Espainiako Fiskaltzak “terrorista” gisa definitu ditu Extinction Rebellion eta Futuro Vegetal talde ekologistak
Iazko urteko memorian bi talde horiek azpimarratzen ditu soilik 'terrorismoa' atalean. Espainiako Fiskaltzaren arabera, "desobedientzia zibileko ekintzak" egitetik, "garrantzia handiagoko ekintzak" egitera pasatu dira, "gizartean hain onartuak ez daudenak", besteren artean Prado Museoko artelanak zikintzea.
Espainiako Fiskaltzak pasa den astean argitaratu zuen ia 1.500 orriko memoria, 2022ko urteko datu, ekintza eta azterketekin. Terrorismoa izeneko atalari fijazio handiz begiratu ohi zaio urtero (469. orritik aurrera irakurgai; eta talde ekologisten aipamena 481 eta 482. orrietan).
Terrorismoari dagokion atalean, "Ekologismo Erradikala" azpiatalean bildu ditu fiskaltzak aipaturiko bi talde ekologisten inguruko aipamenak. Extinction Rebellion eta Futuro Vegetal kolektiboak ezagun egin dira azken urteotan, besteak beste jet eta yate pribatuei "sabotajeak" egiteagatik.
Espainiako Fiskaltzaren memoriaren arabera, 26 ekintzaile ekologista atxilotu zituzten iaz, elkarretaratze ilegalak egin, ondasun pribatu eta publikoak kaltetu eta damurik ez azaltzeagatik.
31 atxiloketa, ETAren inguruari lotuta
Urtero-urtero baloratzen dute ETAri loturiko jarduna. "ETAren mehatxuaren bektore nagusia hainbat kolektibotan banaturik dago", dio memoriak, eta bere esanetan "gazteen kolektiboak" dira "aktiboenak". Izenik ez da ematen.
31 pertsona atxilo hartu dira 2022an, erdiak Nafarroan (16) eta bosna Araba, Bizkaian eta Gipuzkoan. Tipologiari dagokionean, atxiloketa gehiengoa "terrorismoari gorazarre egitean" gauzatu da (13), eta horien atzetik, nabarmentzeko, "banderak erretzea" (5), "desordena publikoa" (4) eta "eraso politikoa".
ATA (Amnistia eta Askatasuna) aipatzen da jarraian, baina nabarmenduta "mobilizaziorako gaitasun apala" duela: "Antolakuntza ez da egonkorra; ez dauka ondasun propiorik, beste kolektiboen lokalak erabiltzen dituzte eta finantzaziorako duten sistema bastante prekarioa da".
ETAren biktimen aurkako ekintzei buruz hitz egitean, Berangoko gertakaria da aipatzen den bakarra.
Irailean aurkeztu zuen enpresak Caparrosoko makroetxaldea handitzeko eskaera, eta ingurumen baimena argitaratu du gobernuak astelehenean. Asteartean hasi da makroetxaldearen aurkako epaiketa lurrak nitratoz kutsatu dituela leporatuta, eta akusazio partikularra osatzen duten... [+]
Ekologistak Martxanek eta Sustrai Erakuntzak diote txinatar inbertitzaileek atzera egiteak agerian utzi dituela Zangozako meatzearen "funtsik gabeko arrazoiak". Nafarroako Gobernuari eskatu diote "interes publikoari erantzuten ez dion proiektu defendaezina... [+]
Europa barruan hegaldiak hartzea trenez bidaiatzea baino 26 aldiz merkeagoa izan daiteke, 31 herrialdetako 142 ibilbidetan oinarritutako Greenpeaceren ikerketa baten arabera. Hegaldien zerga pribilegioei egotzi die desparekotasuna, eta trenbidea merketzeko neurriak eskatu ditu.
Donostiako hirigunetik Urumeak banandua, nekazaritza eremu zabala zen Egia: Nabarrizene, Txurkoene, Mikelaene, Polloene... 70 baserri baino gehiago zeudela uste da. Trenbidearen etorrerak beste destino petral bat ekarri zien lur horiei, ordea: zerbitzuetarako eta... [+]
Hainbat zigilu elkarrizketan jartzea. Horixe izan da Udako Euskal Unibertsitateak (UEU) eta EHKOlektiboak Usurbilen antolatutako jardunaldien abiapuntua. Bertan elkartu dira: EHKO Berme Sistema Parte hartzailea, Ekolurra zigilu ekologiko ofiziala, Idoki Iparraldeko etxe... [+]
Hainbat zigilu elkarrizketan jartzea. Horixe izan da Udako Euskal Unibertsitateak (UEU) eta EHKOlektiboak Usurbilen antolatutako jardunaldien abiapuntua. Bertan elkartu dira: EHKO Berme Sistema Parte hartzailea, Ekolurra zigilu ekologiko ofiziala, Idoki Iparraldeko etxe... [+]
Gaztetape (Getaria) eta Muriola (Barrika) hondartzak 2050. urterako desager daitezke Greenpeaceren txostenaren arabera. Itzurun (Zumaia), Karraspio (Mendexa), Isuntza (Lekeitio) eta Azkorri (Getxo) hondartzek hedaduraren erdia gal dezakete.
1994an altxatu zituzten lehen haize errotak Nafarroan, Erreniegako parke eolikoan, Iruñetik gertu. Segidan etorri ziren beste asko: Arizko parkea Leitzan eta Berueten, Izkokoa Irunberri inguruan, Oibarkoa, Cabanillasko Serralta parkea... ‘Haizearen aitzindari’... [+]
Hendaian etxebizitza larrialdi egoera bizia da: bizitokien %27 bigarren etxebizitza dira eta 700 familia alokairu sozial baten esperoan daude. Horren erdian, Herriko Etxeak Moleres izeneko 40.000 m2-ko eremuan 250 etxebizitza eraikitzeko egitasmoa jarri du mahai gainean... [+]
EAEko 1,3 milioi biztanlek Europar Batasunak 2030erako ezarri berri dituen mugak gainditzen dituen aire kutsatua arnastu zuten 2024an, Ekologistak Martxanek eginiko ikerketaren arabera.
Ekologistak Martxanek Bandera Beltzak 2025 txostena argitaratu du, urtero legez, "itsasertzeko kutsadura eta ingurumen-kudeaketa txarraren kasu esanguratsuenak ezagutarazteko". Hego Euskal Herriko kostaldeari dagokionez, Bilboko superportuari eta Getariako arrain... [+]
Gladys Gogoan elkarteak eta Eguzkik Gladys del Estal ekologistaren omenezko ekitaldia antolatu dute igande honetan. Gladys del Estal duela 46 urte hil zuen Guardia Zibilak Tuteran, nuklearren aurkako mobilizazio batean. 1979ko ekainaren 3an gertatu zen, energia nuklearraren eta... [+]