Eskuin muturrak lehen aldiz irabaz lezake ezkerraren gotorleku izan den Emilia gorrian

  • Hauteskunde erregionalak egingo dituzte igandean Italia iparraldeko Emilia-Romana eskualdean. Azken inkesten arabera, Bost Izar mugimenduaren (M5S) deskalabru elektorala probestuz, Matteo Salvini Barne Ministro ohiaren Lega atera liteke garaile.


2020ko urtarrilaren 24an - 10:23
Legako líder Matteo Salvini Maranello herrian emandako mitinean. Arg: LaPresse via ZU / EP

Automobilgintza industria eta Novecento film ezagunaren lurralde hau, Emilia gorria, historikoki Alderdi Komunista eta ezkerreko mugimenduen gotorleku izan da, hortik bere ezizena. Lan gatazken eta klase borrokaren sinbolo, bertan 75 urte jarraian gobernatu du ezkerrak. Lehen Alderdi Komunistak, orain zentro-ezkerrean kokatzen den Alderdi Demokratikoak (PD).

Salvinik hauteskunde guztiak probestu nahi ditu elektoralki oraindik duen indarra erakutsi eta gobernua higatzeko

Joera historiko hori eten egin daiteke igandeko zita elektoralean. Gailentzeko helburu argiarekin, asko izan dira Legako liderrak lurraldearen langile izaerari kanpainan zehar egindako erreferentziak. “Alderdi Demokratikoa ez da jada langileen alderdia, finantzario eta boteretsuen eskuetan dagoen alderdia da”, zioen pasa den astean, Ferrari auto marka sortzen ikusi zuen Maranello herrian emandako mitinean. Ezkerra bozkatzen duen hauteslegoaren bila dabil enegarrenez eskuin muturra.

Plebiszitua Contek zuzentzen duen Gobernuari

Salvinik Italiako Barne Ministro zela Bost Izar Mugimenduarekin zuen gobernu hitzarmena hautsi eta estatu mailako hauteskundeak aurreratzeko estrategiarekin porrot egin ostean, Giuseppe Contek zuzentzen duen zentro-ezkerreko gobernuaren eraketa etorri zen.

Akats historiko horren jakitun, mugimendu ultraeskuindarra denbora gutxiren buruan gobernura itzularazteko xedean, igandeko hauteskunde erregionalak gobernu zentralaren gaineko plebiszitu moduko zerbait bilakatzea lortu du Salvinik.

Sardinen mugimendua
Ultraeskuinak irabazteko dituen aukeren oso jakitun, lurralde honetan bertan sortu zuen lagun talde batek Sardinen Mugimendua

Eskuin muturrak irabazteko dituen aukeren jakitun, lurralde honetan bertan sortu zuen lagun talde batek “Sardinen Mugimendua” bezala ezagutzen den mugimendu herritarra, denbora gutxiren buruan Italia osora zabaldu dena. Mugimenduak ultraeskuinaren diskurtsoari aurre egitea du xede.

Asko izan dira Italiako hiri ugaritan mugimenduak buruturiko mobilizazioak. Bereziki handia izan zen pasa den igandean Bolonian –Emilia-Romanako hiriburuan– buruturiko ekimena, hedabide ugariren arabera 40.000 lagunek egin zuten bat deialdiarekin.

Legaren aurrean mobilizatzeko beharraren aldarriak agerian, ikusteke dago mobilizazio herritar inprobisatu hau nahikoa izango den igandeko hauteskundeetan ultraeskuina geldiarazteko. Azpiko bideoan Sardinen mugimenduak deituta, jendetza Bolonian Bella Ciao abesten.


Kanal honetatik interesatuko zaizu: Italia
Gutxienez hamaika hildako eta 64 desagertu Mediterraneoan astelehenean bi ontzik izandako ezbeharretan

Calabriako (Italia) kostaldetik 120 miliatara hondoratu da astelehenean ontzi bat eta erreskate lanetan, haurdun zegoen emakume bat hil da. Libiatik gertu beste ontzi batean, ura sartu eta hamar pertsona hil dira sotoan. Desagertuen artean gutxienez 26 ume daude.


Ötziren tatuaje modernoak

1991n Alpeetan Ötziren gorpua aurkitu zutenetik, egoera oso onean kontserbatutako 5.000 urteko arrastoak ikerketa asko egiteko erabili dituzte. Hasieratik arreta eman zuten azalean zeuzkan 61 tatuajeek. Adituek uste zuten tatuaje horiek azalean ebaki txikiak eginda eta,... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Fra Mauroren mundu zehatzagoa

Venezia, 1459ko apirilaren 24a. Fra Mauro monje eta kartografoak bere munduko mapa amaitu zuen San Michele de Murano monasterioan zeukan kartografia tailerrean. Portugalgo errege Alfontso V.aren enkarguz egin zuen lan hura, eta, mapa amaitu bezain pronto, Portugalera bidali... [+]


4.000 urteko ezpain-margoa

Paduako (Italia) unibertsitateko ikerlari talde batek Iranen 2001ean aurkitutako harrizko ontzi txiki bat aztertu du. Zehazki, flasko  barruan zeuden arrastoak aztertu dituzte, eta hainbat osagai dituela ikusi dute: hematita xehetua –kolore gorri biziko mineral... [+]


Eguneraketa berriak daude