Espainiako pentsioen erreforma ez onartzeko deia egin du Bizkaiko Pentsiodunen Mugimenduak

  • Asteartean, urriak 27, Espainiako Kongresuan Toledoko Itunaren jarraipen batzordeak pentsioa eskuratzeko baldintzen gogortzea onartuko du PSOE, Unidas Podemos, PP, Ciudadanos, Junts eta EAJren aldeko botoekin. Murrizketa hau onartu ez eta aurre egiteko deia zabaldu du Bizkaiko Pentsiodunen Mugimenduak astelehenero bezala atzo ere Bilbon egindako elkarretaratzean.

Pentsiodunek elkarretaratzea egin zuten Gernikan ere, urriko azken astelehenean. (Argazkia: LAB Busturialdea)

2020ko urriaren 27an - 10:00

1995etik Espainiako pentsio sistemaren eta lan-baldintzen erreformaren ildo nagusiak lege bihurtzen dituen Toledoko Ituna delakoak urriaren 27a dauka izendatuta legedian murrizketa berriak gehitzeko eguntzat. Okerrik ezean, Espainiako Kongresuaren baitako batzorde horrek PSOE, Unidas Podemos, PP, Ciudadanos, Junts eta EAJren aldeko botoekin onartuko ditu hilabeteotan landutako txostenak jasotzen dituen 21 gomendio nagusiak, eta horien artean: pentsioak KPI kontsumo prezioen indiziearen arabera igotzea, langileen erretiro adina atzeratzea, erretiroa aurrez hartzeko baldintzak gogortzea, edota kotizazio urterik onenak aukeratu ahal izatea. Gaur onartuko diren gomendio horiek azaroan Espainiako Diputatuen Kongresuak onartuko ditu osoko batzarrean.

Aldiz, erreforma ez onartu eta murrizketoi aurre egiteko deia zabaldu zuten atzo, urriak 26, Bizkaiko Pentsiodunen Mugimendutik astelehenero bezala Bilbon burututako elkarretaratzean. Pentsiodunok salatu dute gomendiok ez dituztela aintzat hartu "34 hilabetetan zehar kalean aldarrikatzen ari garena. (...)  Adierazpen asko baina konpromiso gutxi hartu ostean, 2011ko pentsioen erreformei eta iraunkortasunaren alorrari eutsi zaie". Pentsiodunen aburuz, Europako Gutun Sozialaren nahikotasun irizpideak ez dituzte betetzen gomendiook, erretretadunek ia hiru urtez karriketan aldarrikatu duten gutxieneko pentsioa (1.080 eurokoa) ez baita horietan jasotzen.

Bilboko elkarretaratze nagusiaz gain, beste herri askotan ere mobilizatu ziren atzo, urriak 26, pentsiodunak Hego Euskal Herrian COVID-19aren larritzeak sortu duen egoera konplikatuari aurre eginda:

 


Kanal honetatik interesatuko zaizu: Pentsioak
2023-11-16 | Estitxu Eizagirre
"Bertsopentsiotan", Pentsiodunen I. Bertso Jarrien Lehiaketa
Astelehenero kalera ateratzen diren aldarriak bertsotara eramateko deia

Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]


2023-11-10 | Ahotsa.info
1080€ Orain herri ekimenak larunbateko manifestazioan parte hartzeko deia zabaldu du

1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]


Gutxieneko pentsioa 1.080 eurokoa izateko Nafarroako aurrekontuetako dirua bideratzeko eskatu dute

Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira. 


2023-08-22 | Ilargi Manzanares
Pentsiodunak Bilboko jaietan mobilizatu dira

Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.


72 urterekin jubilatu? Zergatik Espainiako enpresarien lobbyaren proposamenak ez duen heldulekurik

Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.


Eguneraketa berriak daude