Espetxe-ildoaren exijentziak, onurak eta bidesariak

  • Estatuaren espetxe-politika osoari men egitea exijitzen da, eta horrek mugarik gabeko espetxe-inpunitatea dakarkio gure etsaiari, hau da, presoei emandako agindu guztiak betearaztea.

Jon Iurrebaso Atutxa
2017ko urriaren 30a

Egunotan, euskal preso politikoaren kontzeptu historikoaren ezaugarriez gain damuaz eta berarekin dakarren etsaiarekiko mendetasun osoaz aritu gara termino politikoetan. Era berean, horrek guztiak dituen ondorioak aipatu ditugu, hala nola, identitatearen galera eta euskal herri langilearen askapen nazional eta sozialari eragindako kaltea.

Gaurko honetan, okupatu eta zapaltzen gaituen etsaiarekiko mendetasuna zehazten ahaleginduko gara modu praktikoan, hartarako arrazoia edozein dela ere:  konbentzimendu politikoagatik edo bakarrik norberaren interesagatik banakako onura pertsonalak eskuratu ahal izateko. Jarraian, onura pertsonalaren bat eskuratzeko estatuak egiten dituen eskakizun batzuen aipamena egiten dugu, berriro diogu, onura “pertsonalez” ari gara.

Lehenik, estatuaren espetxe-politika osoari men egitea exijitzen da, eta horrek mugarik gabeko espetxe-inpunitatea dakarkio gure etsaiari, hau da, presoei emandako agindu guztiak betearaztea.

Afera preso sozialei nahiz politikoei dagokie, izan ere, nahiz eta agindu umiliagarriak izan, bete behar dira ezinbestez. Zertarako? Bada, alde batetik, mendetasuna egiaztatzeko eta, bestetik, presoen nortasuna eta izaera nahiz jardunbide politikoa suntsitzeko, azken hori euskal preso politikoen kasuan.

Halaber, norberaren onurari begirako aginduak besterik ez dira Izango. Euskal preso politikoei dagokionez, zehazki, gainerako euskal preso politikoekiko eta, oro har, preso politikoekiko lotura politikoa hautsi izana erakutsi beharko dute etengabe modu praktikoan (**).

Edozein errepresiozko ekintzaren aurrean, oso gordina eta basatia bada ere, halako espetxe-politikoari men egiten dion orok isildu beharko du betirako. Modu berean, men egiten dion orok ekintzen bidez egiaztatu beharko du halako gertaerekiko solidaritate eza.

Aldiz, inork aginduei muzin egin, men egiteari uko egin, presokideekiko solidaritatea erakutsi, izaera politikoa aldarrikatu, pertsona eta militante politiko gisa suntsitzeko darabiltzaten erasoen aurrean erresistentzia kolektiboari ekiten badio, mugarik gabeko errepresioa pairatu beharko du.

Errepresioak sufrimendua dakarkio presoari eta, horrez gain, galarazten ditu etsaiaren espetxe-erregelamenduan jasotako “eskubideak” eta aurreko militanteen belaunaldiek lortutako aurrerapauso guztiak.

Beraz, hauexek dira bi aukerak: mendetasuna eta banakako onurak, estatuak erabakiz noiz eta norentzat, ala duintasuna eta erresistentzia politikoa, berekin dakarren errepresioarekin batera. Lehenengoan, mendetasuna onartuz gero, etsaiaren eskuetara erortzen gara. Bigarrenean, erresistentziako dinamika kolektiboari ekinez gero, euskal herri langilearen eskuetan kokatzen gara.

(*) Artikulu hau aurreko bi hauen jarraipena da: “Izaera politikoa galtzearen gainean. Damuaren gainean. Garraztasunik gabeko termino politikoetan” eta “Damua dela eta ez dela”.

(**) 16 urte kartzelan eman ondoren, eta sei eguneko baimena eskuratu nahian, hurrengo hauek dira ETA erakundean militatzeagatik atxilotutako euskal preso baten hitzok:

“ …borroka armatua erabiltzearen kontra nago, helburua dena delakoa. Egindako delituez guztiz damututa nago eta oso penaturik nago biktimei eragindako kalteagatik. …erabat aldendu naiz ETA banda terroristatik. …. Destino bat eskatu eta onartu egin dut… Nire destino ordainduaren soldataren zati bati uko egiteko prest nago, nire delituen ondoriozko kalteei aurre egiteko erantzukizun zibila bete dadin. … ez dut inoiz parterik hartu, eurek hala eskatuta, egin diren protestetan… eta, batez ere, borroka armatuaren kontrako jarrera plazaratu eta egindako delituengatik damua adierazi egin dut, eta barkamena eskatu diet biktimei…”

Hori dena sei eguneko baimen batengatik. Bada, horixe eta are gauza gehiago exijitzen diete gaur egun euskal preso politikoei.

