Emakumeak borrokan

RTVEko presidentea: "Espainiak ez zuen Amerika kolonizatu, zibilizatu baizik"

  • “Espainia ez zen inoiz kolonizatzailea izan, ebanjelizatzailea eta zibilizatzailea izan zen”.  José Antonio Sánchez RTVE korporazioaren buruak bota ditu aurreko hitzak, non eta Madrilgo Amerikako Etxean emandako hitzaldian.

Lukas Barandiaran San Roman
2017ko apirilaren 05a
José Antonio Sánchez RTVEko burua. (Arg.: RTVE)

El País-ek jaso dituen hitzek egonezina sortu dute sare sozialetan. Sánchezek ondorengo esaldiak bota ditu, besteak beste:

“Inperio aztekaren desagertzeagatik penatzea, II. Mundu Gerran nazien porrotagatik penatzea bezalakoa da”.

“Herri indigenak sarraskitu eta beren kultura amaitu zuen herri atzeratu eta barbaro batez mintzo da kondaira beltza, herri espainiarraz. Batzuek lotsatu gabe diote kultura indigena gurea baino hobea zela”.

“Nork esan dezake garai hartako espainiarrak gizakien triskantzan jardun zirenik? Amerikara joan ziren espainiarrak aspalditik zituzten gorteak, zuzenbidearen menpe jarrita zuten edozein botere edo bidegabekeria, katedralez betetako herrialde batean bizi ziren eta Mendebaldearen erreferentea zen artearen zentzu guztietan”.

“Gauza txarrak egin zirela? Norbaitek esan diezadala zein konkistatan ez zen halakorik egon”.

PPk izendatuta

EFE, ABC eta La Razón bezalako medioen kolaboratzailea, Sánchez Alderdi Popularrak izendatu zuen RTVEren buruz bezala 2002an, eta bi urtez egon zen postu horretan. 2014ko urritik berriro ari da kargu horretan lanean, eta hango langileek bere kargugabetzea eskatu dute “degradazio etiko eta deontologiko sakonagatik”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Amerikaren konkista  |  Madril

Amerikaren konkista kanaletik interesatuko zaizu...
Azkenak
EGILEA
Eguneraketa berriak daude