Astelehenean abiatuko dira aurrematrikulazioak euskal eskola publikoan
Euskal eskola publikoan matrikulatzeko epea urtarrilaren 18an irekiko da, eta hilaren 29ra arte luzatuko da. Jaiotza tasaren apaltzea medio, datozen urteetako matrikulazioetan %20ko jaitsiera aurreikusten duela adierazi du Eusko Jaurlaritzak.
"Euskal eskola publikoa: nirea, zurea, gurea" lelopean abiarazi dute 2021-2022 matrikulazio kanpaina. Izan ere, Arabako, Bizkaiko eta Gipuzkoako ikastetxeetan, hurrengo astelehenean, hilaren 18an zabalduko dituzte Haur Hezkuntzako, Lehen Hezkuntzako eta Derrigorrezko Bigarren Hezkuntzako ikastetxeetako aurrematrikulzioak.
Hori dela eta, agerraldia egin zuten asteazkenean, hilaren 13an, Eusko Jaurlaritzako Hezkuntza sailburua den Jokin Bildarratzek, sailburuordea den Begoña Pedrosak eta Eugenio Jimenez Ikastetxe eta Plangintzaren zuzendariak.
Matrikulatzeko, zer?
Matrikulatzeko eskabideak urtarrilaren 18tik 29ra aurkeztu ahal izango dira. Eskatzaileen zerrendan otsailaren 16an argitaratuko da. Martxoaren 9an aterako dituzte behin behineko zerrendak eta martxoaren 16ra arte izango da tartea erreklamazioak egiteko, baita atzera egiteko ere, nahi izanez gero. Behin betiko zerrendak erreklamazioen ostean argitaratuko dituzte, martxoaren 23an, eta errekurtsoak jartzeko epea apirilaren 23ra arte luzatuko da. Aurrematrikulazioa internet bidez egiteko aukera izango da [informazioa hemen]. Ikastetxeetara jo beharrez gero, familiek hitzordua eskatu beharko dute, pilaketak saiheste aldera.
Guztira, 15.300 ikasle ingururi egin die dei eskola publikoak, 2021-2022 ikasturterako. Izan ere, urtarrilaren 13an egindako agerraldian biltzarkideek emandako datuen arabera, 2018tik 2.000 ikasle gutxiago matrikulatu dira eta dagoeneko nabaritzen hasia da jaiotza tasaren apaltzea ikastetxeko geletan ere. Gainera, egin dituzten ikerketek matrikulazioen %20ko jaitsiera aurreikusten dute.
700 ikastetxe aukeran
700 ikastetxe izango dituzte guztira aukeran familiek. 541 ikastetxe izango dira bi urteko aurrak jasoko dituzenak. 542 eskolatan eskainiko dute Haur Hezkuntzako bigarren zikloa, 533tan egin ahalko da Lehen Hezkuntza, eta 327 ikastetxetan ikasi ahalko da Derrigorrezko Bigarren Hezkuntza.
Lanez lepo harrapatu dugun arren, eskuzabal hartu gaitu Eusko Jaurlaritzako Hezkuntza sailburuak; elkarrizketarako aurrez adostuta genuen denbora luzatzen utzi digu, luze jo baitu solasaldiak. Karguan urtebete egin duelarik, berrikuntzaz aritu gara Begoña Pedrosarekin,... [+]
Eusko Jaurlaritzako Hezkuntza sailburuak iragarri duelarik hainbat ikastetxe eta zonaldetan sukaldeak jarriko dituztela, EHIGE gurasoen federazioak dio gaur egun catering-enpresen esku dauden eskola-jantokietako eredua bera aztertzea eta bestelako kudeaketa bat bultzatzea dela... [+]
Ehunka pertsona joan dira jaialdira, haien artean Begoña Pedrosa Hezkuntza sailburua, 60 milioi euroko inbertsioa iragarri duena Eskola Txikientzat.