Jon Iurrebaso Atutxa, ETAko preso politikoa.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Euskal preso politikoak

Euskal preso politikoak kanaletik interesatuko zaizu...
2018-08-09 | Nahia Ibarzabal
"ETAko presoen hurbilketak egon daitezke uda bukatu baino lehen"

Presoen hurbilketa “bizikidetzara begira dagoen” espetxe politikaren barruan dagoela adierazi du Espainiako Gobernuak Euskal Autonomi Erkidegoan duen ordezkari Jesus Lozak. Sanz eta Moreno euskal presoak Basaurira hurbildu izana “legea zorrotz betetzea” dela dio.


La Manadako bortxatzaileak dispertsioaren aurkako pegatinak jarrita ibili ziren Sanferminetan

La Manadako kideak euskal preso politikoen dispertsioaren aurkako pegatinak paparrean jarrita ibili ziren Sanferminetan bost gizonen artean emakume bat bortxatu zuten gauean, beraiek beren buruari grabatutako bideoetan ikus daitezkeenez.


2018-08-08 | Nahia Ibarzabal
Olga Sanz eta Xabier Moreno euskal preso politikoak Basauriko espetxera hurbildu dituzte

EPPKtik bereizita dauden bi preso politikoak Villabonako (Asturias) espetxean egon dira eta orain hirugarren gradua ezarri ostean Basaurira lekualdatu dituzte asteartean.


2018-08-01 | Euskal Irratiak
Mikel Albisu Iriart presoak heriotz mehatxua jaso du

Frantziako Réau-ko kartzelako bere ziegan topatu du heriotz mehatxua Mikel Albisu Iriartek joan den uztailaren 12an.


2018-07-26 | ARGIA
Santiago Arrospide ETAko presoa aske geratuko da abuztuaren 5ean

Santiago Arrospide Sarasolak 70 urte ditu eta 31 egin ditu kartzelan: 13 Frantziako Estatuan eta estradizio baten ondorioz, beste 18 Espainiakoan. Abuztuaren 5ean aske geratuko dela zabaldu du hainbat hedabidek.


Mugimenduak espetxeetan?
Graduz aldatu dute euskal preso politiko bat

Marta Igarriz preso hernaniarrari aldatu diote gradua eta Pedro Sanchezek espetxe politikan iragarritako aldaketak eta gero onartzen den mota honetako lehen aldaketa da.


"Etorkizunean preso gehiago geldituko dira aske eta beharrak handitu egingo dira"

Soraluzeko Harrera elkartearen arduradunak dira Ramon Argarate eta Koldo Kareaga preso ohia. Harrera 2012an sortutako elkartea da, preso, iheslari eta deportatu izan diren pertsonei “jendartean egokitu eta euren bizitza berria duintasunez bitzitzen laguntzea helburu duena”.


2018-07-20 | Mikel Asurmendi
Presoen aldeko bizikleta martxa Mont-de-Marsango espetxetik abiatu da

Mont-de-Marsanetik abiatua da goizean euskal preso politikoen urrunketa salatzeko bizikleta martxa. Parte-hartzaileek Zaballako espetxeraino eginen dute bide astelehenera bitartean.


Marlaskak dio ez duela gerturatze eskaerarik jaso euskal preso politikoen aldetik

Fernando Grande Marlaska Espainiako Barne Ministroak adierazi du “kasuz kasu” aztertuko dela euskal preso politikoen gerturatzea Euskal Herriko kartzeletara, baina oraindik ez dela elkartu lanketa batzordea gerturatze horiek aztertzeko.


2018-07-09 | ARGIA
Oskar Cadenas libre atera da Murtziako espetxetik, 18 urte preso egonda

Etxerat elkarteak jakinarazi duenez, uztailaren 8an libre atera da Oskar Carreras euskal preso politikoa, espetxean 18 urte eman ostean. Murtziako presondegian eduki dute azken urteotan.


Azkenak
EGILEA
Eguneraketa berriak daude