Eskuin muturreko diskurtsoa airatuz egin du presidente karguaren zina Bolsonarok
Urte berriarekin batera, urtarrilaren 1ean burutu da Brasilen Jair Bolsonaroren inbestidura-ekitaldia. “Genero ideologiaren” eta ustelkeriaren aurka egingo duela adierazi du presidente berriak, baita herrialdea “lotura ideologikoetatik” eta “sozialismotik” askatuko duela esan ere.
Urriaren 28ko hauteskundeetan atera zen garaile Bolsonaro. 40ko hamarkadaz geroztik hauteskunde bidez presidentziara heldu den lehen militarra da, eta badirudi herrialdearen gidaritzarako ere armadaz baliatuko dela: Gobernuko goi-karguak militarrez bete ditu, eta presidenteorde den Hamilton Mourão jeneralaz gain beste zazpi militarrek betetzen dute Ministroen Kontseilurako 22 hautagaien zerrenda. Militarizazio honen adierazle, segurtasuna ahotan hartuta parlamentariei polizia eta militarrentzako “babes juridikoa” eskatu izana.
Indar armatuen zeharkako defentsa egiteaz gain, bere agintaldiko helburutzat xedatutakoez ere mintzatu da Bolsonaro, bere hitzetan Brasil “lotura ideologikoetatik” askatzea asmo dutenak. “Zuen aurrean jartzen naiz herria sozialismotik, balioen alderantzikatzetik, Estatu gigantismotik eta zuzentasun politikotik askatzen hasi den egunean”, adierazi du.
“Genero ideologia” jarri du jo-puntuetako batean: “Herria batu, familia balioan jarri, erlijioak eta gure tradizioa judeo-kristaua errespetatu eta genero ideologia borrokatzea zin egiten dut”. Horrez gain, sozialismoaren kontra borroka egiteko jarrera irmoa ere erakutsi du: “Gure bandera inoiz gehiago ez da gorria izango. Soilik gorria izango da berau berde eta hori mantentzeko gure odolagatik baldin bada”.
Herrialdearen azken urteetako atzeraldi ekonomikoa ere sozialismoari leporatu dio, eta aurrerantzean Brasil nazioarteko merkataritzara irekita egongo dela jakinarazi. Hezkuntza esparrutik hasita lan merkatuan integratuko diren norbanakoak formatu beharra nabarmendu du, “militante politikoak” ordez.
“Brasil ororen gainetik, jainkoa guztion gainetik” gisako esaldiekin, jainkoari erreferentziaz jositako diskurtsoa izan da inbestidura saioaren bidez helarazi duena.
Gonbidatuak, herrialdearen norabidearen adierazle
Inbestidura-saioan izan ziren Honduras, Txile, Bolivia, Paraguai eta Uruguaiko presidenteak, Benjamin Netanyahu Israelgo lehen ministroa eta Viktor Orban Hungariakoarekin batera. Venezuela, Nikaragua eta Kubako presidenteei, aldiz, “diktadoreak” izateagatik ez zaie gonbidapenik luzatu.
“America First” leloa gogorarazten duen “Brasil edozeren gainetik” esaldia erabiliz, AEBetako presidente Donald Trumpekiko duen begirunea ere egin zuen ageriko Bolsonarok. Twitter bidezko mezuetan, presidente biek elkarrekin lan egiteko asmoa agertu dute.
Congratulations to President @JairBolsonaro who just made a great inauguration speech - the U.S.A. is with you!
