Espainiako hauteskundeak apirilaren 28ra aurreratu ditu Pedro Sanchezek
Espainiako hauteskundeak apirilaren 28an egingo dira, Pedro Sanchezek ostiral honetan iragarri duenez.
Asteazken honetan Espainiako Gobernuak ez du lortu bere aurrekontu-proiektua onartzerik eta geroztik bozak aurreratzeko aukera mahai gainean zegoen. Noiz izango ziren, ordea, zehaztu gabe egon da orain arte. Hainbat aukera zeuden, apirilaren 14an egitea adibidez, Espainiako II. Errepublikaren egunarekin bat eginez; baita maiatzaren 26an egingo diren Udal eta Foru hauteskundeekin eta hauteskunde europarrekin batera egitea ere, “Super Igande” deiturikoan.
Ostiral honetan konfirmatu denez, apirilaren 28an egitea erabaki du Sanchezek.
Horren berri emateko agerraldian, gogora ekarri du nola iritsi zen boterera iaz, PPren ustelkeria eskandaluek Espainiako Kongresuan zentsura-mozioa eragin zutenean, oposizioko alderdiak batuz Mariano Rajoy Moncloatik botatzeko.
Bederatzi hilabete geroago, PSOEk gidatutako gobernu horrek ez dio eutsi: ezin izan ditu aurrekontuak onartu eta sozialistek Andaluziako hauteskundeak galdu dituzte hiru alderdi eskuindarrek (PP, Ciudadanos eta Vox) bat egin ostean.
Ikusteko dago joan den asteburuan Madrilgo Colón plazan Sanchezen kontra elkartu ziren hiru indar horien goraldia Espainiako Estatu osora iristen den hauteskunde hauetan.
Moncloa jauregia, martxoak 18: industria militarreko elitea Espainiako presidente Pedro Sánchez eta Defentsa ministro Margarita Roblesekin bilduta. Azken lerroan, euskal ordezkaritza: Juan Ignacio López Gandasegui (Aernnova); Jokin Aperribay (SAPA); Carlos Azola... [+]
Orain Senatura bidean joango da legea, han PPk ahal duen neurrian atzeratuko du –bi bat hilabetez– eta gero berriz itzuliko da Espainiako Kongresura azken onarpena izan dezan.
El Diario egunkari digitalak argitaratu du Ertzaintzaren txostena. Honela dio: “Espainiako Inteligentzia Zerbitzuak beraien Gasteizko langileak mobilizatu zituen ETA Al Qaedarekin lotu ahalko zuen informazio bila”. Dokumentuaren arabera, Italiako web orri bat... [+]
904.000 milioi euro. Hori da ustelkeriaren kostua urtean Europar Batasunean, 2020an egindako ikerketa baten arabera. 2008. eta 2020. urteen artean 3.743 ustelkeria kasu plazaratu ziren komunikabideetan Espainiako Estatuan, horietatik 109 Hego Euskal Herriari zegozkien. Atzera... [+]
2021ean sartu zuen indarrean beherapena Espainiako Gobernuak, baina pasa den urtarrilean ekin zion hura goratzeari. BEZa igota, batez beste, %15 garestituko da urteko kostua. 2023an, inoizko emaitzarik onenak lortu ditu Iberdrolak.