Honela infiltratzen da polizia Kataluniako gune autogestionatuetan
Quim Gimeno ekintzaile kataluniarra poliziaren konfidente izan dadin bereganatzen saiatu dira “estatu segurtasunerako” bi ordezkari; konpentsazio ekonomikoa eta Espainiako Auzitegi Nazionalean irekia duen prozesuan laguntzea eskaini diote ordainetan. La Directa-k eman du kasuaren berri.
aurre egingo dieten hedabide independenteak
Beren burua "estatu segurtasunerako" ordezkaritzat aurkeztu zuten D.S.G.-k eta T.M.-k –abizenei dagozkie bigarrenaren inizialak– Gimenorengana jo zuten Bartzelonako gizarte eragileen inguruko informazioa eskuratu nahian. Informazio zehatza eskatzen zuten: izenak, eragileetan dituzten ardurak, helbideak… Ekintzaileak azaldu duenez, “bere profileko jendearen beharra” zutela eman zioten aditzera. Azken hiru hilabeteetan lau bider batzartu dira.
Konpentsazio ekonomikoa eskaini zioten. “Informazioaren truke dirua emango zidatela esan zidaten, Mónica eta Francisco anarkista txiletarrei aipamen berezia eginez”, dio Gimenok. “Ordain ekonomikoa finkoa izango da hasieran eta eskaintzen diguzun informazioa garrantzizkoa bada, hobetu egingo dugu. Hasteko 200 edo 250 euro emango dizugu”, azaldu zidaten.
Irekia duen prozesu judizialean eskua sartzeko aukera ere aitortu zioten Gimenori: “Fiskala funtzionario puta bat da, errespetuz esanda, hierarkizatua, bere nagusiekin, gobernuaren gain dagoena, gobernuaren administrazio zentralaren gain kasu honetan. Fiskal batekin hitz egin daiteke, baina epaile batekin ez”.
Eskuadra Mossoek urriaren 28an atxilotu zuten Quim Gimeno, “helburu terroristak zituen antolakunde kriminal” bateko kide izatea egotzita. Pandora bataiatu zuten polizia operazioa.
Ustezko kazetaria
Estatu segurtasunerako ordezkariek urtarrilaren 15ean hasi zuten Bartzelonako ekintzailea bereganatzeko saiakera, zigortuta dauden anarkistak omentzeko elkartasun jardunaldietan. Gimenok mahainguru batean hartu zuen esku, Pandora operazioko auzipetu gisa. Berbaldia amaitzean, EFE agentziako kazetari bezala aurkeztu zitzaion D.S.G. Estatu segurtasunerako ordezkaria. Bere egoera ezagutu nahi zuela esan eta hitzordua proposatu zion Gimenori. Kasua ikertzean, La Directa-ko kazetariek egiaztatu dute D.S.G. ez dela EFEko langilea.
D.S.G. Gimenoren egoera pertsonalaz hitz egiten hasi bazen ere, galderen norabidea aldatu zuela adierazi du ekintzaileak: “Bartzelonan indarkeria darabilen militanterik zegoen galdetu zidan eta ea horrek harremanik zuen nire eginbeharrarekin… Nire alde jartzen saiatzen zen uneoro”.
“Horrek guztiak Estatuarekin zerikusia zuela jakin nuenean, publiko egitea erabaki nuen. Egoerari aurre egiteaz aparte, nire epaiketan eta bizi dugun errepresio egoeraren aurrean tresna politikoa izan daiteke”, azaldu du Gimenok.
Horietako hitzordu batean izandako solasaldiaren parte bat argitaratu du La Directa-k:
Poliziaren indarkeria erregistratzen ditu Donostiako Txago kolektiboak. Berriki 2024 urteko Karrikaratu txostena aurkeztu du, zeinean jasotzen diren Poliziaren indarkeria formak, estrategiak, ezaugarri nagusiak, edo jo puntuan dituzten herritarren tipologia. 156 esku hartze... [+]
2002az geroztik Espainiako Estatuko hainbat kolektibotan infiltratutako hamabi poliziaren berri eman dute La Directa eta El Salto agerkariek. Nieves López izen faltsua baliatzen zuen Espainiako poliziaren kasua da publiko egin duten azkena. El Salto-k argitaratu duenez,... [+]
Directa hedabideak ikertu eta argitaratu du poliziaren infiltrazioa. 2019ko irailean hurbildu zen lehen aldiz Lleidako Ateneu Cooperatiu taldera, Joan Llobet García izenpean, eta 2021eko azaroan utzi zuen militantzia, Bartzelonan lana aurkitu zuela eta amonaren... [+]
350 poliziako "Force Frontière" dispositiboa baliatu dute Gipuzkoako eta Lapurdiko mugetan migratzaileen kontra egiteko martxoaren 26 eta 27an. Aurrez "terrorismo islamistaren" aurka egiteko aitzakiaz erabiltzen zituzten dispositiboak, orain "migrazio... [+]
Lau agenteak lesio-delituengatik ikertzen ari dira eta horrek galarazten du 2024ko amnistia aplikatzea. Polizia horietako batek, ustez, gomazko bala batekin begi bat zartatu zion Roger Español kataluniarrari.
Oraingoz Nafarroan, 53 izango dira estatuaren biktima aitortuak eta horietatik 27 torturaren biktimak. Floren Beraza, Txaro Buñuel, Cecilio Ruiz, Patricia Perales eta Izaskun Juarez dira aitortutako torturatu berriak.
Directa hedabidearen ikerketa batek ondorioztatu du 2018. eta 2020. urteen artean murgildu zela Kataluniako Palestinaren aldeko eta ezker independentistaren mugimenduetan, "Belén Hammad" izenaren pean. Nortasun agiri faltsu batekin Kataluniako Gobernuak... [+]
"Polizia hila, baratzerako ongarririk onena" idatzi zuen atxilotuak sare sozialetan, eta lau milioi jarraitzaile baino gehiago ditu bere profilak, Guardia Zibilak azaldu duenez.
Polizia agenteek nortasun faltsuen pean gizarte-mugimenduetan egindako infiltrazioak Espainiako Konstituzio Auzitegira iritsiko dira. Irídia-Centre per la Defensa dels Drets Humans erakundeak, infiltrazio horiek kaltetutakoen Acció Contra l 'Espionatge d'... [+]
Europar Batasunean hamahiru herrialdek eman dituzte Poliziak egindako erailketei buruzko datuak, eta podiumean daude Frantziako eta Espainiako estatuak.
Xabier Kalparsoro eta Gurutze Iantzi Espainiako polizien eta guardia zibilen eskuetan hil zituztela 31 urte igaro direnean, Egiari Zor fundazioak ekitaldia egin du Urnietan. Eusko Jaurlaritzari eskatu dio berriz ere ireki dezala epe bat estatuaren biktimak aitortzeko eskaerak... [+]
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
Espainiako Poliziaren sindikatu nagusiarekin egindako akordio baten arabera, eskuin muturreko taldeak "defentsa pertsonaleko formakuntza" eskainiko die 30.000 agenteri.
1984ko urriaren 23an ETAren garaian Espainiako Barne Ministerioak onartutako aginduan, “arriskugarritasun eta nekagarritasun” kontzeptuengatik “ordainsari” bat zehaztu zuten Espainiako Polizia Nazional eta Guardia Zibilarentzat, “eremu... [+]
German Rodriguez eta Joseba Barandiaran omendu, eta langile mugimenduaren alde egindako lana txalotu dute Iruñean. Palestinari ere elkartasuna adierazi diote, sanferminetan urteroko zitan Iruñean.