— Donald J. Trump (@realDonaldTrump) 2019(e)ko urtarrilaren 1(a)
Dear Mr. President @realDonalTrump, I truly appreciate your words of encouragement. Together, under God’s protection, we shall bring prosperity and progress to our people! https://t.co/dplAFNJGdA
— Jair M. Bolsonaro (@jairbolsonaro) 2019(e)ko urtarrilaren 1(a)
Brasileko Langileen Alderdia (PT) eta Sozialsmoa eta Askatasuna (PSOL) alderdiek boikota egin diote saioari, eta ez dira bertan izan.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Islamofobiaren Kontrako Musulmanak elkarteak Bizkaiko fiskaltzan salaketa jarri du Yolanda Couceiroren kontra, immigrazioaren eta Islamaren inguruan egindako adierazpenengatik. PPk bere zerrendetan hautagai izatea eskaini dio Portugaleten jaiotako ultraeskuindarrari.
Martxoaren 14an urtea bete da Marielle Franco feminista eta giza eskubideen aldeko ekintzailea Rio de Janeiron tiroz hil zutela. Hain justu, astelehenean atxilotu dituzte lehen bi susmagarriak, polizia militar ohiak biak, galdera ugari erantzuteke dituen ikerketaren barruan. Atxilotuetako batek Jair Bolsonaro presidente ultraeskuindarraren familiarekin lotura izateak gobernua ataka baten sartu du.
Hogar Social mugimendu neonazi espainiarra alderdi gisa erregistratu da eta Espainiako Estatu osoan zabaltzeko asmoa dauka ElDiario.es-ek argitaratu duenez. Otsailaren 28an egin zuen eskaera Espainiako Barne Ministerioan alderdi gisa erregistratzeko eta aipatutako hedabide digitalak baieztatu ahal izan duenez, legeztatuta daude dagoeneko.
Astelehenean autobusarekin Bartzelonatik ibiltzea zeukan aurreikusita Hazte Oir eskuin muturreko elkarteak. Pertsona talde batek hiriaren sarreran autobusari bidea moztu eta feminismoa nazismoarekin lotzen zuen grafismoa kendu dio.
Mato Grosso do Sul estatuak irudikatzen du Jair Bolsonaro ultraeskuindarrak Brasilen ezarri nahi duen nazio asmoa. Soja eta okelaren esportatzaile nagusi izaki, beste inon baino bortitzagoak dira hemen lurraren erabileragatiko borrokak, zeinetan talka egiten duten alde batetik milaka urtez bertan bizi izan diren jatorrizko biztanleek eta kolonialismoak ekarritako beltz eta nekazari txiroek, eta bestetik agro-industriarekin aberasten diren lur harrapatzaile handiek.
“Independentismo katalanak faxismoa itzarri du”. Esaldi bakarrarekin, nola zuritzen diren jarrera batzuk, nola banatzen diren ardurak: faxismoa indar naturala da, lo arina duen dragoi bat, Katalunia aldeko aldarrikapen neurrigabeek zirikatu dutena. Gauzak nola kontatzen diren.
Vox alderdiak ostegunean ekitaldi politikoa egin du Iruñeko Iruña Park hotelean. Uxue Barkos eta Joseba Asiron maiatzaren 26tik aurrera ez direla Nafarroako eta Iruñeko buruzagi izanen, esan du Santiago Abascalek ehunka pertsonen aurrean.
Ez da lehendabiziko aldia. Abenduan azaldu zigun Iñaki Iriartek, Diario de Navarrako iritzi sailean hain zuzen, ez dela egokia Vox alderdia faxisten zakuan sartzea. Terminologiaren aitzakian gauza funtsezkoagoren bat erakutsi nahi dutenen milikeria terminologikoarekin, Iriartek erraten zigun Voxekoen ideologia ez dela 20ko hamarkadako faxistena. Voxi faxista deitzea ez da historikoki zuzena; alderdia arrakasta izaten ari bada, zentro-eskuinean [sic] inor adieraztera ausartzen ez zen... [+]
Nola da posible, baina? Bolo-bolo dabil galdera, Andaluziako parlamentura VOX sartu zenetik 400.000 lagunen babesarekin. Hasieran, freaky-tzat hartutakoa, orain kezka orokorra omen: Amurrioko PPko zinegotzi eta parlamentari ohi batek sortutako alderdia.
