Eskolan sexu identitatea eta aniztasuna lantzeko bost bideo egin ditu Naizen elkarteak
Bigarren Hezkuntzan sexu identitatea eta aniztasuna umore ukituarekin eta sakon lantzeko, bost bideo egin ditu Naizen adingabe transexualen familien elkarteak. “Ikastetxeetan baliabideak behar dituzte gai hauek lantzeko eta irakasleak ez dira jorratzeko gai sentitzen. Hau lehen urratsa izan da eta hemendik aurrera unitate didaktiko osoa eraikiko dugu”, azaldu diote ARGIAri elkartetik.
DBHko ikasleei zuzendutako bideoen gaiak eta izenburuak honakoak dira: Sexu ezaugarriak, Sexu identitatea, Sexu aniztasuna, Nahasketa batzuk eta Elkar zainduz. Urtarrilaren 28an eta otsailaren 6an, 13an, 20an eta 27an joango dira bideoak argitaratzen, Naizen elkartearen sareetan. Gai hauek jorratzeko hezitzaileek materiala behar dutela eta aspalditik eta gero eta gehiago eskatzen dizkietela kontatu digute elkartetik: “Unitate didaktikoak sortzen hasi ginen eta unitate horiek ikus-entzunezko oinarri bat behar zuten. Hau lehen urratsa izan da”.
Ikasle txikienekin ere sexualitatea lantzeak duen garrantzia aipatuta, erantzun digute urratsez urrats doazela, eta premia handiagoa dagoela DBHn: “Haur eta Lehen Hezkuntzan baliabide gehiago daude (ipuinak, bideotxoak, komikiak...) eta sakontasun maila hain handia ez denez, irakasleak ere errazago moldatzen dira”.
"Bideo hauetan bizitzan eman daitezkeen egoera errealak islatu nahi izan ditugu, eta umorearen bidez errazago iritsiko zaiela pentsatu dugu"
Aitziber Garmendia, Kepa Errasti eta Garazi Urkola protagonista dituzten bideoei umorea darie. Naizenen garbi dute: “Gazteengana hurbiltzeko txapa teorikoa ezin dugu eman, horregatik ikastetxeetara joaten garenean, helduak bertaratu aurretik gure gazteak joaten dira euren bizipenak ikasleekin partekatzera, berdinen artean egiten denean errealagoa egiten baitzaie. Hortik abiatuta, bideo hauetan bizitzan eman daitezkeen egoera errealak islatu nahi izan ditugu, eta umorearen bidez errazago iritsiko zaiela pentsatu dugu”.
Zerk egiten gaitu emakume, zerk gizon?
Umoreak ez dio, baina, sakontasunik kentzen gaiari. Lehenengo bideoan familia batek eztabaidatzen du zein ezaugarrik egiten duten pertsona bat gizon eta zein ezaugarrik emakume, abiapuntu horrek gogoetara daramatza protagonistak. Segidan bideoaren zati txiki bat baino ez:
Bideo osoa (Sexu ezaugarriak) urtarrilaren 28an Naizen elkarteak egingo duen urteroko jaian aurkeztuko dute, Gipuzkoako Zientzia eta Teknologia Parkearen eraikin nagusian. Ekintza ugari prestatu dituzte eta tartean Naizenen kamisetaren diseinu irabazlea jakinaraziko dute. Urtero egin ohi denez, “2015ean zortzi familiak bide honi ekin ziotenetik lortutako guztia errepasatu eta aniztasuna baliotzat duen gizarte bat lortu arte aurretik dauden erronkak” gogoratuko dituzte, “haur eta gazteen transexualitatea oztopo-lasterketa bat ez izatea lortu arte oraindik lana baitago”.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
GIBarekiko esposizio aurreko profilaxia da Prep botika. Alfonso Setiey Anitzak elkarteko lehendakariaren arabera, farmazietan eskuratzeak itxaron-zerrendak gutxitu ditzake. Alabaina, arriskuez ere ohartarazi du.
