Eskoziako lehen ministro ohi Alex Salmond atxilotu dute, bi emakumeri sexu jazarpena egotzita
Eskoziako lehen ministro ohi Alex Salmond atxilotu dute, bi emakumek bere aurka sexu jazarpen salaketak jarri ostean.
Asteazken gauean atxilotu dute Alex Salmond. The Guardianen irakur daitekeenez, oraindik ez dira argiak egozten dizkioten delituak, ezta noiz pasako den epailearen aurretik ere.
Poliziaren bozeramaile batek ondorengoa adierazi du: "Baiezta dezakegu 64 urteko gizon bat atxilotua eta akusatua izan dela, eta fiskalari txosten bat bidali zaiola".
The Guardianek informatu duenez, Eskoziako polizia Salmond ikertzen ari zen era sekretuan, bi emakumek jarritako salaketen harira. Bertan adierazi zuten orain hainbat urte sexu jazarpena egin ziela lehen ministro ohiak.
Joan den abuztuan, sexu jazarpenarekin lotutako salaketa hauek publiko egin ziren Eskozian. Salmondek salaketak ukatu zituen.
Alex Salmond 2007an Eskoziako lehen ministro izendatu zuten eta herrialdea independentziarantz eraman zuen, 2014ko erreferendum historikoa gutxigatik galdu zuen.
Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]
2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]
Zortzi urtean ezingo da bikotekide ohiarengana hurbildu eta 5.000 euroko kalte ordaina eman beharko dio.
Polizia-ikerketa zabalik dago eta atxilotuei konfiskatutako material informatikoa eta gailu elektronikoak aztertzen ari dira. Ertzaintzak uste du biktima gehiago egon daitezkeela. Antza, "opariak" ematen zizkieten trukean.
28 eta 37 urteko bi gizonezko atxilo hartu ditu Ertzaintzak, bata Tolosan eta bestea Ibarran. Biktimetako bi adin txikikoak dira.