago –66tik 36– Herrialde Katalanetan, Hego Euskal Herrian eta Galizian eskuratu izana.

Ada Colau Bartzelonako alkatetzara eroan zuen hautagaitza ereduak arrakasta izan du Espainiako Kongrsurako hauteskundeetan ere.

2015eko abenduaren 21an - 13:12

Bigarren lotu da Podemos PPren ohiko gotorlekuetan: Madril, Kanariak, Valentzia, Galizia –BNG ordezkaritzarik gabe utziz– eta Balear uharteetan. Garaile izan da independentismoaren gune nagusietan: Euskal Herria eta Katalunia. Horretan eragin handia izan du Valentziako, Kataluniako, Galiziako hautagaitza zabalen formulak, baita beste hein batean Nafarroako senaturako sortutako Aldaketak ere. Podemosekin lotura zuzena badute ere, denek ez dituzte interes berdin-berdinak. Adibidez, ez dira konparagarriak José Julio Rodríguez NATOko jeneral ohia –Zaragozako Podemosen ordezkatzen duena–, profil ezkertiar argia duen Valentziako Monica Oltra edo A Coruñako alkate Xulio Ferreiro. Estatuarekiko baino lurraldearen egoera espezifikoarekiko askoz lotura handiagoa dute hautagaitza horie, baita gizarte sektore zabalagoa bildu ere. En Mareak, En Comúk eta Compromísek Kongresuan talde propioak osatzeko aukera printzipioz lagungarria izan daiteke Estatu mailako joerek tokian tokikoa estali ez dezaten.

Katalunian gertatutakoa oso aipagarria da. Prozesu independentistak Kataluniako Principateko ohiko panorama politikoa hankaz gora jarri du. Estatuko alderdi guztiak eta herritar andana hango emaitzei begira izan dira eta ikusgarria izan da aldaketa: Artur Masen alderdia, ia 400.000 boz galduta, laugarren indarra izatera pasa da, ERC independentismoaren lehen indarra bilakatu da 350.000 boto gehiago bilduz, eta Ciudadanosen sorterriak berak bosgarren postuan utzi du Albert Rivera. Irabazlea, alde handiz, En Comú Podem koalizioa izan da, bigarrena oso atzean utzita, 927.000 bozek 78ko erregimena historia dela berretsi eta aldaketa ozen aldarrikatu dute. Ukitzen duen oro arrakastatsu bilakatzen jarraitzen du Ada Colauk –Bartzelonak eta bere inguruko Gerriko Gorrian jasotako boz andanak eman dio erabateko garaipena–.  Erabakitzeko eskubidea aldarrikatzetik erabakitzera pasa nahi du independentismoak, eta bide horretan arrakastarik izango badute En Comú Podemen oinarriak oso kontuan izan beharko dituzte. Hauteskundeetako emaitzek marraztutako gehiengo berriaren begietara Artur Mas pribatizazioen, kasta katalanaren eta ustelkeriaren aurpegi nagusia da. Beraz, independentismora sektore berriak gehitzeko Mas buru ezartzea egun lagungarria baino oztopo dela diotenak ulertzeko argigarriak dira datu hauek. Korapiloa zein norabidetan askatuko duten laster jakingo du, 27tik aurrera ziurrenik.


Kanal honetatik interesatuko zaizu: Espainiako hauteskunde orokorrak 2015
Rajoyren inbestiduraren aurka manifestazioa deitu dute Madrilen, "Mafiaren kolpea" salatzeko

Mariano Rajoyren inbestiduraren aurka, larunbatean manifestaziora deitu du 25-S erakundeak. Rajoy presidente bihurtuko duen inbestidura saioarekin batera abiatuko da. “Mafiaren kolpearen aurrean, demokrazia” leloarekin abiatuko da.


2016-08-31 | Unai Brea
Rajoyri ezezkoa inbestidura saioko lehen bozketan

Espero zenez, Mariano Rajoy PPko hautagaiak ez du lortu Espainiako presidente izateko behar adina babes inbestidura saioko lehen bozketan. Baiezko 170 boto jaso ditu jarduneko presidenteak, eta 180 ezezko. Ez da abstentziorik izan.


Urkullu: "EH Bildu kontziente zen egoeraz. Ez dut ikusi hautagaitzarik erretiratu duenik"

Lehendakariak “oportunismoa” egotzi dio EH Bilduri Eusko Jaurlaritzaren ikasturte berriko lehen kontseilu bileraren ostean. Espainiako Gobernuari, abertzaleak mespretxatzea.


Espainiar eskuinaren hegemonia

Hauteskunde biharamuneko ARGIAren azal honek eskaintzen zuen irudia ez zen txantxetakoa. Hori da Mariano Rajoyren ahotan entzungo den diskurtsoa, Espainia urdinarena. Tribunatik Espainiako eskuinaren nagusitasun ia erabatekoa barreiatuko da.


Rajoyren inbestidura saioa: Ciudadanosen ultimatuma, Pastorren jokaldia eta eguberriak

Datozen 48 orduetan PPk bere eskaerak betetzen ez baditu, inbestidura saioan baiezkoa emateko negoziaketak bertan behera utziko ditu Ciudadanosek.


Eguneraketa berriak daude