Norbere gorputzaren gaineko erabakiez, estetika heteropatriarkalaren morrontzaz, kontraesanez eta musikaren industriaz solastatzeko baliatu dugu Arrigorriagako polemika: herri horretako jai batzordeak Vulkano orkestra festa-egitarautik kentzea erabaki du, ikuskizuneko... [+]
“Bohemioa”, “poeta”, “mozkorra” eta “amodioaz maiteminduta” dagoen drag bat da Travis Tea (2024, Travistonia planetakoa). Autopertzepzio bat dela dio, eta kanpotik “talenturik gabeko eta antigoaleko poetatzat” dutela... [+]
Burua altxa eta norberaren borroka zehatzetik harago joateko gaitasuna duen mugimendua da transmaribibolloena, hala erakutsi dute beste behin ere larunbatean, LGTBIQ+fobiaren Kontrako Nazioarteko Egunean. Palestinako genozidioa lehen lerrora ekarrita, zapalkuntza orori aurre... [+]
Bilboko LGTBIQ+ zinema eta arte eszenikoen Zinegoak jaialdiak 2025eko edizioko sariak iragarri ditu. Between Goodbyes eta Alma del desierto dokumentalak izan dira palmaresaren irabazle nagusiak.
Lanez lepo harrapatu dugun arren, eskuzabal hartu gaitu Eusko Jaurlaritzako Hezkuntza sailburuak; elkarrizketarako aurrez adostuta genuen denbora luzatzen utzi digu, luze jo baitu solasaldiak. Karguan urtebete egin duelarik, berrikuntzaz aritu gara Begoña Pedrosarekin,... [+]
Ascension uhartea, 1725eko maiatzaren 5a. “Holandar ontziteriako komandantearen eta kapitainen aginduz, ni, Leendert Hasenbosch, uharte bakartu honetan lehorreratu naute, nire zorigaitzerako”.
Herbeheretar marinela, 1695ean Hagan jaioa, Ekialdeko... [+]
6 urtez azpiko haurrek egunean ordubetez baino ezin zuten egon Debako liburutegian, eta egoera hori aldatzeko borrokan aritu da herriko ama talde bat. Udal gobernuak jarrera aldatu eta onartu du herritar guztiek, duten adina dutela, nahi dutenean egon ahal izatea liburutegian... [+]
Zinema eta arte eszenikoen LGTBIQ+ jaialdia Bilbon ospatuko dute ekainaren 23tik 30era,50 jarduera baino gehiagorekin.
Neska transexual baten ama, haurtzaroan bere genero identitateagatik bullyinga jasan zuen gizona edota LGTBI kolektiboko nikaraguar erbesteratua ezagutu eta horietakoren batekin bizipenak partekatu eta solastatu nahi duenak aukera izango du datozen egunetan Nafarroako sei... [+]
Marioker guztiok nola, erreferenteen egarri nintzen nerabezaroan, bisexuala nintzela onartzeko prozesuan, eta bakan batzuk topatu nituen: Skin, Skunk Anansieren kantaria (tartean ez nekien bisexuala zenik, baina radarrak funtzionatzen zidan), Lucía Etxebarriaren Beatriz y... [+]
Galdera horri erantzun dio hainbat irakasle ez-heterok, eta gogoetarako gako ugari utzi dituzte. Mundua deskubritzen eta identitate(sexual)a eraikitzen ari diren haur eta gazteek erreferente anitzak izatea eta eskolan denok espazio seguru eta erosoa aurkitzea ederra baita.
Maiatzaren 17an LGTBIQ+fobiaren Kontrako Eguna dela-eta, “bizi dugun oldarraldi atzerakoia” , “transfobiak hartu duen indarra” eta “instituzioen utzikeria” nabarmendu dituzte kolektiboaren bueltako elkarteek. Zenbait instituzioren kapitalismo... [+]
Ludotekan, gazte txokoan, udalekuetan... batzuk musukatzen ari direla, beste hark zakila erakutsi duela eta honakoak gorputzarekiko irainak jaso dituela, hori guztia kudeatzea ez dute erraza hezitzaileek. Adibide praktikoz lagunduta, 'Nola landu sexualitatea hezitzaileon... [+]