Herri txikiak bizirik dauden eremuak direla eta bizirik jarraitzeko herriari begiratuko dion eskola gakoa dela aldarrikatuko dute, aurten ere, Gipuzkoako Eskola Txikien Festan. Ekainaren 8an ospatuko dute, igandean, Ezkio-Itsason, landa guneko herri txikiak hezkuntzarako zein... [+]
Hamaika familiak egin dute ikastetxe publikoan D eredura pasatzeko eskaera. Zentroak baiezkoa eman du, baita Udalak ere, baina errefusatu egin du Nafarroako Gobernuak "espazio falta" argudiatuta.
Tentsio handiko ikasturtea amaitzear, ostegunean hasi eta ostiralean jarraituriko azken negoziaketa maratoian Eusko Jaurlaritzarekin akordioa sinatu dute sindikatu guztiek, ELAk izan ezik. Datorren asteko grebak bertan behera geratu dira. Segidan, adostu dutena eta batzuek eta... [+]
Sei urteko etenaldiaren ostean, maiatzaren 18an, Sortzen jaia ospatuko dute Takoneran D ereduko eskola publikoen aldeko jaia. Ikuskizunak, haurrendako jolasak eta Gorka Urbizu edota Borla taldeen kontzertuak izango dira.
“Proposamen oso eskasa egin du Hezkuntza Sailak, berme eta zehaztapenak txertatu barik”, kontatu dio ARGIAri STEILASeko bozeramaile Haizea Arbidek. Ostegun honetan bilera izan dute sindikatuek eta Eusko Jaurlaritzako Hezkuntza Sailak, EAEko irakaskuntza publikoko... [+]
“Etapa berri baten hasiera” eta “historikoa” moduko hitzekin aurkeztu du Eusko Jaurlaritzaren Hezkuntza Sailak Euskal Eskola Publikoa Eraldatzeko I. Plan Estrategikoa, Eusko Legebiltzarrean. Edukiak oraindik ontzeko eta zehazteko daudela, plana hamar... [+]
Araba, Bizkaia eta Gipuzkoako hezkuntza publikoko irakasleek urtarrilean abiaturiko greba zikloaren bigarren kolpea amaitu eta biharamunean deitu du bilera Eusko Jaurlaritzako Hezkuntza Sailak. Begoña Pedrosa sailburuak adierazi du "akordio bat lortzeko nahia"... [+]
Non daude talka handienak eta zenbateraino dago gertu akordioa, EAEko hezkuntza publikoko irakasleentzat? Greba ziklo luzeari amaiera emateko sukalde lanaren eta gakoen inguruan mintzatu gara, STEILASeko bozeramaile Haizea Arbiderekin. “Grebak bertan behera utziko... [+]
Astelehen arratsalde-gaueko negoziaketa bilera luzearen ostean aurreakordiorik lortu gabe, EAEko hezkuntza publikoko irakasleak grebara deituak izan dira berriz ere; urtea hasi denetik bosgarren greba eguna izan da asteartekoa. Lanuzteek %75eko jarraipena izan dutela adierazi... [+]
Aiaraldeko hainbat irakaslek mezua igorri diete ikasleen guraso eta familiei, dagoen informazio zurrunbiloan, grebarako arrazoiak modu pertsonalean azaltzeak euren borroka eta lanuztea hobeto ulertzeko balioko dielakoan.
Grebaren bezperan Hezkuntza Sailak “edukirik gabeko” mahaia deitu zuela eta sindikatu deitzaileak “errespetatu gabe” akordioa “antzezteko” gutxiengoa duten sindikatuak “erabili” nahi izan zituela salatu ostean, beste bi greba... [+]
Heldu zaigu EAEn 2025-26 ikasturterako ikastetxeetan matrikula egiteko garaia, eta etxe askotan etxeko txikienak urrats berria emango du hemendik gutxira, irailean, eskolaratzea, alegia. Euskal Eskola Publikoaz Harro Topaguneko kideok apustu sendoa egiten dugu eskola publikoaren... [+]