ARGIA.eus

2022ko urtarrilaren 26a

Espetxeratu egin dute Ziburun emakume bat larriki zauritu zuen gizona

  • Gizonak buruan kolpea eman eta hamar labankada jo zizkion emakumeari. Epailearen aurretik pasa ostean espetxeratu egin dute, homizidio saiakera leporatuta. Emakumeak zauri larriak ditu, baina arriskuz kanpo dago.

ARGIA @argia
2021eko abuztuaren 25a
Feminizidioen aurkako elkarretaratze bat (Argazkia: EITBren bideo bateko fotograma)

Baionako Justizia Auzitegian deklaratu du erasoa gauzatu zuen gizonak, eta epaileak hura espetxeratzeko agindua eman du. Homizidio saiakera leporatu diote.

Erasoa abuztuaren 20ko ostiralez jazo zen. 23 urteko gizonak 40 urteko emakumeari eraso egin zion labanaz, Ziburun. Etxe parean aparkatu eta autotik atera orduko buruan kolpea eman zion emakumeari erasotzaileak; ostean, emakumea etxera sartu zen, eta gizonak sukaldetik hartutako labana batekin hamar labankada jo zizkion. Auzokideek ikusi zuten erasotzailea etxetik labana eskuetan ateratzen, eta Poliziari deitu zioten. Frantziako Polizia haren bila ibili zen, harik eta abuztuaren 22an Ziburun bertan atxilotu zuten arte. Lehen ikerketek ez dute harremanik aurkitu erasotzailearen eta erasotuaren artean.

Emakumea larriki zauritua dago erasoaren ondorioz. Osasun langileek Baionako Belharra klinikara eraman zuten bere etxean zauriturik aurkitu ostean. Medikuen arabera, dituen zauriak larriak izanik ere, arriskuz kanpo dago.

Kanal hauetan artxibatua: Indarkeria matxista  |  Ziburu

Indarkeria matxista kanaletik interesatuko zaizu...
2022-01-26 | ARGIA
Sara Pinaren hilketagatik, haren bikotekide zena behin-behinean espetxeratu du epaileak

Sara Pina Yeregiren hilketa burutzea leporatzen diote haren bikotekide zen José María Uruñuelari. Auzipetuak asteazken goizean egin ditu deklarazioak, eta fidantzarik gabe behin-behinean espetxera bidali du epaileak. Epaitegien kanpoaldean, hainbat pertsona... [+]


NBEk seigarren aldiz eman dio arreta Espainiari, haurrak ez babestearren sexu abusuen eta indarkeria matxistaren aurrean

NBEk ardura agertu du, Espainiako Estatuan sexu abusuen harira abiatzen diren prozedura judizialetan aurreiritziei tokia ematen zaielako, beren seme-alabei egindako sexu abusuak salatzen dituzten emakumeen testigantzei beharko luketen garrantzia ematen ez zaielako, eta amen... [+]


Kote Cabezudoren aurkako epaiketa martxoaren 7an abiatuko da

Kote Cabezudo argazkilariaren aurkako epaiketa martxoaren 7an hasiko da Gipuzkoako Auzitegian eta hilabeteko iraupena izango du. Hogei saio egingo dira, eta apirilaren 7an emango diote amaiera.


2022-01-19 | ARGIA
Adin txikiko neskato bati sexu erasoak egiteagatik zigortu dute gizon bat Baionan

Bere bilobari sexu erasoak egin zizkion gizonak. Aurrekariak zituen, dozenaka adingaberi sexu konnotazioa zeukaten deiak egin baitzizkien.


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude