2015 eta 2022 artean, gutxienez 162 lagun erail zituen Espainiako Poliziak
Europar Batasunean hamahiru herrialdek eman dituzte Poliziak egindako erailketei buruzko datuak, eta podiumean daude Frantziako eta Espainiako estatuak.
Espainiako Barne Ministerioak hainbat datu eman ditu polizia-indarren eskuetan bizia galdu duten pertsonei buruz; alegia, Poliziaren esku-hartzeetan edo Poliziak atxilo zituztenean hil direnei buruz. Datu horien arabera, 2015. eta 2022. urteen artean, gutxienez 162 lagun erail zituzten polizia-indarrek (2023an, gutxienez hamazazpi izan ziren). Dena den, zenbaketa horretan ez dituzte kontuan izan 2022ko ekainean Melillako hesian eraildako pertsona migratzaileak.
162 heriotza horiek Espainiako Poliziak, Guardia Zibilak, Ertzaintzak eta Mossos d'Esquadrak eragindakoak dira. Beraz, tokian tokiko udaltzainek egindako erailketak ez dituzte aintzat hartu, Barne Ministerioak ez baititu horiei buruzko datuak biltzen, antza.
Pertsona migratuen eta osasun-gaitzak dituztenen kontrako erasoak
Orokorrean, Barne Ministerioak ez du zehaztu zein jatorritakoak ziren polizia-indarrek hildako pertsonak. Aipatutako 162 erailketen barruan, 25 kasutan baino ez du argitu informazio hori, baina laguntzen du joera bat ikusten: 25 kasu horietan 11 ziren jatorri atzerritarreko pertsonak, ia erdia.
Bestalde, badirudi osasun-gaitzen bat jasaten duten pertsonekiko bortizkeria ere nabarmentzen dela muturreko polizia-bortizkeria kasu hauetan. Izan ere, 2025 eta 2022 artean izandako hilketetan, gutxienez 20 lagunek pairatzen zuten osasun-arazoren bat, eta asko zeuden nolabaiteko agerraldi baten menpe.
487 erailketa bi urtean, Europako hamahiru herrialdetan
Europar Batasunean, hamahiru baino ez dira indarkeria polizialaren inguruko azken datuak eman dituztenak. Horiek erakusten dutenez, denera, gutxienez 487 pertsona erail zituen Poliziak 2020 eta 2022 artean. Frantziako Estatua da buru zerrenda horretan, 107 hilketa erregistratu baitzituzten bertan. Irlandak, Espainiako Estatuak eta Alemaniak jarraitzen diote atzetik, 71, 66 eta 60 erailketarekin, hurrenez hurren.
Suzko armekin egindako tiroketak omen dira nagusi heriotzen kausa modura, nahiz eta aipatutako 487 hilketetako 262 kasutan baino ez duten zehaztu agintaritzek zein izan den kausa. 262 kasu horien barruan, 98 heriotza izan ziren polizia-agenteek egindako tiroen ondorioz. Hala ere, badirudi Espainiako Estatuan ez dela hori joera.
Heriotza "naturalak"?
Espainiako Estatuan, 2020 eta 2022 artean, zortzi erailketa izan ziren tiroz, eta 11 denera 2015etik. Gainera, taser pistolen erabilera polizia-indarretan hedatzen ari den honetan, arreta ematen du ondokoak: taser pistola bat behintzat erabili zuen Poliziak erregistratutako heriotzetako batean. Badalonan gertatu zen, 2021ean, eskizofrenia pairatzen zuen pertsona batek galdu baitzuen bizia, poliziek sei deskarga elektriko eman ostean.
Espainiako Estatuko agintaritzek emandako informazioetan, heriotza "naturalak" dira gehien aipatzen diren kausa. 65 dira 2015etik, eta horietatik 36 gertatu ziren ziegetan, argitu gabeko baldintzetan. 65 heriotzetatik gutxienez hamasei kasutan, poliziak haiek eutsi eta azpiratu nahian ari zirenean galdu zuten bizia hildako pertsonek.
