Espetxeratu egin dute europarlamentuko presidenteordea, Qatarrek erosia zuelakoan
Ustelkeria leporatuta kartzelan daude Eva Kaili, europarlamentuko presidente ohi Pier Antonio Panzeri eta beste bi pertsona. Europarlamentuko presidenteorde sozialdemokrata erosi du Qatarko diktadurak, eta dirua eman dio Europar Batasunean haien irudia zuritu dezan, Belgikako epaile baten arabera.
Europarlamentuko ustelkeria mahaigaineratu du Belgikako epaile batek, eta haren aginduz, lau lagun kartzelaratu dituzte igandean: Eva Kaili europarlamentuko presidenteorde sozialista grekoa, Pier Antonio Panzeri ganberako presidente ohia, Kailiren bikotekide eta europarlamentuko aholkulari Francesco Giorgi, eta izenik eman ez duten Bruselako beste pertsona bat. Qatarren eroskeria onartu zutela egotzita daude atxilo, eta zera egozten diete: erakunde kriminal baten parte izatea, kapitalaren zuriketa, eta Qatar eta Europako Parlamentua lotzen dituen ustelkeria, besteak beste. Qatarrek ukatu egin du halakorik.
Horiez gain beste bi pertsona ere atxilotu zituzten ostiralean. Bat Kailiren aita zen, 600.000 euro poltsa batean zituela ihes egiten ari zela atxilotu zuten, eta bestea Luca Visentini, Nazioarteko Sindikatuen Konfederazioko idazkari nagusia. Biak baldintzapean aske utzi ditu epaileak. Kailiren Bruselako etxeko miaketan beste 150.000 euro aurkitu zituzten poltsetan, Naizek dioenez, iturritzat medio greziarrak aipatuta.
Roberta Metsola Europako Parlamentuko presidenteak ohartarazi du “Europako gizarte ireki, aske eta demokratikoak erasopean” daudela, BBC hedabideak jakinarazi duenez. Karguko zereginak eten dizkiote Kailiri, eta Metsolak azpimarratu du ez dutela ustelkeriarik onartuko eta poliziarekin elkarlanean ari direla.
Zer egin du Qatar zuritzeko?
Eva Kaili sozialdemokrata atxilotu baino bi aste lehenago, Qatarren aldeko hitzartzea egin zuen Estrasburgoko batzarrean, El Diario hedabideak kontatu duenez. “Qatar lan eskubideen abangoardian dago, baita soldaten hobekuntzan ere, nahiz eta europar enpresek ez dituzten eskubide horiek errespetatzen”, defendatu zuen. Batzar horretan eztabaidan zeuden hainbeste diru mugitzen duen futbolaren ondorioz urratutako giza eta lan eskubideak. Eta europarlamentariek ebatzi zuten Qatarrek langileen heriotzak argitzeko ikerketa ireki behar zuela.
Kailik honelaxe erantzun zuen: “Qatarko Mundialak erakusten du nola kiroleko diplomaziak lortzen duen herrialde baten eraldaketa historikoa, arabiar mundua inspiratzen duten berrikuntzak dituena”. Loreak besterik ez zituen Qatarko boteredunentzat, esanez “negozioen negoziatzaile onak” direla, “bizilagun onak, sozio onak”.
Eroskeria harrapatuta, orain ikusi beharko da ea europarlamentari izateagatik duen immunitateak epaiketan nola eragiten duen.
Nafarroako Gobernuak azken urteotako esleipen publikoen gaineko txostenak eskatu dizkio ustelkeriaren kontrako bulegoari Nafarroako Parlamentuko ikerketa batzordeak aginduta. Belateko txostenean, esleipena erabakitzerako orduan arau haustea ikusi du bulegoak.
