Antxeta irratiak bizikidetza sustatzeko jardunaldiak antolatu ditu Bidasoa bailaran otsailaren 5ean, 12an eta 19an. Lehenengo egunean Guardia Zibilaren, talde paramilitarren eta ETAren biktimak eta haien senideak elkartuko ditu.
“Euskal Herrian pairatu diren bortizkeria asko bizi izan du gure eskualdeak eta Antxeta irratiak ekarpen bat egin nahi dio bizikidetzari”, esan dute Antxeta irratiko ordezkariek.
Belen Zabalak eta Fermin Urtizberak Espainiako Estatuaren indarkeria jasan dute. Belen Zabala, Guardia Zibilak 1976an hildako Josu Zabalaren iloba da; Fermin Urtizbera GANEk (Grupo Antiterrorista Nacional Español) bahitu zuen 1988.urtean, hiru egunez eduki zuten bahitu eta tortura gogorrak jasan zituela salatu zuen.
Cristina Sagarzazu eta Jose Miguel Gomez Elosegi berriz, ETAren biktimak dira. Sagarzazu, Montxo Doral ertzainaren alarguna da, ETAk erail zuen 1996an; Jose Miguel Gomez Elosegui, Martutene espetxeko psikologo zenaren anaia da, 1997an hil zuen ETAk.
Otsailaren 12an eta 19an, hitza hartuko dute besteak beste, preso eta iheslari politikoek, abokatuek, eta Bidasoa bailarako zenbait herritako alkateek.
Antxeta irratiak Lokarriren laguntzaz antolatu ditu jardunaldiak. Egitarauari buruzko xehetasunak Antxeta irratiaren webgunean ikusgai.
ETAren armagabetzea bideratzeko, bakegileekin lankidetzan aritu ziren Frantziako autoritateak. Hala adierazi du Matthias Fekl Barne ministro ohiak asteartean, Parisko Zigor Auzitegiko 16. ganberan, Beatrice Molle-Haran eta Jean-Noël Txetx Etcheverry-ren aurka egiten ari... [+]
ETAren armak eta lehergaiak garraiatzea leporatzen diete Beatrice Molle-Haran eta Jean-Noël Etcheverry 'Txetx’ bakegileei, 2016ko Luhusoko operazioaren harira. ETAren armagabetzea gauzatzen ari ziren. Egindakoaz harro dagoela eta berriz ere egingo lukeela adierazi... [+]
Xabier Atristain eta Juan Manuel Inziarte euskal presoak Martuteneko espetxera itzuli ziren joan den martxoaren 13an, Auzitegi Nazionaleko Espetxe Zaintzak haien hirugarren graduei fiskaltzak jarritako helegitea onartu ondoren.
Otsailaren 2an epaituko dituzte beste hamaika bakegile, uztailaren 23an autopista blokeatzeagatik. Elkarretaratzera deitu du Bake Bideak, datorren ostegunean 13:00tan jarriz hitzordua Baionako auzitegi aitzinean.
Etxera bidea gertu lelopean manifestazio bateratua egingo dute Sarek eta Bake Bidea-Bakegileek, pandemiagatik bi urtez mobilizazio jendetsu hori egin gabe egon ostean. “Duintasuna eta bizikidetza lortzeko itxaropena” ere izango dituzte aldarri, euskal presoen... [+]