Eskola segregazioaren aurkako herri ekimen legegileari ezetz esan dio Jaurlaritzak

  • Herritarrek Eusko Legebiltzarrera eramandako lege proposamenak 17.000 sinadura lortu ditu (10.000 da aurkeztu ahal izateko gutxienekoa) eta alderdi politiko gehienen babesa du: eskola segregazioa gainditzeko zortzi neurri zehazten ditu ekimenak, baina berau tramitatzearen aurka agertu da Eusko Jaurlaritza, eta beraz ziurrenik ez du aurrera egingo. Jaurlaritzak arrazoitu du Hezkuntza Lege berrian helduko diotela gaiari.

Mikel Garcia Idiakez @mikelgi
2018ko irailaren 19a

Proposamenaren espirituarekin eta helburuekin bat datorrela dio Jaurlaritzak, beharrezkoa ikusten duela hezkuntzan kohesio soziala eta ekitatea bultzatzea, baina aurreko ikasturtean gehiengo sindikalarekin sinatu zuen akordioan (ELAk ez zuen akordioa onartu) jasotzen denez, prestatzen ari den eta laster Legebiltzarrean aurkezteko asmoa duen Hezkuntza Lege proiektuan jorratu nahi duela gaia.

“Hezkuntza Beharren Indizea” martxan jarri nahi dutela gaineratu du administrazioak: alegia, ikastetxe bakoitzaren beharrak identifikatuko dituen indizea, laguntzak horren arabera banatzeko.

Herri ekimen legegilea Zubiak Eraikiz plataformak abiatu zuen joan den maiatzean, eta EH Bildu, Elkarrekin-Podemos eta PSE-EE alderdiek babestu dute.

Matrikulazio bulego bakarra denontzat

Eragile ugarik eskatzen duten neurria planteatu du plataformak lege-proposamenean: matrikulazio bulego edo leihatila bakarra –sindikatu eta familien ordezkariak barne hartuko dituena–, matrikulazioa zentralizatu eta irizpide ekitatiboak ziurtatzea errazagoa izan dadin. Beste hainbat neurri ere jarri dituzte mahai gainean, hala nola ikastetxe guztien doakotasuna, “modu zuzen edo zeharkako kuoten aurka”, eta diskriminazio positiboa, “biztanleria kaltetu gehien duten ikastetxeak baliabide gehiagoz hornitu” aldera.

Gaiari lotuta, Ghetto-ikastetxeen egunerokoa erreportajea argitaratu dugu Argian.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Eskola segregazioa  |  Pobrezia  |  Diskriminazioa  |  Migrazioa

Eskola segregazioa kanaletik interesatuko zaizu...
Okerrera doaz Eusko Jaurlaritzaren aurreikuspen ekonomikoak

Euskal Autonomi Erkidegoaren egoera ekonomikoa, Errendimenduaren gizartea saiakera eta eskola segregazioa aztergai aste honetako Lanaren Ekonomian. Berrikuntzekin dator ikasturtea BilboHiria eta Hordagoko elkarlanean.


2018-10-19 | Zebrabidea
'Hezkuntza salgai' dokumentala aurkeztuko dute urriaren 24an

Urriaren 24an, Steilas sindikatuak “Hezkuntza Salgai” dokumenatala aurkeztuko du. Segregazioa, aukera berdintasuna, ebaluazioa eta beste hainbat gai jorratu eta hezkuntza publikoak egun duen egoera aztertzen da, hainbat adituen iritziak jasota.


Jatorri atzerritarreko ikasleen segregazioa gainditzeko Ikastolen Elkartearen proposamena

Jatorri atzerritarra duten ikasleengan fokua jarrita, horien gehiengoa eskola publikoan kontzentratu ez dadin eskolatze batzordeetan hezkuntza eragile guztiek parte hartzea, hizkuntza ereduak desagertzea (eta murgiltze eredua ezartzea), harrera plan integralak egitea eta itunpeko ikastetxeetara baliabide gehiago bideratzea proposatu dute ikastolek, besteak beste.


Giza Eskubideen Batzordera eraman nahi dute eskola-segregazioaren gaia

Eskola-segregazioa hezkuntzatik harago gizarte osoa inplikatzen duen gaia dela eta giza-eskubideak urratzen direla sinetsita, Eusko Legebiltzarreko Giza Eskubideen Batzordean agerraldia eskatuko du Steilas sindikatuak.


Legebiltzarrean ez da hil eskola-segregazioaren eztabaida. Orain zer?

Eskola-segregazioa gainditzeko herritarrek aurkezturiko lege-proposamena Eusko Legebiltzarrean eztabaidatzeari ateak itxi dizkiote EAJ, PSE eta PPk, baina oraindik soka luzea ekarriko du gaiak. Plataforma herritarrak presio egiten jarraitzeko asmoa du, Ikastolen Elkarteak udazkenean aurkeztuko du bere proposamena gaiaren inguruan, eta ikusteko dago Jaurlaritzak aurrera atera nahi duen hezkuntza legean nola jorratuko duen eskola-segregazioa.


Eskola-segregazioaren eztabaida, legebiltzarrean tabu?

Ostegun honetan bozkatuko dute Eusko Legebiltzarreko alderdiek: eskola-segregazioari aurre egiteko 17.000 herritarren babesa lortu duen lege-proposamena (10.000 sinadura nahikoa dira egitasmoa aurkezteko) tramiterako onartu ala eztabaida atzera bota erabakiko dute. Jaurlaritzak aurreratu du tramitearen aurka bozkatuko duela, eta haserre daude proposamenaren bultzatzaileak: hori da herri-ekimen legegileek merezi duten harrera? Noiz arte atzeratu hezkuntza segregazioaren gaia? Beldurra al zaio... [+]


Ghetto-ikastetxeen egunerokoa

Maila sozioekonomiko baxuko ikasleak ikastetxe jakinetan kontzentratzeko joera gero eta handiagoa da Euskal Herrian; datuek argi diote. Alegia, pobreak –horietako ugari ijitoak eta jatorri migratzailea dutenak– aparteko eskoletan pilatzen ditugula, horrek haientzat eta gainerakoentzat dituen ondorioekin. Zein da ikastetxe horietako errealitatea, zeintzuk eguneroko behar, aldarrikapen eta pozak?


Jatorri atzerritarreko ikasleen eskolatzea orekatzeko bere proposamena aurkeztuko du Ikastolen Elkarteak

Ikasturtearen balorazio mamitsua egin du Ikastolen Elkarteak. Gai beroei heldu die, tartean Seaskak eta Nafarroako ikastolek bizi duten egoerari, EAErako Hezkuntza Lege polemikoari, hizkuntza ereduei edota premia bereziko ikasleen eskolatze ekitatiboari.


2018-06-04 | Mikel Basabe
Segregazioa: ez du balio erru guztia Jaurlaritzari egotzi, eta norbera bertan goxo geratzeak

Berria-n agertu zen: Gasteizko eskoletan segregazioa dago. Euskaltzaindiaren definizioan, Gasteizen ikasleek bere arraza, egoera sozial, sexu edo erlijioagatik bereizkeria pairatzen dute.


Azkenak
EGILEA
Eguneraketa berriak daude