Argentinako hainbat hedabidek Desgaitasun Agentzia Nazionalaren buru den Diego Spagnuoloren audioak zabaldu dituzte. Argentinako Gobernuan eroskeria dagoela aitortu eta azaldu du horietan Spagnuolok, eta ustelkeria kasu horren buruetako bat Argentinako presidente Javier Mileiren... [+]
Egun EH Bilduren esku dagoen udalak ia milioi bat euro itzuli beharko lioke foru erakundeari, duela hamairu urte, EAJ agintean zenean, diru-laguntza bat ez zelako behar bezala erabili, baizik eta iruzurra egiteko, EAEko Justizia Auzitegi Nagusiak berretsi duenez. Eskaerak erabat... [+]
Cerdán auziari loturiko Servinabar sozietatearekin eta Antxon Alonsoren beste hemeretzi enpresarekin kontratu publikorik izan ote den jakiteko aztertu ditu EAEko gobernuak azken hamar urteetako esleipenak. Antxon Alonsok Espainiako Senatuko talde politikoen galderak... [+]
2011n PSNren zerrendetan agertu aurretik, ustelkeria kasu batengatik auzipetutako Koldo García barakaldarrak eduki zuen ibilbidea argitara atera du Directa hedabideak: besteak beste, zabortegi bateko segurtasun zaindaria zela pertsona bati emandako jipoia edota... [+]
Espainiako presidente Pedro Sánchezek Madrilgo kongresuan aurkeztu du ustelkeriaren kontra bere plana, Santos Cerdán auziaren ondorioz oposizioak estu hartu ondoren. Bost atal nagusitan banatu du eta ELGA erakundeak gainbegiratuko luke kanpotik, betetzen ote den... [+]
Epailearen aurrean deklaratu du astelehen goizean Alonso enpresari gipuzkoarrak, Servinabar enpresaren jabeak, eta adierazi du Guardia Zibilak haren etxean aurkitutako agiriak ez duela balio, notarioarenera eraman ez zuelako. Accionako kontseilari Fernando Merinok ere deklaratu... [+]
Zezenketaren kontrakoa naiz, baina debekua heltzen den bitartean, jarraituko dut zezen-plazetan gozatzen”. Lagun baten iruzkin zinikoa gogorarazi dit Jose Luis Ábalos PSOEko ministro ohiaren azken polemikak.
Izan ere, Koldo ustelkeria kasuaren testuinguruan... [+]
Fiskaltzak Santos Cerdán PSOEko antolakuntza idazkari ohi nafarrari fidantzarik gabeko behin-behineko espetxeratzea eskatu dio astelehen goizean, eta ordu batzuetara, epaileak Cerdán espetxeratzea erabaki du. Cerdánek epailearen aurrean esan du legez kanpoko ezer... [+]
María Chivite Nafarroako Presidentearen "konfiantza galdu" duela eta, Ramón Alzórrizek PSNko idazkariorde nagusi eta Nafarroako Parlamentuko bozeramaile izateari utziko dio. Bere bikotekidea Servinabar enpresan lanean aritu zela publiko egin ostean eman du... [+]
José Luis Abalos PSOEko ministro ohia eta Koldo García haren aholkulariaren ustezko ustelkeria kasuarekin lotu dute Santos Cerdán, PSOEeko diputatu eta antolaketa idazkaria. Guardia Zibilak Cerdánek Garcíarekin balizko ordainketez hitz egiten duten bost... [+]
Gasteizko Alde Zaharreko Pintore kalean, atari bateko lau etxebizitzen jabe da Luxury Rental Apartments enpresa. Horietako bi etxebizitza turistiko gisa alokatzeko Jaurlaritzaren beharrezko baimena eskuratu du enpresak, eskuratu aurretik ere alokatu baditu ere, baina Turismo... [+]
Hirigintza Sailak Luxury Rental Apartments SL enpresa zigortu du 2025eko urtarrilean, Pintore kaleko etxebizitza batean obra “klandestinoak” egitea egotzita. Enpresako partaidetzen %50 Gustavo Antépararena da, eta administratzailea bere bikotekidea... [+]
ARGIAk hamaika aldiz eskatu dio Gasteizko Hirigintza Saileko Eraikuntza Zerbitzuari, urte batez, bi espedienteren inguruko informazioa. Hainbat aldiz ziurtatu zaio hedabide honi informazioa igorriko zitzaiola. Inoiz ez dute egin, eta hainbat hitzordu eta eskaera ofizial utzi... [+]