Poliziaren indarkeria erregistratzen ditu Donostiako Txago kolektiboak. Berriki 2024 urteko Karrikaratu txostena aurkeztu du, zeinean jasotzen diren Poliziaren indarkeria formak, estrategiak, ezaugarri nagusiak, edo jo puntuan dituzten herritarren tipologia. 156 esku hartze... [+]
2002az geroztik Espainiako Estatuko hainbat kolektibotan infiltratutako hamabi poliziaren berri eman dute La Directa eta El Salto agerkariek. Nieves López izen faltsua baliatzen zuen Espainiako poliziaren kasua da publiko egin duten azkena. El Salto-k argitaratu duenez,... [+]
Directa hedabideak ikertu eta argitaratu du poliziaren infiltrazioa. 2019ko irailean hurbildu zen lehen aldiz Lleidako Ateneu Cooperatiu taldera, Joan Llobet García izenpean, eta 2021eko azaroan utzi zuen militantzia, Bartzelonan lana aurkitu zuela eta amonaren... [+]
350 poliziako "Force Frontière" dispositiboa baliatu dute Gipuzkoako eta Lapurdiko mugetan migratzaileen kontra egiteko martxoaren 26 eta 27an. Aurrez "terrorismo islamistaren" aurka egiteko aitzakiaz erabiltzen zituzten dispositiboak, orain "migrazio... [+]
Lau agenteak lesio-delituengatik ikertzen ari dira eta horrek galarazten du 2024ko amnistia aplikatzea. Polizia horietako batek, ustez, gomazko bala batekin begi bat zartatu zion Roger Español kataluniarrari.
Oraingoz Nafarroan, 53 izango dira estatuaren biktima aitortuak eta horietatik 27 torturaren biktimak. Floren Beraza, Txaro Buñuel, Cecilio Ruiz, Patricia Perales eta Izaskun Juarez dira aitortutako torturatu berriak.
Directa hedabidearen ikerketa batek ondorioztatu du 2018. eta 2020. urteen artean murgildu zela Kataluniako Palestinaren aldeko eta ezker independentistaren mugimenduetan, "Belén Hammad" izenaren pean. Nortasun agiri faltsu batekin Kataluniako Gobernuak... [+]
"Polizia hila, baratzerako ongarririk onena" idatzi zuen atxilotuak sare sozialetan, eta lau milioi jarraitzaile baino gehiago ditu bere profilak, Guardia Zibilak azaldu duenez.
Polizia agenteek nortasun faltsuen pean gizarte-mugimenduetan egindako infiltrazioak Espainiako Konstituzio Auzitegira iritsiko dira. Irídia-Centre per la Defensa dels Drets Humans erakundeak, infiltrazio horiek kaltetutakoen Acció Contra l 'Espionatge d'... [+]
Xabier Kalparsoro eta Gurutze Iantzi Espainiako polizien eta guardia zibilen eskuetan hil zituztela 31 urte igaro direnean, Egiari Zor fundazioak ekitaldia egin du Urnietan. Eusko Jaurlaritzari eskatu dio berriz ere ireki dezala epe bat estatuaren biktimak aitortzeko eskaerak... [+]
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
Espainiako Poliziaren sindikatu nagusiarekin egindako akordio baten arabera, eskuin muturreko taldeak "defentsa pertsonaleko formakuntza" eskainiko die 30.000 agenteri.
1984ko urriaren 23an ETAren garaian Espainiako Barne Ministerioak onartutako aginduan, “arriskugarritasun eta nekagarritasun” kontzeptuengatik “ordainsari” bat zehaztu zuten Espainiako Polizia Nazional eta Guardia Zibilarentzat, “eremu... [+]
German Rodriguez eta Joseba Barandiaran omendu, eta langile mugimenduaren alde egindako lana txalotu dute Iruñean. Palestinari ere elkartasuna adierazi diote, sanferminetan urteroko zitan Iruñean.
1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.