Eskualdea, ezkerrean

  • Beste behin ere, 1998tik Akitania Berria eskualdeko presidentea den Alain Rousset sozialistak irabazi ditu hauteskundeak, botoen %39,51 eskuraturik bigarren itzulian.


2021eko ekainaren 28an - 09:59
Azken eguneraketa: 12:03
Rousset, bozkatzen (Irudia: @al_rousset)

Alain Roussetek parean zituen lau lehiakide: botoen %19,11 bildu dituen eskuin muturra, zentro-eskuina (%14,19), ekologistak (%14,19) eta Macronen alderdiari loturikoa (%13,01). 183 aulkietatik 101 aulki ditu beraz gehiengoak, 26 aulkirekin oposizioko lehen indarra delarik eskuin muturra. Aitzineko kargualdian ez bezala, hemeretzi kontseilari dituzten ekologistek ez dute aldi honetan adostasunik lortu Roussetekin gehiengotik aritzeko.

Lehen itzulian bezala, emaitzak ezberdinak izan dira Ipar Euskal Herrian, ezkerra indartsu kokatuz eta eskuin muturra azken geldituz. Roussetek bozen %36,80 lortu du, Nicolas Thierry ekologistak %20,39, Genevieve Darrieussecq macronistak %15,05, zentro-eskuineko Nicolas Florianek %14,59 eta eskuin muturreko Edwine Diazek %13,19.

Akitania Berrian bezala, orokorrean Frantziako Estatu osoan du LREM Emmanuel Macron presidentearen alderdiak zaplaztekoa bildu. RN eskuin muturraren porrota ere begibistakoa da, eta nonbait sorpresa ere, boterera heltzeko esperantza handia bazuten ere, azkenean ez dutelako eskualde bakar bat ere irabazi hauen hautagaiek. Europe Ecologie-ko ekologistak pozik agertu dira, 2015ari alderatuz hirukoiztu dituztelako jasotako botoak.

Aldi honetan ere abstentzioa biziki handia izan da, %63,43koa (lehen itzulian %64,04koa zenean). Emaitzak baloratzeko orduan, parte-hartze eskas horri buruz kezkaturik agertu da Rousset bera ere, Frantzian gehiegizkoak diren zentralismo eta jabonismoari lotuz herritarren eta bozketen artean dagoen arrakala hau.


Kanal honetatik interesatuko zaizu: Ipar EH-ko politika
2024-05-24 | Euskal Irratiak
Peio Etxeleku, Elkargoko bere kargugabetzeaz: "Ez didate ene burua defendatzeko aukerarik eman"

Jean René Etxegaraik Peio Etxeleku baztertu du Errobi lurraldeko arduretatik. Etxeleku Kanboko hautetsia eta EAJren Ipar Buru Batzarreko lehendakaria da. Joan den astean Hirigune Elkargoko buruak jakinarazi zuen poloko hamaika auzapezetatik seik galdegin ziotela... [+]


Euskal Konfederazioak haserrea adierazi du EEPren batzar nagusian, euskararen aldeko politikei diru gehiago ez bideratzeagatik

Euskararen Erakunde Publikoak (EEP) batzar orokorra izan du astelehenean 2024ko aurrekontua bozkatzeko. Alain Iriart, Euskal Elkargoko ordezkaria kontra bozkatu duen bakarra izan da.


2024-01-31 | Euskal Irratiak
Peio Etxeberri Aintxart
"Estatuak heriotza heroikoa eskaini zion gainbeheran zen Enbatari"

Mende erdia bete da Enbata legez kanpo ezarri zutenetik. Frantziako gobernuak Enbatak Hego Euskal Herriko ETA erakunde armatuarekin zuen balizko lotura ezarri zuen estakuru bezala. Horren ondorioz,Ipar Euskal Herriko lehen mugimendu abertzalearen azken kideak HAS Herriko Alderdi... [+]


2023-12-20 | Euskal Irratiak
Dominika Daguerre
"Hiru urtez, GALen atentatu bat jasan genuen hamabost egun guziz Iparraldean"

Berrogei urte bete dira GALek aldarrikatu lehen hilketatik. 1983ko abenduaren 19an Ramon Oñaederra ‘Kattu’ 23 urteko errefuxiatua hil zuen talde parapolizial horrek Baionako Bourgneuf karrikako Kayetenia ostatuan. Gertakari hori mugarria izan zen, hor abiatuko... [+]


2023-11-09 | Euskal Irratiak
Europako 10 milioi euro zuzenean kudeatuko ditu Euskal Hirigune Elkargoak

Lehen aldia izanen da Europako funtsak zuzenean kudeatzen ahalko dituela Euskal Hirigune Elkargoak, Akitania Berriko eskualdearen esku hartzerik gabe. 10,8 milioi euroko diru-funtsa izanen da, 2024 eta 2027 artean baliatu beharrekoa.


Eguneraketa berriak daude