Espainiako Errege-Etxeari buruzko ikerketa batzordea sortuko du Kataluniako Legebiltzarrak

  • Kataluniako Parlamentua ikerketa batzordea sortzear da Espainiako Errege-Etxearekin lotutako pertsonen ustezko "jarduera kriminalen" inguruan. JxCat, ERC eta Catalunya En Comun-Podem taldeek gehiengoa lortuko dutela egintzat ematen dute hainbat hedabidek.

Espainiako Monarkiaren abolizioa eskatu zuen Kataluniako Legebiltzarrak urriaren 12an.

2018ko azaroaren 14an - 15:58

Publico egunkariak informatu duenez, JxCat-ek astelehenean erregistratutako proposamenaren aldeko botoa emango du Catalunya En Comun-ek. Espainiako Kongresuan antzeko testu batek ez zuen gehiengorik lortu irailean, PP, PSOE eta C's-en aurkako botoekin.

Proposamenaren aurkezpenean, Kataluniako Parlamentuko presidenteorde Josep Costak (JxCat) egintzat eman du proposamenak aurrera egingo duela, monarkiaren abolizioa eskatzen zuen proposamenak aurrera egin zuen bezala urriaren 12an. Orduan JxCat, ERC eta CUPek babestu zuten posizio politiko hori.

Públicoren arabera, CUP dokumentua aztertzen ari da, baina ikerketa batzordeak botoak bermatuta dauzka, ERCren 32 legebiltzarkide, JxCat-eko 30 eta Catalunya En Comun-en 8 baitauzka.


Kanal honetatik interesatuko zaizu: Espainiako monarkia ezbaian
Carlos Fonseca kazetaria
“O-23ko estatu kolpean, erregeak jeneral bati baimena eman zion kontzentrazio gobernua osatzeko”

Espainiako armadak antolatu zuen 1981eko otsailaren 23ko estatu kolpea, baina helburua omen zen Alfonso Armada jeneralak gidatuko zuen zibilez osatutako kontzentrazio gobernu bat eratzea, eta Juan Carlos I.ak baimendu egin zuen gobernu hori. Hori dio Carlos Fonseca kazetariak... [+]


Hego Euskal Herriko biztanleen gehiengo zabalak nahiago du errepublika monarkia baino

Elektomaniak egin du galdeketa. Gipuzkoa da estatu guztian lehenengo postuan geratu dena, Bizkaia bigarrena eta Nafarroa eta Araba, berriz, laugarren eta bosgarren.


2022-05-24 | ARGIA
Monarkiaren kontrako adierazpenak despenalizatzeko eskatu dute EH Bilduk eta ERCk

Espainiako monarkia iraintzeagatik se hilabete eta bi urte arteko espetxe zigorra aurreikusten du zigor kodeak. Lege hori bertan behera uzteko eskatu dute EH Bilduk eta ERCk.


Galiza non ten rei

Itzuli da Juan Carlos eta Galizia aukeratu behar izan du erakusteko berak jarraituko duela egiten borboiaren puntan jartzen zaiona. Diotenez, diskrezioa eskatua zion Espainiako Errege Etxeak, ez zaiolako show handirik komeni, monarkia krisi existentzial bat bizitzen ari baita... [+]


Eskandaluak eta balizko maniobrak

Goiko esferetan mugitzen diren gizaseme zoriontsu guztiak antzekoak dira, eta egin behar ez luketen zerbait egiten atzematen dituzten guztiak berriz, bakoitza bere modukoa. Boris Johnson eta Iñaki Urdangarin, BoJo eta Besoluze –horrela deitzen omen dio Juan Karlos... [+]


Eguneraketa berriak daude